الصدمة ..~

[Lamees]

السلام عليكم ورحمة الله

حديثي اليوم عن الصدمة التي اعني بها خلافات توقعاتنا
مثلاً انك تكون واضع كل ثقتك في شخص ما وفجأة وبدون اسباب
يخون هذة الثقة
مثلاً انك تكون بتحب شخص ما ولا تبخل عليه بكل نفيس او غالي
وتعلم بالصدفة انه لا يكن لك غير البغض والكراهية
مثلاً انك تكون طيب في التعامل مع الآخرين ولا تنتظر المقابل
ولا شكر ولكن يكون الجفاء منهم طريدك في تعاملهم معك
من منا لم يتعرض للصدمات من فقدان عزيز او خيانة
او فشل زريع في مشاوير الحياة او فقدان شيء ثمين
هذة الصدمات لا محالة تؤدي بنا الى ازمات نفسية والم عميق
يصعب التخلص منه سريعاً ويحتاج منا جهد كبير لتخطي هذة الازمة

سؤالي
اذا اصيب الانسان بصدمة في اقرب الناس اليه كيف يستطيع تحمل الحياة؟؟
وكيف يستطيع الحياة معه وهو بداخله بركان يريد ان ينفجر لكن لا يخرج؟؟

تمت ،، روني ..~

[Lost Pearl]

لأ مش لازم الصدمات دي تسبب الم عميق و يفضل كتير

لأن الواحد طول ما هو عايش لازم يتصدم و الصدمة دي تحفر فيه حاجة

و يبدأ شكله الجديد يبان

و واجب علينا نخلي الشكل ده احسن

بس مش مع الصدمات هنزعل و ناخد وقت علي ما نكون احسن

محدش يستاهل ان انتي تكوني اسوأ لأني سبب كان

من رأيي نكون دايما اقوي ده افضل

تسلمي ع الموضوع يا روني

[big bốss]

نعم صدمه شديده و مؤلم حين ، تخان الثقه التى وضعنها فى انسان

و لم نمنحها لغيره ، نعم ننكسر حين يصيبنا خيبة امل فى رجاءنا الوحيد ،

نعم نفقد القوه على الاستمرار و البقاء و لكن يجب ان نستغل تلك الصدمه

و نجعلها مصدر قوه لنا و تجربه فشله تعزز نجاحنا المره القاده

نايس توبيك رونى

[۩۩ elMagic ۩۩]

بطبيعة الحياه إنها لا تخلوا من المشاكل
فا لو هنقعد نتصدم من كل مشكله تحصل
يبقى مش هنعرف نعيش ونكمل الحياه
ولذلك لازم بنتعلم من المشاكل دي
وبناخد فكره منها علشان متتكررش تاني ..
صحيح الامر ف البدايه بيكون الى حد ما صعب
ولكن دي بتبقى فتره مؤقته
والموضوع بيتنسي الى حد كبير وبعدها بتقل حدة الألم ,,
تسلمي روني

[دمعه حائره]

ده حال الدنيا وطبيعه بعض البشر
وممكن مايكون من الاساس بيادله نفس المشاعر
وكان هوا فاهمه غلط وقدر يخدعه
اكيد ماينفعش نقف عند المواقف دى
والنوعيه دى من الناس مايستحقوش يفضلوا فى حياتنا
لان الكراهيه مرض بيصيب القلوب الضعيفه
تسلمى رونى

[&& برنسيسة المنصورة &&]

اذا اصيب الانسان بصدمة في اقرب الناس اليه كيف يستطيع تحمل الحياة؟؟
حصلت معايا كتيرمن ناس كنت فكراهم اصدقائي واديتهم منزلة اخوة وخانوها
بس من طبيعيتي بسامح يعني بنسي بسرعة او بحاول افهم نفسي اني بنسي علشان متعبش يعني بحب دايما حياتي سعيدة علشان كدا بطنش .
وكيف يستطيع الحياة معه وهو بداخله بركان يريد ان ينفجر لكن لا يخرج؟؟
بصراحة موضوع ان الانسان يتعامل معاه ذي الاول اكذب عليكي لو قولتلك ممكن
لان مهما كان فيه حب فالعقل بياثر علي الانسان
اوك انا ممكن اتعامل مع الشخصية دي بس اكنها شخصية غريبة عني مش هقدراامنهم تاني .
......................................
يسلمو علي التوبيك
........................................
وصدقيني الحياة بتتعاش مرة واحدة فلازم الناس تحاول تسامح بعض لاننا بشر وممكن نخطي في اي وقت
بس المهم اننا نتعلم من اخطائنا ونحافظ علي مشاعر الاخرين.

[ساحر الأحزان]

الصدمة بتاخد وقتها وتعدى

بسى بتكون صعبة لما تكون من شخص عزيز عليك

لانك وقتها ما بتتوقع انها حتكون من أقرب الناس ليك

[♥SaRa]

الـصدمة بتكون حزينة جداً وتسبب كثير من المشاكل النفسية
وخصوصاً لو انها من شخص قريب جداً إليك
ولكن لقد جعلنا الله عز وجل ننسي ونسامح
فا في النهاية نرجع الي ما كنا علية وننسي ما مضي

[Lamees]

اقتباس المشاركة الأصلية كتبت بواسطة lost pearl لأ مش لازم الصدمات دي تسبب الم عميق و يفضل كتير لأن الواحد طول ما هو عايش لازم يتصدم و الصدمة دي تحفر فيه حاجة و يبدأ شكله الجديد يبان و واجب علينا نخلي الشكل ده احسن بس مش مع الصدمات هنزعل و ناخد وقت علي ما نكون احسن محدش يستاهل ان انتي تكوني اسوأ لأني سبب كان من رأيي نكون دايما اقوي ده افضل تسلمي ع الموضوع يا روني

الصدمات لا محالة تؤثر بنا تأثير عميق
وتسبب كم هائل من الجروح قد يصعب مداواته
قد نفضل العزلة احياناً او التمرد على النفس لتغيرها
او اللجوء لمن حولنا ليشاركونا هذة الأزمة ويساعدونا في تخطيها

امتناني لمرورك لوجي الرقيق
دمتِ بود وسعادة من القلب
روني..~

[Lamees]

اقتباس المشاركة الأصلية كتبت بواسطة big bốss نعم صدمه شديده و مؤلم حين ، تخان الثقه التى وضعنها فى انسان و لم نمنحها لغيره ، نعم ننكسر حين يصيبنا خيبة امل فى رجاءنا الوحيد ، نعم نفقد القوه على الاستمرار و البقاء و لكن يجب ان نستغل تلك الصدمه و نجعلها مصدر قوه لنا و تجربه فشله تعزز نجاحنا المره القاده نايس توبيك رونى

وعلى قدر انكسارنا تكون قوتنا نور
فلابد لنا ان نستفيد من اخطاءنا
حتى لا تتكرر الصدمات ويدوم الألم

مرورك اسعدني نور
لا تحرمني فرحة وجودك
روني ..~