هوا في كدة ف الدنيا اصلا

السلام عليكم
طبعا كلنا عارفين ومتاكدين ان الرسول عليه الصلاة والسلام قدوتنا ف كل حاجة ف حياتنا ..على ايامه كان بيتشتم من قومه وضرب وحاجات كتير لكن برغم كدة كان بيدعيلهم اللهم اهد قومي فانهم لا يعلمون
لكن تعالوا شوفوا في زماننا ده لو حد شتمك ترد الشتيمة بعشرة ولازم تثبت انك اقوى منو وترد كرامتك وكلام كدة
اللي حصل اني اتشتمت بالام والاب من صديقة ليا كانت قريبة مني اوي انا شفت الكلام وتنحت معرفتش ارد صراحة بس رديت برضو وقلتلها حسبي الله ونعم الوكيل فيكي وربنا ينتقم منك وبس
لكن بعدها تخيلوا رحت اصلي ولقيت نفسي بدعيلها ربنا يهديها ويبعد شرها عني بالرغم من اني كنت مولعة اوي وعارفة قد ايه هيا بتكرهني وممكن تكون بتدعي عليا اصلا وانا ادعيلها ....
بالله عليكوا كل واحد يجاوب بصراحة لو مكاني كنتوا هاتعملوا ايه
وياترى فعلا الخير في اني ادعيلها ربنا يهديها بجد
واقابل الاساءة بالاحسان
ةالله العظيم انا كنت حاسة اني نفسي الارض تنشق وتبلعني ولا اني اشوف كلام زي ده ومن دي بالذات

[ساحر الأحزان]

شعور جميل منك

أنك تردى الأسائة بالأحسان

لو كل واحد فينا تعرض للتقليل والاستهزاء من الغير وعمل زية

يبقى حتروح الفضيلة ومكارم الأخلاق منا

وحيحل محلها السخرية والحقد والكرة جوة النفس

ربنا يوفقك

[ana lola]

طبعا الى عملتيه صح
بالنسبالى كويس ان لسه فى شخصيه زيك فى زمن زى دا

[۩۩ elMagic ۩۩]

اللي زيك مش موجودين دلوقت
لان كله بيخبط فى بعضه
ومفيش اى احترام متبادل ولا تقدير للعشره ..
اكيد انتي موقفك سليم فى كونك معرضتيش نفسك للغلط زيها
اصل الاخلاق الحميده دي مش اى حد بيتحلي بيها
ربنا يوفقك ..

[نور ونار]

بصى هو الآسآسى والمفروض يكون
السلوك عآآم زى ما بتعملى كدآآ
كرمال العشره بتقدرى من غير ما تغلطى
وكمآآن مش كدآ وبس مش معنى اللى قدآمك
غلط يبقآ مبرر تغلطى انتى كمآن !!
وكل وآحد بيتعآمل باسلوبه
رغم الزمن ده اللى يعمل كدآ يتقال عليه عبيط
او طيب مرآدف آهبل ..
بصى مآدآم غلطت تجنبيهآآ لحد مآ ترآجع نفسهآآ
لو جيت وقآآلت وفسرت آنت ونفسك بقآآ
تقبليهآ او لا ..
بس لحد كدآآ آنت تمآآم
واللى بيدعى لحد دعوه فى ظهر الغيب
بيتردله زيهآآ
وربنآ يصلح الاحوآآل ...
وربنآ يعينك ويوفقك ..

[رضا التركى]

احيى فيك هذه الروح الطيبة أختى الكريمة

ربنا سبحانه وتعالى قال مخاطبنا أشرف الخلق عليه الصلاة والسلام (ادفع بالتى هى أحسن

فإذا الذى بينك وبينه عداوة كأنه ولى حميم )

قال بن عباس فى تففسير هذه الآيه أمر الله المؤمنين بالصبر عند الغضب والحلم عند الجهل

والعفو عند الإساءة

قال الوليد بن أبي خيرة المدنى حينما شتمه رجل قال له هي صحيفتك املأها بما شئت


لقد تحليتِ بالصبر فى هذا الموقف أختى

ولو أساءت إليك قابليها بالإحسان

دمت بخير حال

تحياتى واحترامى

[-esraa-]

جميل موقفك
وانك تقابلي الإساءة بالإحسان دي حاجة صعبة على ناس كتير
وليكي الأجر والثواب أولاََ ثانياََ انتِ كده أثبتي أخلاقك وانك احسن منها

[روح صامتة]

على فكرة انت عملت الصح ..
كويس ان فيه ناس زيك ..
عارفة لما يكون وازعك الانتقام منها ورد الشتايم ليها ..
هتكسبي صفات تانية اسوء زي الغضب .. ومش هتعرفي تتحكمي في نفسك بعد كده
زائد ان الانتقام ما بيجنيش الا ع صاحبه ..
ثانيا .. دي صاحبتك انت بتحاولي تهديها عشان في الاول والاخر بينكم عشرة ..
المهم يعني ربنا يهديها .. وردي الاساءة بالاحسان ..
انت كده هتخليها تراجع نفسها الف مرة و تبقى هية الغلطانة كمان مش انت ..
ربنا يوفقك