مالك ؟؟

[جبل عالي]

مالك ؟؟ ..... مالك يا دنيا ليه دايما تحلفي ؟؟ انك علينا تيجي ... توجعي فينا ولا تكتفي ؟؟ سايقة العوج ويا الطيبين وبقلوبهم تستخففي لاطايقة تشوفيهم مرتاحين ولحلمهم بتكتفي مالك يادنيا ؟ ..... اهدي علينا شوية وإختشي فاكرينك باقية على اللي بيحبك وبتعششي أتاريكي بايعة يابنت اللذينة وفينا بتطفشي مهما كانت قسوتك ولا جنتك مستحملينك راضيين بقدرنا أو غصب عنا آدينا عايشينك لكن تحطمينا عمرنا ماهنبقا مسامحينك مش عايزينك وهنبكي ليه مادمنا كده تاعبينك بس خليكي فاكرة ان القسوة مخليانا رافضينك لو السنين كانت علينا هادية شوية ولا راسية كنا مهما تعبنا فيكي نحبك ما دمتي عنا راضية بس طلعتي والله صحيح دنيا ماتسواش و فاضية واللي يبقا عليكي عبيط ويستحق ضربة قاضية كوني زي ماتكوني ... طلعتي ولا رحتي .. دنيا ...................فانية وفاضية عذبينا وبهدلينا .. اطلعي بينا ونزلينا أحلفي مهما تحلفي ....... ماعدتيش والله تأثري فينا وليدة اللحظة جبل عالي 16\1\2014

[Lamees]

ومعاكي حق هي كده دنيا فانية وغدارة
واللي تتمسك بيها هتعيش حياتها تايهة ومحتارة

وصفتي ببراعة حال دنيا عايشين فيها
مسيرين ولا مخيرين ادينى ماشين ومش عارفين

جميل ما طرحتِ جبل
كوني بخير لأكون
ودي ..~

[ساحر الأحزان]

مهما حصل ومر عليكى

فتغلبى على ظروفك

يكون افضل ليكى

كلمات جميلة منك

بالتوفيق

[العاشق الذى لم يتب]

الدنياصاحبة مقالب
بنت الايه دى
بس لازم نرضى بحلوهاومرها
كلمات
وشكى وأنين
الله أسأل ان يسعدك
دنيا وآخرة
رائعة تلك المعزوفة
تسلمى أم عبدالله
تحياتى وودى

[™Amiliya]

للدنيا معنا قاسمم مشترك اكبر حين تقس وحين تحنو وحين تسعدنا وحين تبكينا

راقني جدا امل بوحك

دمتي بالف خير

[دمعه حائره]

فعلا دنيا فانيه والمتعلق بيها خسران
لكن دايما بالامل بنقدر نغلب كل الاحزان
تسلمى جبل كلمات جميله

[a7med -3del]

دنيا بتدور ... ونلف معاها

نجرى منها .. نجرى وراها

ناسية اللى فاكراها

وفاكرة اللى ينساها

دنيا

فيها كل شىء والعكس

فيها شيبسى .. وشيبسى ماكس

ههههههههههههههههههههه

كلماتك جامدة جدا واقبلى المزحة دى

قلمك لازم احترمه واسلوبك مختلف

تحياتى

[فتحى عيسى]

حمدالله علي السلامة
رغم كم الحزن والألم اللي معشش جوه الحروف
والنظرة اليائسة التي إكتست الأسطر
يظل حرفك جميل الوقع لماس
أحييك وروعة ماجاد به إحساسك العالي
سلمتِ والنبض
مودتي وإحترامي

[أحمد الجمل]

رااااااااااائعة بكل ما فيها من غصة وألم وعتاب
سلمت وسلمت أناملك
ودمت كما تشتهين

[شاعر الحب الحزين]

عندك حق ف كلامك وفعلا الدنيا وناسها اتغيروا

بس مهما كان ومهما عشنا فيها هنفارقها يوم

عشان هي دنيا واحنا بشر

يسلم قلمك وتسلم ايدك اللي وصفت فعلا

حال الدنيا الفانية الزايلة

ربي يسعد قلبك ويوفقك جبل عالي

بالتوفيق ان شاء الله