مليون احساس

[Aya 7ekaya]

أنا اصلى حكايه طويله
مكتوبه بخط الايد
بأبعد عنى وبوحشنى
علشان اللهفه تزيد !
مليون احساس متلخبط
على كام احساس مخنوق
وسؤال بيجاوب نفسه علشان القلب يروق
من امتى انا كنت سعيد !
انا بسكت لو ندمان
علشان الضحكة تبان
وبصدق نفسى ساعات
وبألف فيك حكايات
علشان اوقات بشتاق
للضحكه فى حضن عنيك
وبكلم نفسى عليك
يمكن انا يومها قسيت
ورجعت ليك حنيت
وبخبى دموعى فى عينى
وبقول للضحكة دارينى
وبشوفك عينى تدمع
والدقه فى قلبى تسمع
مليون احساس بيخبط
وانا بفتح ليه الباب
حبيت من غير اسباب !


وليدة لحظة

[دمعه حائره]

مليون احساس وكل الكلام ولايقدر يوصف
جمال تلك اللوحة الرائعه
ابدعتى آيه تسلمى

[DR.SMA]

جميل يا آيه اوي
مليون احساس ملخبط صحيح
سعات كده بيكون جوانا كل المشاعر وعكس بعضها
وبرغم انها عكس بعضها انها بتسكنا اوي
جميله يسلم قلمك
تقديري ..

[™Amiliya]

الله عليكي الله

اجمل حاجة قريتها ع الصبح

حبيت احساسك اوي

[كوين ميرو]

جمييله ياقمرايه

اقوى حب هو الحب من غير اسباب

تسلم ايديك

[جبل عالي]

برافو عليكي بجد برافو

رووعة وفعلا كلها أحاسيس جميلة

ابدعتي فى وصف اللحظة وصدقها فعلا

تسلمي غاليتي ويدوم التميز والروعة

تحيتي لك ولقلبك

[جبل عالي]

تقييمي + تثبيت + وسام موضوع مميز
21\1\2014

[حلم عمري]

كلمات جميلة اوووي
مليون احساس فعلا ومحتارين نوصف ايه
تسلم ايدك يا قمر
دام قلمك الراقي

[العاشق الذى لم يتب]

يسلام ياآية ياأجمل حكاية
مليون احساس
ومليون معنى
ومليون غنوة غنتيهاهنا
الله على جمال الأحاسيس
والعتاب والهمسات المرسلة للحبيب
تسلم إيدك
ويدوم النبض
نجومى وورودى وتقييمى
وتحياتى ومودتى
رفعت كان هنا

[a7med -3del]

لو دى كلماتك فعلا

فانتى حد بيكتب جامد اوى

ودى مفاجاءة بالنسبالى

تحياتى