ماسمعتنيش

[ويبقى الأثر]

لمحتها هناك بعيده.. واقفه وحدها شريده ناديت عليها.. ماسمعتنيش .. نزلت ع الخد دمعه وهيا لاشايفه ولاسامعه.. شاورت ليها.. ماشفتنيش رسمتلها ف ورقه ملامحى كتبتلها إرجعى سامحى.. بعدت عنيها.. معرفتنيش.. جريت عليها أقرب.. لمحتنى حاولت تهرب.. صرخت بحرقه ماحستنيش.. ليه ياضحكتى مخصمانى؟ بعيده عنى وليه هجرانى.. أرجوكى حسى متنسينيش

[سسو]

	جميل جدا بس حزيييييين جدا جدا تسلم

[ساحر الأحزان]

كلمات عامية جميلة قيثارة

واسلوبك جميل فيها

يدوم التوفيق

[محمود أبوزيد]

[دمعه حائره]

جميله جدا زى الغنوة تسلمى قيثاره
دايما مميزة ومبدعة

[أحمد الجمل]

الله عليكي يا منة
وعلى رقة مفرداتك وجمال عباراتك
( شوية تحرش من اللي بيقول عليهم نور بالعند فيه )
روعة روعة روعة
حتى ذوقك راقي جدا في المزيكا
ربنا ما يحرمك من ضحكتك أبدا

[العاشق الذى لم يتب]

الله الله عليك
يامنة
بنت عمى طبعا
ولى الحق أتكلم براحتى
ولانور ولاغيره يقدريقول
بعاكس ولااتحرش
يسلام عليك يامنونة
عظيمة انت
بس ليه كل دا حزن
خليها على ربنا
وربك والله هيرضيك
تسلمى ويسعدك ربى
تحياتى وودى

[جبل عالي]

حبيبة قلبي وغاليتي

مررت على معزوفتك الحانية

وأطرقت بصمت مطبق ...فآثرت الرحيل

وتركت إعجاب صامت عله يوف بما لم أوف به

كوني بخير دوما ولا تتنازلي عنها

فذات يوم ستكون لك خير صديق وجليس

تحيتي لقلبك الطيب

[ويبقى الأثر]

وحشتنى الضحكه بجد
..................
شكرا لكم جميعا اسعدنى مروركم

[صمتى كلام]

بتنادى على الضحكة ..ياغربة الموال
..
والضحكة مش راضية ..بقى ده كلام يتقال
..
يا ام الكلام مبتسم ..يديكى راحة البال
..
وتنولى كل الهنا ..وتعلى فوق الجبال
..
قيثارة انتى عارفه مدام كتبت يبقى فى حاجه تستاهل انى ارد عليه
.

وانتى تستاهلى. انى ارد عليك موفقه دايما
..
تحياتى