فـــــــــآكــــر

[Şα3Đ..♥]

فاكر ايام ابتدائي
ايام زمان
فاكر الفتره المسائي
وشوط الطوب وانت ماشي
واللعب علي جرف المسائي
فاكر حصه ابله حنان
والخوف من الاستاذ عماد
والشخط فينا " بس ياد"
والتهتهه وسط الكلام
فاكر البنت بتاعت
تالته اول (3/1 )
فاكر لبسك المترب
والمبهدل
فاكر اول حد قرب
غششك ف الامتحان
فاكر سنانك المسوسه
فاكر كرهك للمدرسه
وللعَلام
فاكر كلمه "صقفولوا" في الاذاعه
وصوتك الحلو اللي طالع
من السماعه
كل ما بتقري القرءان
فاكر مصروفك اللي ضاع
وسط التراب
فاكر رسمك والشخبطه
فاول صفحه ف الكتاب
واول واجب اتنسي
فاكر كان ايه العقاب
فاكر كلمه نفسي اكبر
وأبقي شاب
طبعا نسيت كل ده
وراح خلاص
اصل البني
كان رخو اصلا
من الاساس
اصل عمرك ما فكرت تكتب
غير بس بالقلم الرصاص

[العاشق الذى لم يتب]

ذكريات الطفولة
وزملاءالابتدائى
كلمات جميلة
ورسالة أجمل
سلمت ودمت بخير
تحياتى وودى

[ساحر الأحزان]

كانت ايام جميلة

وروحها اجمل

انك تلقائى وعفوى

كلمات جميلة محمد

بالتوفيق

[Reem♡A|❀]

حلوووووه اوووى اياام الططفولةة دى

[جبل عالي]

الله عليك ياسعد

حقيقة رووووعة وطريقة جميلة

لسرد الذكريات التي نشترك معظمنا فيها

حتى وان مرت السنوات الا ان رائحتها لازالت بداخلنا

قدرة جميلة على سرد الكلمات والمواقف التي لاتنسى

دمت مميز وراقي

لك كل التحية والتقدير

[حلم عمري]

كلمات جميلة اووووي
بتفكرنا باحلي فترة عيشناها
كل كلمة بتحكي موقف قابلناه
دام قلمك الراقي
خالص احترامي

[دمعه حائره]

اجمل ايام استحاله تتنسي بكل ذكرياتها وتفاصيلها
تسلم ياسعد كلمات جميله

[ويبقى الأثر]

طبعا لسه فاكره
مستر محمد ومس نهله

وفاكره كمان طابور المدرسه
والاذاعه وحصة الرسم والشخبطه
ياه عليها ايام عمرها ماتتنسى

رائع سعد ابدعت اخى

سلمت وسلم حرفك

[شاعرة الرومانسيه]

الله الله على الجمال

روووووووووووووعه

تسلم الايادى الى كتبت

ننتظر جديدك

[Words Whisper]

مش حد فينا بينسى كل الذكريات دي
بس مش عايزه أرجع صغيره تاني ..


حضرتك معاك وسام عبقري العامية
تستحقه فعلا بجدارة ماشاالله
دوما يروقني قلم حضرتك ..


تسلم ..


دوام التوفيق ..


تقييمي ..