ست الحسان

[يحيى الفضلي السودان]

ياملكة فوق عرش الحسان =يا البدر في ليلة صفا
يا بسمة فوق ثغر الحزين =يا نور غرامي الانطفى
يا امل اغنية الوجود =هزت مشاعري المرهفة
يا فرحة جات عقب الهموم =بعدك قصايدي يكتفها
وارميها في وديان هواك =وحرمة الريد الاسفة
شلتك زمنا جواي هوى =وكلمات مدللة اعزفها
ياهانية فوق عرش الجمال =يا منية يا اجمل صفة
كل الكلام بعدك وقف =وحروفه قالت اسفة
حتى القلم كم يرتجف =لمن محاسنك اوصفها
القاك براك عفة وجمال =ماليك نديد في مشارفها
جالس هناك فوق قوز هموم =عرش الكتابة مرفرفة
لمن اعاين في الخيال =وتجيني صورتك اوقفها
لحظة زي شمس المغيب =تبرح توادع شايفها
ابكي واعرج للغروب =والاقي في طيفك صفة

[دمعه حائره]

كلمات جميله اهلا بيك نورت المنتدى
وفى انتظار كل جديدك

[يحيى الفضلي السودان]

ممنون دمعة حائرة على المرور والمدح والحكمة زيك بالتمام =نفس الماسي البعرفها
ارجع واعاين من جديد =يا حلوة في قربك شفا
كل الهموم بعدك تزوح =وتبقى الكتابة مطرفة
توهني حسنك يا ملاك =تبكيك عيوني الزارفة
وضهيني في وديان هواك =طشيت ومت انا بالحفا
واقدامي ورمت بالمسير =واخر شعاع امل اختفى
وبقيت عايش في عذاب =دمعاتي تنزل انشفها
واسوق ليالي هواك نفاد =واجرت مفاتنك واوصفها
لامن خلاص كمل الصبر =بسماتي شوفتك خرفها
واوصالي اكشفك هواي =بيناتنا تبقى المعرفة
بس انت في واديك هناك =ماك حاسة بالبعشق خفا
بالريدة متعذب عذاب =لا شاف حنان لا يوم شفا
لا نظرة من جوة العيون =تنجد مشاعري وتسعفها

[العاشق الذى لم يتب]

اهلابي+ك اخ يحيى
ومرحباباهل السودان
منورالمنتدى
ومشرفنابانضمامك لنا
وجميل جدا هذا العزف الذى رأيت من أناملك
رائعة حقا الكلمات والمضمون
سلمت ودمت بخير
نجومى وورودى
وتحياتى وودى
رفعت كان هنا

[يحيى الفضلي السودان]

الاخ العزيز رفعت منور داري
مممنون الشكر دايما تكون في بالي
ما جادت حروف هي بقدر حالي
من رقة حسن انا اقول وا فالي

[يحيى الفضلي السودان]

ممنون ك مروركم له وقع خاص
شعر ارتجالي كلمات وليدة اللحظة

استميحكم عذرا للترتيب

في امان الله

[جبل عالي]

الشاعر الراقي أهلا بك والف مرحبا

نورت المنتدى والأدبيات كلها

ننتظر روائع قلمك الرائعة

بكلمات وعبارات بعطر الورود

دمت متألقا ولقلمك كل التحية والتقدير

[يحيى الفضلي السودان]

يا ابنة النيل منورة كتاباتي

ممنون من مجاملتكم الظريفة

[حلاتر]

مشكوووووور والله يعطيك الف عافيه

[ويبقى الأثر]

هلابك اخى وبحرفك الراقى
فى واحة العاميه
نورت القسم بعذب حرفكم الجميل
ارق المنى واطيب التحايا