محمد صلاح لاعب فخر لكل المصرين

[ملك جبال الاحزان]

السلام عليكم ورحمة الله وبركاته الموضوع حبيت ميكونش خبر حبيت اعمل موضوع يقدر الاعب ده محمد صلاح الاسم الكامل محمد صلاح غالي طة الجنسية مصرى تاريخ الولادة 15 يونيو 1992 (العمر 21 سنة) مكان الولادة بسيون، الغربية، مصر الطول 1.75 متر (5 قدم 9 إنش) المركز الجناح الأيمن [1] القيمة السوقية 12 مليون جنيه استيرليني (بعد ما انتقل لتشيلسى الانجليزى) والمبلغ ده يكون اغلى لاعب عربى (فى التااريخ) وأول لاعب يلعب فى نادى تشيلسى الانجليزى بدأء حياته من المقاولون العرب كان بيسافر كل يوم بي الـ3 مواصلات كل مواصله ساعتين و3 علشان يوصل بس يلعب فى نادى المقاولون انتقل الى نادى بازل السويسرى من سنه ونص بعد ما لعب فى نادى المقاولون إنجازاته من سنه ونص فقط دوري السوبر السويسري : 2012–13[8] كأس سويسرا الوصيف : 2012–13[10] جائزة الإتحاد الأفريقي لكرة القدم‎ لأفضل لاعب صاعد في أفريقيا: 2012[11] جائزة اللعب الذهبى فى سويسرا 2013 2013 جائزة افضل لاعب و اللاعب المفضل لدى الجماهير فى الدورى السويسرى هداف تصفيات أفريقيا لكأس العالم لكرة القدم 2014 : 6 أهداف (بالمشاركة مع أسامواه جيان). وفى الاستفتاء السنوي لجريدة "الهداف" محمد صلاح أحسن لاعب عربي لسنة 2013 وفاز بجائزة "الهداف الدولي" لأحسن لاعب عربي للمرة الأولى في تاريخه ليخلف محمد أبو تريكة المتوج بها في العام الماضي اختير ضمن نجوم العالم فى فريق بيبسى لعام 2014 فيديو تسليمه جائزة الالعب الذهبى والان ينتقل الى نادى تشيلسى الانجليزى فخر لكل مصرى

[Aya 7ekaya]

فعلا فخر لكل المصريين ي ميدو موضوع جميل جدا
عقبالك بقا لما تتشهر كده ف كورة شراب او بلى مسافات طويله ههههههههههههههههه

[۩۩ elMagic ۩۩]

تصدق انت شجعتني اقدم فى النادي الاهلي
دا اكبر مني بسنه بس يا عم
تقرير جميل جداا
ومحمد صلاح دا مستقبل المنتخب اصلا
ربنا يوفقه ..

[™Amiliya]

بجد عجبني اوي الموضوع

ربنا يوفقو ويوفق اي حد عندو هدف وموهبة وانجاز يقدمو لبلدو


تسلم ميدو

[عاشق متيم]

تسلم ايدك يا ميدو على التقرير الجميل
وربنا يبعد عنه الغرور لان صدمه انتقاله لتشيلسى ممكن تأثر عليه
وخصوصا انه لاعب صغير فى السن وفى انديه كانت بتتنافس على ضمه زى ليفربول وتوتنهام
وياريت مورينيو يلعبه مش يرميه على الدكه ؛ ويكون صلاح افضل من خوان ماتا اللى مشى
وان شاء الله صلاح يغير فكره مورينيو عن اللاعبين المصريين لانه كان واخد فكره
غلط عنهم من ايام ما كان عبدالستار صبرى بيلعب فى الدورى البرتغالى
على فكره الديلى ميل قالت ان قيمه الصفقه 20 مليون استرلينى
------------
تسلم ايدك يا ميدو
ويدوم التميز

[انجي_1]

ربنا يوفقه يارب

[شاعرة الرومانسيه]

يستحق بجد ربنا يوفقه

كفايه انه من موايدى السن واحد والطول واحد

يبقى لازم يكون متميز ههههه

[Professional]

ي حجٌ , منطقيآ لمآ خط الوسطٌ البلوٌز يكون فيه

ماتيتٌش ولآمبارد وهازارد وراميريز وآوسكآر وميكيٌل وشورلة و ويليان

يبئىٌ صلاٌح هيعمٌل ايه وسط دولآ !

منطقيآ من وجهه نظرٌى صلآح انتهى رسميآ مع البلوزٌ تحت قياده الموٌ ابن المرةٌ وتذكرٌ كلامى بهذا التاريخٌ 28/1/2014 .

[انا دنيته وهو حياتى]

ماشاء الله
موضوعك جميل
ربنا يوفقك ويوفقه

[Ŗăήćy]

كلنا بنفتخر بيه طبعاً
وخصوصا انه من الغربية كمان :d

تسلم ايدك ياميدو عالتقرير..انا ماكنتش اعرف عنه اى حاجة الصراحة^^