عصير لمون او موجيتور ~!

Caramilla · منذ /01-25-2014, 02:39 PM

السلام عليكم ورحمة الله وبركاته
ازيكم عاملين ايه يارب كويسين؟
وحشتوني يا بنات ووحشني المنتدي . .المهم ~!
النهارده جتلكم بمشروب موجيتور معتقدش ان في ناس لسه متعرفهوش~!
مشروب مشهور وبالاخص في الكنتاكي بيبقي هناك انا طبعا
قعدت ادقق بيعملوه ازاي وجبتلكم السر

طلع بكل بساطه عصير ليمون بالنعناع ( مع سفن اب )
هشرحلكم طريقته فيما بعد الي بيعملوه في المحلات
لكن دلوقت هشرح طريقه موجيتور البيت لول XD

يلا نشرح الطريقه .~! اكيد انتوا عارفينها بس لازم اشرح امال انا تعبت اصور وخلاص ولا ايه

...!~

كوبايتين ازاز اهم حاجه

3 لمونات ( 2 للعصير ) (1 للتزين )
و نعناع مش كل الي في الصوره ده طبعا انا بس بصور
لكن هوريكم صوره تانيه بكميه بسيطه هناخد

خلاط اهم حاجه الخلاط طبعا علشان ندمج طعم اللمون بالنعناع

عصارة اللمون والسكينه

كوبايه مايه كبيره
كوبايه واحده بس هي بعدين بتزيد الكميه لما بنخلطها مع المقادير في الخلاط

سكر طبعا ( حلوه الدنيا سكر

)

ديه الكميه الي انا هستخدمها واللمون قطعته في الطبق

هفلق اللمونتين نصين قصدي هقسمهم نصين

والتالته للتزين زي ما قولنا هقطعها ترنشات

نو كومنت

عارفين جدتي وجدتكم بينتفوا البط ازاي؟ احنا هنتف النعناع بقي

قصدي هنقطعه ونرميه في الخلاط ( نحطه باسلوب لطيف )

نو كومنت اجين

شويه مايه بقي مع النعناع الي حطيته وسكر
المايه ( الكوبايه الي فوق )
النعناع ( اهم حاجه ميبقوش شكلهم شويه ولا كتير اوي
زي الي في الصوره )
السكر على حسب الكميه الي انتوا عايزينها انا عن نفسي
بشربه من غير سكر بحبه من غير سكر

هنخلطهم في الخلاط

هيبقي شكلهم كده بعد ما نخلص

لسه مخلصناش هنحط شويه نعناع في الكوبايتين

هنكب الي في الخلاط في الكوبايتين

وازا الكميه قليله هنزيد مايه ساقعه عادي

نزينهم بقي اخر حاجه

الطريقه من جديد علشان في الشرح كان لخبطه مع الصور

هنضرب في الخلاط
لمونتين مع شويه نعناع وسكر ومايه

بعدين نجهز كوبايتين ونحط فيها نعناع ونكب فوقهم العصير الي في الخلاط
ولو الكميه قليله نكمل مايه ساقعه
وعلشان طعم اللمون يبقي اوضح كمان
ممكن تزيدو نص لمونه في الكوبايه وتقلبوها

حاجه بقي وهي اهم حاجه
ازاي بيعملوا موجيتور؟

ده عباره عن نفس الحاجات الي فوق كلها زي ما قلت بس مع سفن ابي
بتجيب كوبايه الانسه
وتحط فيها تلج وشويه نعناع
وبعدين لمون متقطع ترنشات ومعاها ازازه عصير لمون مركز

زي ده كده

وبتكب منه في الكوبايه شويه يعني اقل من الربع كده
وبعدين بتروح حاطه سفن اب
وخلاص مشروب موجيتور جاهز للتقديم
انتوا ممكن تعملوه في بيتكم

بس ازازه اللمون بتاعتنا بعد ما اشتريتها بشهر ماما رمتها
قالت مش عايزينها في حاجه

خلاص
استنوني في حاجه جديده من تصويري بردووو

۩۩ elMagic ۩۩ · منذ /01-25-2014, 02:54 PM

الله ينور
شغل حلو
تسلم ايدك بقآ

Caramilla · منذ /01-25-2014, 03:05 PM

الله يسلمك يا احمد
منور طبعا ~!

Safira · منذ /01-25-2014, 03:20 PM

امممم شكله ظريف هحاول اجرب
تسلم ايـدك ياعسل

Caramilla · منذ /01-25-2014, 03:27 PM

منوره يا قمر
جربي مش هتندمي انا جربته اكتر من مره
حلو

-esraa- · منذ /01-25-2014, 03:45 PM

حلو العصير ده : )
بشربه كنتاكي هبقى اجرب اعمله
تسلمي يا قمر مجهود رائع

براءة طفلة · منذ /01-25-2014, 04:36 PM

شكله لذيذ هحاول اجربه واقلك عالنتيجه تسلم ايدك

دمعه حائره · منذ /01-25-2014, 09:14 PM

فكره حلوة هاجربه تسلمى على الصور روعه

Lost Pearl · منذ /01-25-2014, 10:38 PM

حلو اوي انك عاملاه جدعة هههههه

تسلم ايديكي يا جميلة

فـ انتظار جديدك ،،

Silver Flower · منذ /01-26-2014, 12:04 AM

يسلموا ها الديات يا قمر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خطوات عمل عصير العنب2013 ، طريقة عمل عصير العنب ، Juice and Beverages 2014	غَـےـرَوْوْوْرَيِ	قسم المشروبات	3	05-18-2013 07:04 PM
خطوات عمل عصير المانجو بالفراولة 2013 ,عصير المانجا والفراوله 2013 , Cocktail juice	غَـےـرَوْوْوْرَيِ	قسم المشروبات	3	05-18-2013 06:59 PM
كيفية عمل عصير الليموناضة ، طريقة عصير الليموناضة 2013 , Juice and Beverages 2014	غَـےـرَوْوْوْرَيِ	قسم المشروبات	3	05-18-2013 06:57 PM
فوائد عصير الفواكه ، فوائد عصير الخضار 2013،The benefits of fruit juice and vegetabl	غَـےـرَوْوْوْرَيِ	صحة - طب بديل - تغذية - ريجيم	0	05-09-2013 06:00 PM
عصير كوكتيل زي عصير المطاعم	فلسطينية وافتخر	قسم المشروبات	6	03-26-2010 02:32 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

عصير لمون او موجيتور ~!

منتدى هوايات الاعضاء