كان الكلام فى الاول عن ثورة بالملايين

[^أحمد الخزرجى^]

كان الكلام فى الاول عن ثورة بالملايين
وكان مدخل اكيد ........ كلنا خالد سعيد
وفى الشارع والميدان اترفع اول بيان
عيش..... حرية...... عدالة اجتماعية
كان شاب جنب بنت وطفل فى ايد ابوه
كله بيلعن الظلم والفساد والى جابوه
كان كتفى فى كتفك ياصحبى..........
ومعرفش انت مين؟
ولا انت برضه تعرف اناجاى منين
مين كان فاضى يسئل ...................
مين كان عاوز يعرف ........................
ده اخوان مسلمين..............ولا مين
كلنا شوفنا الشمس بعد ظلمه سنين
شباب كتير من الاخوان كانو فى الميدان
من 25 يناير يالى بالسؤال حاير
ولما عزم الفلول على الضرب فى المليان
وشفنا فى الشوارع بلطجيه كتير وقفين
متجمعين على الميدان رايحين...........
على النقل والجمال والبغال جيين راكبين
بلغنى صحبى بالبيان ان التتار هجمين نويين
قال اقفل المبدان وامن المداخل كمان .......
واستفبل الرصاص ودعالى بالشهادة.........
رديت وقلت اميــــــــــــــــــــــــــــــــــــن
وقالى اكيد جيلك حالاً هكون جنبك ..........
ماانا اصلى غيران منك نفسى الشهادة زيك
ده يوم ...........................................28...
الى شاف البيان قال دلوقتى نزلين ..........
الاخوان المسلمين.................................
ياصحبى ماانا جنبك من يوم 25................
بس انت مسئلتش ...وانا كمان مقلتش....
انى اخوان مسلمين .............................
دلوقتى جاى تقولى اننا متسللين .انتهازيين
وعلى الثوره راكبين .................................
احنا الاساس ياصحبى بس ارجع الميدان ....
احنا الاساس ياصحبى واسأل جدك زمان ....
هيقولك دول رجال شداد من 80 سنه واكتر
بس يمكن انت مستكتر .........................
طب اسأل التراب الى بدمنا معجون .........
طب اسأل حيط السجون .......................
طب اهدأ واشرب لمون...........................
صدقت الجرانين .... واعلام المنتفعين......
دول خوفوك منى ..... وفرقوق عنى ........
طب اسئل الفلول اومنهم اى غول ..........
هيقولك ده التمنى ..............................
انى ابعد وتبعد عنى ............................
انا عزرك ياصحبى بجد ..ماانت ماتعرفش حد
بس متخفشى على الثورة انا جنبك .............
مش هسيبك للفلول ينهشو فى لحمك ……….
ماهو لحمك حتا منى ودمك هو دمى ........
وأن كنت فاكرنى سرقت الثورة ...تبقا مش فهمنى
انا بس اتصدرت ليهم اصل عضمى ناشف عليهم .
مانا عارفهم من سنين كلاب ملهمش دين ........
ماأنا لوانتهازى كنت سبتك زمان لما كنا فى الميدان
اصل ده اكيد مش طبع فيا ده تراب اتحدف على
من جرائد صفرا ورسمية.................................
انا اتربيت ياصحبى على الصح مش الغلط
انا اتربيت ياصحبى على الحلال مش الحرام
وعرفت الفرق بنهم وانا صغير زمان ..................
ومابين قراَن وسنة ده طريقى للرحمن....
ويوم السبت هيكون عيش حريه شريه إسلاميه ..........
خلص الكلام............................................ ......
هما كلمتين بساط قلهم رب العباد...................
(( واعتصمو بحبل الله جميعاً ولا تفرقو ))

[حالمة باميرى]

ربنا يهدينا ويعدى ازمة البلد على خير

[العاشق الذى لم يتب]

كثيرة هى طلباتنا
وكبيرة هى أمنياتنا
وان شاءالله ربك
يحقق امل المصريين
شكرا لك احمد
مودتى

[ابراهيم دياب]

طرح رائع اخى الكريم

لا نحرمنا من ابداعك ولا تميزك

مودتى وتقديرى لك

[Silver Flower]

كلام بيحزن فعلا
أبدعت اكيد

[توحد ارواح]

كلمات جميله معبره
شكرا وبانتظار جديدك
فى امان الله

[^أحمد الخزرجى^]

اقتباس المشاركة الأصلية كتبت بواسطة ملٱك ٱلروِحً ربنا يهدينا ويعدى ازمة البلد على خير

شكرا لمررك العطر

[^أحمد الخزرجى^]

اقتباس المشاركة الأصلية كتبت بواسطة توحد ارواح كلمات جميله معبره شكرا وبانتظار جديدك فى امان الله

شكرا لمررك العطر

[^أحمد الخزرجى^]

اقتباس المشاركة الأصلية كتبت بواسطة الرجل المتواضع كثيرة هى طلباتنا وكبيرة هى أمنياتنا وان شاءالله ربك يحقق امل المصريين شكرا لك احمد مودتى

شكرا لمررك العطر

[^أحمد الخزرجى^]

شكرا لمررك العطر

اقتباس المشاركة الأصلية كتبت بواسطة ابراهيم دياب طرح رائع اخى الكريم لا نحرمنا من ابداعك ولا تميزك مودتى وتقديرى لك