الحب أصبح غريب ليه

[العاشق الذى لم يتب]

	ياحب ليه تعمل كده فينا تتعبنا وتشقينا وتخلينا تايهين محناش عارفين العمر ثوانى ولا سنين ياحب ليه تعمل كده فينا تتعبنا وتشقينا محزونين جروح عميقة تئن وتنزف الوجدان وتصرخ من الإنين قلوب حيرانه تايه ضايعة من غير دليل فى نيران الحنين مترقبة منتظرة تعد أيام وشهور وعيون دمعها بحور تشوف تشوف كل ماشى تقول ليه ماتكنش أنت الحبيب باربتك أنت الطبيب ياربتك تضمنى تطفى فينى اللهيب ليه ياحب تعمل كده فينا تتعبنا وتشقينا ولحد أمتى نارك بتولع فينا وتكوينا غريب ياحب غريب وبعد الحبيب يزيد اللهيب فى قربه نخاف من الوداع وفى بعده يتعبنا الحنين والإلتياع

[فتحى عيسى]

طيب منسأل نفسنا الأول مش يمكن إحنا اللي مش عارفين نحب
وبنتعامل مع آحاسيسه إن تملكتنا بعدم جدية أو بتجاهل غير مقصود
أو بزيادة وبلهفة وبتسرع وتصويره كأنه حياة أو موت في لحظات
تطلب منا التعقل والتروي ورؤيتة من كل إتجاهاتة
الحب من الإنسان برئ
أحييك وروعة ماجاد به قلمك الأنيق
سلمت والنبض
مودتي وإحترامي

[Aya 7ekaya]

العيب مش ف الحب
الناس هى اللى مش فاهمه يعنى ايه حب
وبتصرفتنا وافعالنا بنهين معنى الحب

كلمات جميله اخى
تسلم ايدك

[شاعر الحب الحزين]

معاك حق بكل كلمة قلتها كتير من الأحيان

بيبقى الحب صعب جدا بتبقى مليان اشواق وحنين

وما بتلقى حد يستاهل الشوق والمحبة

انتا حاسس بوحدة كبيرة صح ولولا الوحدة مكنتش كتبت كده

احساسك وصلني يا نجم الكلمة

ربي يسعد قلبك ويهنيك ويوفقك يا غالي

[ايمان طلعت]

لا تبنى قصور من رمال
ولا احلام فى الخيال
فكلها تضيع فى مهب الريح

[العاشق الذى لم يتب]

اقتباس المشاركة الأصلية كتبت بواسطة فتحى عيسى طيب منسأل نفسنا الأول مش يمكن إحنا اللي مش عارفين نحب وبنتعامل مع آحاسيسه إن تملكتنا بعدم جدية أو بتجاهل غير مقصود أو بزيادة وبلهفة وبتسرع وتصويره كأنه حياة أو موت في لحظات تطلب منا التعقل والتروي ورؤيتة من كل إتجاهاتة الحب من الإنسان برئ أحييك وروعة ماجاد به قلمك الأنيق سلمت والنبض مودتي وإحترامي

ياعزيزى
أصلا هو لمايجى بيقى فيروسه شديد
بخليك ماتعرفش حاجة أسمهاتروى
وصحيح أحنا اللى ظلمنا الحب
شكرا ليك
أخى فتحى
أسعدتنى بمرورك
وكلماتك الرائعة
تقبل تحياتى وودى

[العاشق الذى لم يتب]

اقتباس المشاركة الأصلية كتبت بواسطة aya 7ekaya العيب مش ف الحب الناس هى اللى مش فاهمه يعنى ايه حب وبتصرفتنا وافعالنا بنهين معنى الحب كلمات جميله اخى تسلم ايدك

أيوة صح
معاك حق
إحنامش عارفين نحب
واحنا اللى بهدلناالحب معانا
منه لله تعبنا فى كل الحالات
شكرا لك
آية
شرفتينى بمرورك
تحياتى

[العاشق الذى لم يتب]

اقتباس المشاركة الأصلية كتبت بواسطة شاعر الحب الحزين معاك حق بكل كلمة قلتها كتير من الأحيان بيبقى الحب صعب جدا بتبقى مليان اشواق وحنين وما بتلقى حد يستاهل الشوق والمحبة انتا حاسس بوحدة كبيرة صح ولولا الوحدة مكنتش كتبت كده احساسك وصلني يا نجم الكلمة ربي يسعد قلبك ويهنيك ويوفقك يا غالي

أنت جيت على الجرح ياشاعر
الله ينورعليك
تعبتنى الوحدة أوى
ومنتظرالحبيب
وشكلى هفضل منتظرلحدالموت
وهو مش ناوى يجى
تسلم ياغالى
شرفنى مرورك
تحياتى

[العاشق الذى لم يتب]

اقتباس المشاركة الأصلية كتبت بواسطة ايمان طلعت لا تبنى قصور من رمال ولا احلام فى الخيال فكلها تضيع فى مهب الريح

آه وألف آه
بنيت قصور
من الأوهام والاحلام
وضاعت مع مهب الريح
ربنايصبرنى ويخلف عليا
شكرا
إيمان
شرفنى مرورك
تحياتى

[جبل عالي]

سؤال ربما لن نجد له اجابة شافية

فهل هو من اصبح غريبا ام قلوبنا ؟؟

كلمات راقية وتصوير اروع

تحيتي لك ولقلمك الراقي