الحل هو الجنون ساخر _ حصري _

[فتحى عيسى]

الحل اني اعمل مجنون
علشان اقدر اسدد كل الديون
بس الحقيقه خايف اطلع فعلا مجنون
دانا عليا ديون
مش بس للبقال ولا للجزار ولا لأم احمد
بياعة الخضار ولا للدروس ولا للفلوس
انا مديون
انا مديون بدين العقول كل حاجة فى عينيه
بتطالبنى بدين مستحق عليا من ايام فرعون
ما هو اصلى انا وانا صغير كنت فرعون
وكنت حكاية ولحد النهاردة محيرة العالم
وفجاءة صحيت مالنوم مذهول
لأنى قبل منام شفت حلم انما ايه
اللهم اجعله خير
قال ايه الشوارع فاضيه وواسعه
ونضيفه والشجر عالصفين وريحة الجو
ترد الروح والعالم ماشيه بنظام
لأ وايه العربيات مسطرتين واغرب حاجه
مشفتش ولا سياره قديمه ولا حتى دخان
يادى المصيبه احنا جرالنا ايه فين الخنقه
وفين المقطورتين
فين الونس الطافح
احنا كنا فين
اه فى الدين اللى خايف اسدده
والطم بعدين
ما هو مش كل اللى شايفينه ده معقول
ولا كل اللى مطنشينه ده يدخل فى عقول
احنا بنتباع بالحبه زى الفول
وبنتكسى باللقمه كل الفصول
هنا بس الجنان بينفع
والسكوت بيوجع
وبتكتر الديون
فتحى عيسى

[Lost Pearl]

هههههههههه لو كدة يبقي ديوننا مش هتتدفع نموت احسن

حلو اوي الفن الساخر ده

تسلم ايديك يا استاذ فتحي

[شاعرة الرومانسيه]

هههههههههههههههههههههههههه

جميله اللهم سد ديننا

[فتحى عيسى]

اقتباس المشاركة الأصلية كتبت بواسطة lost pearl هههههههههه لو كدة يبقي ديوننا مش هتتدفع نموت احسن حلو اوي الفن الساخر ده تسلم ايديك يا استاذ فتحي

ده إيه النور ده والرضا ده
شكرا علي تشريفك الراقي
وتفاعلك النقي بشفيفه الجميل
وذوقك الكريم
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة شاعرة الرومانسيه هههههههههههههههههههههههههه جميله اللهم سد ديننا

أمين يارب العالمين
شكرا علي هذة الإطلالة العطرة
وهذا التشريف الشفيف بطيبه
بوركتِ
مودتي وإحترامي