حفل عيد ميلاد قسم العامية(إهداء خاص للرحال)

[جبل عالي]

الرحــاال المٌتَمرد مٌشرِف قِسمّ الإبداعات العامية كلمة المنتدى موجهة للأب الروحي للقسم الرحال المتمرد الاب الروحى لقسم الابداعات العاميه قيصر العاميه يسعد باقى طاقم اشراف قسم الابداعات العاميه ان يهدى هذا الحفل لك ايها الغائب الحاضر رغم حزننا الشديد لغيابك الا انك هنا بروحك وتوجيهك لن ننسى أبدا إصرارك الشديد لانشاء القسم رغم ماكنت تواجهه من صعوبات ولد على يديك وقمت انت بوضع حجر الاساس بتوجيهك استمر وسيستمر ولأن القسم إبنك فلتعلم انه سيظل دوماً بإنتظارك كن بخير اينما كنت ولاتتاخر بالعوده الينا ********* فى عيد ميلاد القسم العامى يابنت خالى و ياابن عمى اعضاء بنات مصر الحلوين جايه ابارك وبعيده أهنى **************** فاتت سنه علينا هنـــــــــــــــــــا بنحزن ونفرح مع بعضنا جمعتنا كلمه او فزوره حلوه ويارب يدوم كده شملنا (قيثارة الصمت) *************** قسم العامية ... قسم الكلمة اللي خارجة بعفوية تحكي حكاية أقلام حبرها كله طيبة وحنية كلمة دارجة مابين الأهل والصحبة الهنية ساعة تحكي فرح ... وساعة شكوى وأسية وساعات كلام مكتوب بطريقة حلمنتيشية لاتقولي فصحى و لغات مكلكعة ونحوية قسمنا بيقولكم تعالوا شرفونا هنا شوية في عيد ميلادنا هنقدم فقرات اللي هيا مابين كلمة ولاخاطرة ولا رباعية وشوية جوايز لكل فايز ولكل اللي كان معانا في فزورة ورباعية وكمان حبايب مسابقة صورة فى رباعية تعالوا معانا وشرفونا والفقرات اللي هيا ( جبل عالي ) ***************** وهنبدأ اولى الفقرات بكلمات خارجة من القلب لأعضاء إدارتنا الكرام SiLver Spectra إنشاء القسم..الفكرة كانت لرحال (ايمن) والصعوبة كانت في وجود اقسام شعرية كتير متشابهه في الفكرة الاول كان في همس القوافي و قسم اخر للخواطر و الاتنين كانوا متشابهين في مواضيعهم ..و كتير منها منقول فكان القرار في فتح قسم الابداعات الادبية في اخر 2009 و بعدين في أول 2013 تقريبا فتحنا العامية ..و معاه دمجنا الخواطر و القوافي مع بعض وكل سنة و هو طيب ..و عقبال كدا ما يجيب 5 سنين زي الاقلام و يدخل الحضانة ************ ساحر الأحزان قسم الأبداعات العامية أفرز نوع جديد من الكتابة الزجلية الساخرة من قضايا ومن مواضيع ومن نقد وضع وبرضة من مدح وضع بطريق فكاهية ساخرة وجميلة تشد القارىء والزائر وتعتبر الكتابة العامية الساخرة نوع صعب من الكتابة وهو ما افرز ويفرز اقلام لها طابع جميل ويضم القسم مشرفين على مستوى جيد يعيشو الحدث ويتجاوبو ولهم نشاط جميل داخل القسم ومع الاحتفال بعيد ميلاد القسم يسعدنى أن أشكر مشرفية وأشكر الأخوة الأعضاء متمنيا للجميع دوام التوفيق وشكرا جبل على تلك الدعوة الكريمة ************** دمعه حائره كل سنه وانتم بخير قسم العاميه كان فكره الرحال وكانت فكره قيمه فعلا واثمرت عن مواضيع جميله واقلام مبدعه فاتت سنه بسرعه وكان فيها زكريات حلوة مسابقات وانشطة قد ايه كانت بتجمعنا بروح مرح واخوة بتربطنا دايما مافيش شك ان التطور واضح وكل يوم بيظهر مجهود المشرفين فيه وده اللى بيشجع الاعضاء انهم يستمروا فى الكتابة سواء نتيجة متابعه او تكريم ومسابقات احب بالمناسبه دى اشكر كل المشرفين ورواد الابداعات العامية وان شاء الله العام الجديد يكون افضل من كل النواحى واتمنالكم كل التوفيق **************

[ويبقى الأثر]

