علمى علوم وعلمى رياضة -_-

[ÑỞt Âlonè]

السلام عليكم
ركزوا معايا شوية
منن وانا صغيرة وكل الى حواليا ماما وبابا وخالو
شايفين انى هدخل طب وعاوزين منى كدا

طبعا انا مكنش ليا اى هدف غير الى هما رسمهولى دا
وطبعا لما دخلت الثانوى (( مع العلم انى فى تانية ثانوى الوقتى ))
بدأت اقارن بين الرياضة والاحياء انا طول عمرى بحب الرياضة اوى اوى
وبحب المواد المشتركة من فزيا وكميا انما الاحياء عمرى ما حبتها
فكنت مسلمة امرى وخلاص علمى علوم زى ما بتقال
فجالى فترة عاوزة ادخل علمى رياضة حسب ميولى بس عرضته على ماما
وكنت مترددة مش ثابتة الوقتى بقا عندى يقين انى عاوزة ادخل علمى رياضة
خصوصا انى من المواد الى بتاخد منى اقل جهد ويمكن مبتذاكرش اصلا
ومن اعلى المواد مجميع عندى رياضة 1 و 2 وبقفل مجاميعها
فقلت ادخل علمى رياضة وادخل مجال انا حباه وطبعا الاحياء
محتاجة مذاكرة ومجهود جبار فقلت المجهود الى ابذله فى الاحياء
وانا بكرهها ابذله فى الرياضة وانا بحبها وخصوصا ان اتقالى ان علمى رياضة
اصعب من علمى علوم وانا شايفة غير كدا او شايفة انى ابذل مجهود فيه
واتحدى كلامهم وادخل هندسة فى مجال انا عاوزاه وحباه احسن من طب
وحاجة انا مليش ميول ليها ابدا
طبعا الوقتى مااما مش عاوزانى ادخل رياضة وبتقولى مفيش مجال للشغل
( بما اننا فى دمياط ) وطب هتضمنى تشتغلى وخالو يقولى انا شايفك
فى طب احسن وطبعا ماما لما حست ان مفيش فايدة انها تقنعنى
قالتلى انتى حرة ابقى اقنعى باباكى بقا وشدت معاياا
وانا مخنوقة من كدا وقلتلها عندى استعداد ادخل احياء بس
محدش يلومنى على الى هيحصل ومحدش مقتنع قولولى انتو
انا الى صح ولا مين الى صح

وبعتذر انى طولت عليكو اوى

[Stop Ana Eltop]

انا ادبى مش علمى بس الى بسمعه من زمايلى انه الرياضه بتاع السنين الى فاتت حاجه ورياضة 3 حاجه تانيه خااالص
الاحياء صعبه مفيش كلام بس مش معقول تبقى عاوزه توصلى لحاجه كبييره وانتى مابتبذليش مجهود
يعنى الرياضه محتاجه مجهود وكذلك الاحياء
خلى مقارنتك مابين الاتنين مش على اساس الى بتدرسيه دلوقتى
وفى الاخر حولى توفقى مابين ميولك وبين رغبة اهلك
وحاولى كمان تقنعيهم بوجهة نظرك عشان تنجحى فى الى انتى دخلاه
قوليلهم مهندس ناجح فاهم ومابيشتغلش احسن من دكتور فاشل مابيفهمش ولا بيعرف يكتب روشته حتى وبيشتغل

[ÑỞt Âlonè]

اقتباس المشاركة الأصلية كتبت بواسطة stop ana eltop انا ادبى مش علمى بس الى بسمعه من زمايلى انه الرياضه بتاع السنين الى فاتت حاجه ورياضة 3 حاجه تانيه خااالص الاحياء صعبه مفيش كلام بس مش معقول تبقى عاوزه توصلى لحاجه كبييره وانتى مابتبذليش مجهود يعنى الرياضه محتاجه مجهود وكذلك الاحياء خلى مقارنتك مابين الاتنين مش على اساس الى بتدرسيه دلوقتى وفى الاخر حولى توفقى مابين ميولك وبين رغبة اهلك وحاولى كمان تقنعيهم بوجهة نظرك عشان تنجحى فى الى انتى دخلاه قوليلهم مهندس ناجح فاهم ومابيشتغلش احسن من دكتور فاشل مابيفهمش ولا بيعرف يكتب روشته حتى وبيشتغل

مقلتش ان مش هبذل مجهود انا اقصد انها من اقل المواد مجهود دايما فى مذاكرتى
فممكن ابذل المجهود الجبار الى ممكن ابذله فى الاحياء وبالتالى هتغلب على اى صعوبات فيها مع العلم ان ليا قاريبى فيها السنة دى شهادة
وبيقولوا انها كويسة بس طويلة

وميرسى اوى اوى على رأيك

[ساحر الأحزان]

طالما بتحبى الرياضة

يبقى الأفضل أنك تكملى فيها

بدل ما تخشى قسم انتى غير حباة

وحياخد منك مجهود

ممكن بية تجيبى اعلى الدرجات

وتدخلى كلية انتى حباها

واظن ان اهلك ما حيقفوا فى طريق نجاحك

اقنعيهم والى فية الخير يقدمة ربنا

[esra2 mohamed]

انتى بتتكلمى عن الى حصلى بالظبط
اناكنت مقفله كل درجات الرياضه والكيمياء والفيزياء
والاحياء بردو -_-

بس كنت شايفه نفسى فى علم رياضه اكتر
وكنت بكره كميه الحفظ الى فى احياء
ودخلت علم علوم عشان ميزعلوش منى
واتصدمت لما عدينا نص السنه يعنى مستحيل
احول
وكانت الاحياء هى الماده الى نزلت فيها جامد

حاولى تقنعيهم انك مش هتعرفى تشتغلى غير فى الى بتحبيه

[۩۩ elMagic ۩۩]

متعمليش غير اللى انتي شايفاه صح
انا كنت علمي رياضه من 4 او خمس سنين
وقفلت رياضه2 ساعتها
ماده لذيذه وطول ما انتي ميولك اكتر ف الرياضه
فا الماده مش هتكون صعبه معاكي
هى عايزه دماغ وخبره رياضيه سابقه
أقنعي اهلك انك تكملي زي ما انتي عايزه
وبعدين كل واحد بيجي الدنيا ورزقه معاه
فا خليكي مكمله حسب ما انتي عايزه
ولو ليكي نصيب تشتغلي هتشتغلي ..
ربنا يوفقك ,,

[عذبة المعاني]

شوفي يالغلا اول شيء ابغاك تعرفينه الرياضيات او علم رياضة للثانوية غير عن لما تتخصصيه في الجاامعة انا لما كنت بثانوي كنت اشوف ان الرياضيات سهل مرره و طبعا هو كان حلمي من انا صغيرة اني اتخصصه بس لما وصلت الجامعة و لله الحمد و المنة لقيت انه مادة مادة يبعى لها شوية مجهود اكبر من اللي تعودت عليه
الشيء الثاني انا من رأيي انك تقنعي اهلك انك تدخلي التخصص اللي انتي فيه لان عمرك ما رح تندمين باذن الله
و الله يوفقك و يكتب لك ما فيه الخير ^_^