بدعيلك في كل صلاة

انا دلوقتي لما بزعل من حد ونفترق ونقرر خلاص ان كل واحد من طريق بالرغم من ان الشخص ده كان غالي عندي اوي بس استحملت منه كتير لكن هوا مش قابل وجودي في حياتو فقلت ابعد انا وافتكرت ان هايحن ليا ويرجع يصالحني لكن مفيش خالص كانو ماصدق يخلص مني بالرغم من اني قررت ابعد الا اني دايما في كل صلاة بدعيله ربنا يهديه ..امبارح كنت بصلي قيام ليل ودعيتله كتير اوي بس قعدت اعيط واقول بس هوا طيب ياترى بيدعيلي ولا حاقد عليا وبيكرهني وفضلت ادعي يارب لا تجعل في قلبه غلا ولا حقدا وان كان في خير رده ليا يارب وان كان في شر لا تعلق قلبي به واصرفه عني
وقعدت اقول طب انا ياربي بدعيله طب هوا مش بيدعيلي ياترى عامل ايه دلوقتي وبيفكر فيا ولا نسيني ..
عندي سؤال دلوقتي
ياترى الدعاء بظهر الغيب لشخص ظلمنا ولا بيفكر فينا اصلا ده معناه ايه
مخنوقة اوي بجد
يمكن محدش هايفهم اوي كلامي بس انا حبيت افضفض بقلبي قبل لساني

[دمعه حائره]

الدعاء دليل الطيبه والتسامح
وحتى لو كنتى غلطتى فى حقه الاعتزار مع الندم والدعاء كافى
انه يسامح
كون انه مش مقدر خلاص هاتعملى ايه فى ناس بتفرح بعذاب غيرهم
اعملى اللى عليكى وصفى قلبك
وادعيله بالهدايه وربنا ينقى قلبه من اى كره

[ملك جبال الاحزان]

متقدريش تحكمى انه ظالمك او هو الى كرهك
ممكن هو من منطقه انتى عملتى حاجه
يكون هو واخد عنك الفكرة نفسها ويكون بيحسب ان انتى اللى ظلمتيه

(ايآ كان الموقف انا بتكلم عمومآ )

بس بخصوص الدعاء
فى الاول والاخر ده بأيد ربنا يقبل او لا يقبل دعائك
وربنا يهدى الجميع

[ساحر الأحزان]

طالما أنتى حاولتى معاة وهو مش طايقك يبقى فية سبب زعلة منك؟

أو يمكن مش بيحبك لأن الى بيحب بيغفر لحبيبة زيك كدة؟

هل كان فية خلاف بينكم قبل كدة ؟

برغم أنة مش قابل وجودك بحياتة ألا أنك بتعدى لة بكل خير

بصى يا بنت الناس

أبعدى عنة لفترة وأمنعى الكلام معاة

لو بيحبك حيرجع ويصالحك لو غير كدة فنسيانة أفضل

ودة مش النهاية يمكن ربنا مخبى ليكى حاجة أفضل بحياتك

[Reem♡A|❀]

لو ظلمك زى ما بتقولى َ , لو بيحبك زى ما بتحبيه
هيحس بغلطط وهيرجعلك واللى ربنا عاوزه هيكون
وصلى صلاةةة استخارةة استخيرى ربكَ
هو اعلم بكل شئ ’~| وربناا يههدى الحال
ولو ليكى خير فيه وهو ليه خير فيكى
اكيد رأجعين |

[ana lola]

الى اعرفه انو لو بيحبك هيسامحك
سواء كنتى عملتيله آيه
ربنا يهديكى

[Šeŋdeřellą]

اللي بيحب حد بيسامحه
واكيد بعد فترة طالما ظلمك هيعرف انه غلط ف حقك
الا اذا كان فيه سبب كبير لدآ
وبالنسبة للدعاء
الدعاء بظهر الغيب بنية خالصة له كتير م الفوائد والثواب

ربنا يتقبل دعائك ان شاء الله