أول هدية للقسم كانت من المبدع أحمد الجمل واحكي يا شاعر واحكي يا شاعر بعد العصر عن منتدى واسمه بنات مصر فيه القسم الأدبي حكايةْ يشبه أحلى وأجمل قصر مليان أدباء روعة وشُعَرا ولا ليهم لا مثيل ولا حَصْرْ وهناك شاعر مجنون يابني اسمه احمد وعاصِرْهم عَصْر شفت القسم العامي هناكْ طبْ ياللهْ وانا جايْ ويَّاكْ نسمع أحلى كلام بالبلدي م البت الحلوة اللي هناك بيقولوا عليها جبل عالي وأنا أقول ياخْوَانَّا دي ملاك تخطف قلبك وتجيب رجلك ترجع وتجيب حد معاك وأمانة عليك شوف لي عِبارة حلوةْ تْلِيق بالسِّتْ قيثارة أصلها يابني رقيقة وهادية والناس في جمالها محتارة لو نطقت تسحرلك قلبك فجأة ومن غير أي إشارة وان سِكْتِتْ تِحْزَنْ من قلبك وتقول سكتت ليه ياخسارة ****************** بقلمي أحمـــ الجمل ـــد وثاااااااني هدية من الرائع صمتي كلام عيد ميلاد القسم ده مختلف كل واحد فيه بيكتب محترف فى قصايد من دهب فى خواطر تنسى قلبك التعب لو حزين تبقى ...قيثاره لو رصين تبقى ...جبل لو مناضل ..احساسى صحيح لو مثقف يبقى ..الجمل وفى ولد على الربابه ..عمال بيعزف والمتواضع من الجراح عمال بينزف فتحى عيسى وابتسامه فى القسم ده ليهم علامه وفى السياسه دمعه حايره قالت كتير وحجازى الى غايب ان شاء الله يكون بخير واخر تحيه لكل زائر... باقه ندى يسعدنى جدا..انضمامك للمنتدى بقلم صمتي كلام

[جبل عالي]

الفقرة التالية هي لنجوم العامية الرائعين جدا وكلماتهم رووكه القسم مشاء الله من وقت أشرافكم وأنا شايفه مجهودكم فيه جميل جداااا وكل يوم فكره جديده الله يوفقك والمسابقات جميله والله خاصا أنك خرجتى عن المعتاد حاجه زى الحلمنتيشى كانت جديده وكلها ضحك نوع جديد بعيد عن الحب والسياسه وكده موفقين ان شاءالله بحر النسيان والله يمكن من افضل الاقسام عندى بعد القسم الاسلامى وماشاء الله الاقلام موجوده فيه زى العسل يمكن ومش تستغربى دى حقيقه والله مافيش موضوع بينزل الى لما اكون متابعه وبشوف ردود الاعضاء عليه نفسى اقول لصاحب الموضوع رائع جدا قلمك بس بخجل اما الاقى ردود بترد على صاحب الموضوع بموضوع تانى افكر كتير واقف صامت عند مواضيع الاعضاء واقول سبحان من ادى هذا الشخص هذه الموهبة بجد موهبة جامده جدا وبجد والله عمرى فى حياتى كلها مافكرت انى اكتب خالص وعجبنى والله فكرت صورة فى رباعية دى ممكن خلتنى اعبر عن الى جوايه فيها واكيد لو كنت بكتب مكنتش هبخل عليكم بردودى ومواضيعى بجد من الاقسام الى بقف امامها صامت والله امنتيتى ان اعرف اكتب واكون نشيط فى القسم ده والله اوعدك ياجبل انى احاول بس بينى وبينك ابعدى عنى البت الى اسمها ستوب انا التوب دى اصلها بتجيب ليه احباط كل اما اقولها حاجه تقولى وحشه.. هى اخر مره مش اشتركت على فكرة انتى نزلتى الصور وانا قلت لها هشارك قلت ليه يابنى انت مش بتعرف تكتب حرام عليك اوعه تنزل حاجه قلت لها والله لحاول ومش مهم عندى المكسب فكان فيه ناس كتير منزله وساعة ام موضوع ينزل على طول الاقى الرابط وجاى جرى وتقولى شوف ده اقول لها وحش وانا عارف انه جامد طحن ماشاء الله كل مسابقة احسن من الى قبليها يمكن انا متابع الحلمنتيشى ده واول مره اعرفه لما شوفت قيثاره منزله مسابقته مكنتش اعرفه ووالله نفسى اشوف القسم ده دايما موجود فيه اقلام جديده وجميله طبعا لازم تستمروا والله الواحد بيستنى بفارغ الصبر يوم الخميس عشان الفوازير وكفايه تجمعنا على الاخوة والروح الجميله وماشاء الله القسم الشغل فيه جامد سواء من المشرفين او الاعضاء صوره فى رباعيه فكره بتخلى الواحد بيكتب هو حاسس ايه ويارب بكل التوفيق يارب وهنا كلمة العضوة الرقيقة سندريلا Šeŋdeřellą القسم العامي من الاقسام القريبة ليا رغم عدم مشاركتي الكتيرة فيه لضيق وقتي الا انه محتواه بيكون سهل ويسير على كل قارئ ولمحبي الشعر والخواطر خاصة لانه بيلمس جوانب كتير جواهم ومن صيغة كلمات موضوعاته وكل ما يطرح به فهو يسير جدا لعدم مدركي الفصحى للوصول لقلوبهم ملاحظة ماشاء الله عليه مشرفين رائعين حقآ ان شاء الله سأطرح به كثير من كتاباتي القادمة والسابقة وبالفعل لي قصيدة بالقسم الرجل المتواضع قسم العامية وهو أحد فروع القسم الأدبى جديد النشأة ولكنى أراها ذو أهمية كبيرةوأتاح وشجع الكثيرمن هواة كتابة الخواطروالنثر والشعر بطريقة عامية سلسة وسهلة ولكن كثير من الاعضاء ينسى أنه عامية وأشوف فيه كتابات تشبه القسم الأدبى أقترح أن تكون فيه شروط محددة للكتابة فيه والألتزام بها إن شاءالله ناوى قريبا أكون متواجد فيه دوما عندى سلسلة من الأفكار والخواطر ربنايوفقنى وأنزلها تباعا فيه المسابقات من أحب الأشياء إلىّ وهى فرصة لتشجيع الكثير من كتابات إبدعاتهم لنتمتع بها جميعا وكم المسابقات الأخيرة فيه كانت من أنجح المسابقات بصفة خاصة على مستوى المنتدى كله وأخرها مسابقة الحلمنتيشى راقت لى كثيرا وأقترح أن تكون فيه مسابقة نصف شهرية دوما دون أنقطاع وطبعا هكون مستمرفى القسم سواءكان فيه مسابقات أم لا -

[ويبقى الأثر]

نيجي بقا للهدايا ياحلوين وعشان انتوا عندنا غاليين جبنا رمزيات لكل المشاركين إستنوووونا ياشباااب لسه

[جبل عالي]

نيجي بقا للشباب المنورين عايزين نقولكم ان الرمزيات مجرد تعبير عن تقديرنا ليكم كلكم ولو كنا نسينا حد ياريت ماتزعلوش مننا

[ويبقى الأثر]

نيجي بقا للجزء الأخير من الحفل وهو يتضمن تكريم للأعضاء المتابعين للقسم وأيضا المميزين خلال شهر ديسمبرالماضي وعشان عيد ميلاد القسم فقد قررنا ان يكون التكريم شوية مختلف أما أصحاب أوسمة الشهر فهم المتألقين صاحب وسام الإبداع على القسم هو الأستاذ الراقي أحمـــ الجمل ـــد مبرووك وسام الإبداع و وسام الرد المميز للمتألقة Ro♥ony وهنا شهادات التقدير للأعضاء المتواجدين على القسم لكل منهم 50 مشاركة + شهادة تقدير من القسم حجازى فارس المصرى صمتى كلام احمد الجمل فتحى عيسى الرجل المتواضع Ro♥ony عاشقه للاحلام احساسى صحيح Šeŋdeřellą القيصــــــــر اوتار الليل Nefertiti نرجو أن نكون قد وفقنا في تقديم ولو شىء بسيط لكل رواد العامية ومحبيها وننتظركم دائما بأقلامكم المدهشة مع تحيات مشرفي القسم الرحال المتمرد جبل عالي قيثارة الصمت

[جبل عالي]

وبنهاية الحفل الرائع ده من كل قلوبنا بنتقدم بالشكر وبالتقدير والعرفان للجنود المجهولين وراء هذا الحفل الكبير والذين قدموا من وقتهم ومجهودهم عشان نقدر نخرج بالنتيجة دي وتقديرا لهم بنقدم لهم كل معاني التقدير منا ومن كل رواد العامية وهذا الفريق من الجنود هم بالترتيب وحسب ماقدموه بأسبقية العمل مستر كاسبر زهرة النرجس اسلام الماجيك ملك جبال الاحزان(شكر خاص جدا ) قيثارة الصمت والعبدة لله(جبل عالي)

[دمعه حائره]

كل سنه وانتم طبيبن ومنتدانا بخير ودايما يارب فى تقدم مستمر
ومتجمعين على الخير
والابداعات يكون من افضل الاقسام
انامبسوطه جدا بالحفله دى
تعتبر حصد لنجاحنا كلنا وكل من يشارك حتى لو برد فى خاطره
حفله رائعه ومجهود عالى واضح جدا
تسلمو ويدوم التواجد الجميل والتميز
والف مبروك لكل المكرمين تميز واضح وتواجد رائع
يستحقوا كل تقديرواحترام
احترامى وتقييمى

[ملك جبال الاحزان]

حفلة جميله ومجهود كبير رائع حقيقى
تسلم الايادى ويدوم نشاط القسم الجميل
ومبدعينه وتميزهم
وانشالله نتعبلكم دايما كدة علشان الحجات الجميلة
ديه تكون موجودة
موفقين

[صمتى كلام]

الف مبروووووووووك
..
كل عام وانتم بخير
...
اسعدنى جدا انضمامى بينكم
...
اتمنى التوفيق لكم
..
ارى وجوهكم على خير
..
تحياتى
جبل عالى
..
قثارة الصمت