خطاب لـ( شباب المنتدى ) أين انتم وما موقفكم من الانتخابات ؟

[morshooo]

بسم الله الرحمن الرحيم

مزاج الخير

امبارح شوفنا قلبان فى المنتدى بسبب الانتخابات

بين ( دمعه حائرة ) و ( سيلفر سبكترا )

بس انا كلامى النهاردة لـ ( شباب المنتدى )

انتو فين يا شباب ( دمعه ) اكتسحت الاستفتاءات

ووقف وراها كل بنات المنتدى اين انتم ايها الرجال

قصدكم ايه من المقاطعه دى وهنا يجب طرح عدة اسئله

عليكم ايها الرجال :

هل تخليتو عن سيلفر سبكترا ؟

هل هذا يعنى انقلاب على المشير ؟

ماذا فعل المشير بالله عليكم لكى تتركوه وحيدا ؟

هل انتم بالفعل تريدون أمراة لتحكم البلاد والمنتدى بعد ذلك ؟

كل هذة تساؤلآت يجب ان تطرح الان على شباب المنتدى

وانتا ياعم ( طارق )

داخل عمال تقولها مش مهم وانا هيصوتولى وهيكون فى

تزوير طيب بلاش نقول دا علنى كدا احنا اتفقنا نشتغل فى

الخباسه .

دخلت قولتلها انتى عماله توذعى مناصب انما انا لا

ياعم اضحك علينا ذيها ابعتلهم رساله خاصه يا اخى

وقول فيها ( انتا هتبقى المتحدث الرسمى للرئيس )

واخد بالك انتا من هتبقى

ولما ربنا يكرمك خلاص بخ هو حد هيقدر يسربلك

رساله برضو اكيد لا ^_^

ودى بقى خطه انا بقترحها عليك .

احنا نستغل شباب المنتدى فى القضاء على ( دمعه )

واول شاب نجيبه ونضمه لينا ( مسك الشهادة )

وهو كدا كدا قاعد فى تركيا

وسهل التواصل معاه ياعم على الميل مش هنحتاج بقى

نستلف من بعض عشان نشحن كارت بـ ( 10 )

ونتخانق نشوف مين الى هيتصل ويفهم الى هنجنده هناك

( خالد ) اهو قاعد ميل وفيس ومنتدى وبعدين هنقول لخالد

ابعت فلوس هيبعت فلوس

خالى اردوغان يبعتلنا تمويلات هيبعتلنا تمويلات

يا خالد ابعتلنا بنات خالد ماهيصدق وهيبعتلنا بنات

والله الموضوع سهل يا جماعه .

عندك هنجند ( عاشق متيم )

ونرميه على الحدود مع فلسطين وهو يظبط هناك

الامور بكلمتين عن ( الدين ) وهم اساسا هناك

زى الفل ماهيصدقو ( عاشق ) يكلم معاهم هنقوله

ابعتلنا يا ( عاشق ) ( سلاح ) هيبعتلنا سلاح

ابعتلنا جهاديين هيبعتلنا جهادين

عاشق غلبان وهيقف معاك يا ( طارق )

كدا فاضل دولتين ونقفل اللعبه

( امريكا ) و ( قطر )

( امريكا ) هنرشح ( واد حبيب ) هو بتاع بنات وزى الفل

وامريكا كل الاجهزة بتاعتها فيها بنات ( واد حبيب )

ياخد كام بيت شعر على كام كلمه ( بحبك ) ويوظفهم صح

وهيجبلنا كل الى عايزينه وهنقوله

هاتلنا يا ( رمضان ) معلومه من ( صوفيا )

ماهيصدق ( رمضان ) وهيبات تحت بيت ( صوفيا )

هاتلنا يا رمضان احدث اجهزة التجسس من ( دافيد )

هيقولنا دا ( ولد ) لا ياعم مش هكمل لعب وعايز ارجع مصر

هو دا ( رمضان ) انا عارفه بتاع بنات بس هيسلك

( قطر )

مفيش غير ( علاء ) قدامه شهر ويخلص جيش

يطلع من برا برا على ( قطر ) الست ( موزة ) هتشوفه

والواد حلو وطعم وتلاقى عينه ( خضرا ) هيرمش بس

هتلاقى ( موزة ) مطلعه ( مفتاح الكنبه ) الى بتقعد عليها

و ( علاء ) يفتح ويجبلنا بقى شويه ( ذهب / بترول / ريالات )

وكدا كدا ( قطر ) صغيرة على الخريطه وفى الحقيقه

هو هيجيب المعلوم والمطلوب منه ويادوب يجرى بس

جريه من بتوع ( الجيش ) هيكون هرب برا ( قطر )

وممكن نجيبه من ( السعوديه ) بعد جريت ( الجندى المصرى )

وبكدا يبقى احنا ( خنقنا ) ( دمعه ) بمعنى

لو هى قاعد قدام ( الكمبيوتر ) هتلاقى

على يمنها ( مسك الشهادة ) من ( تركيا )

و وعلى شمالها ( عاشق متيم ) من ( رفح )

ولو ولادها اتخانقو وقامتلهم وبقى ظهرها ( للكمبيوتر )

هيبقى على يمنها ( واد حبيب ) من ( أمريكا )

و على شمالها ( محمد علاء ) من ( قطر )

ونحزمها ونسمى الحركه دى

( حازموووووووووووووون )

واشوف وشكم بخير

[Lost Pearl]

ههههههههههههههههههههههه

علي فكرة و لا واحد فيهم هيرد عليك بقي

و لو ردو و عملو حاجة كلها يومين و ينامو

ولاد مش بتنفعو فـ حاجة

و بعدين خليك حلو يا مورشو و فـ صف منة

عشان تبقي فـ الحتة الشمال

هتزعلنا هتطلع ع ال black list علي طول

و ما ادراك ما الـ black list

[morshooo]

اقتباس المشاركة الأصلية كتبت بواسطة Lost Pearl ههههههههههههههههههههههه علي فكرة و لا واحد فيهم هيرد عليك بقي و لو ردو و عملو حاجة كلها يومين و ينامو ولاد مش بتنفعو فـ حاجة و بعدين خليك حلو يا مورشو و فـ صف منة عشان تبقي فـ الحتة الشمال هتزعلنا هتطلع ع ال black list علي طول و ما ادراك ما الـ black list

هى فيها black list
لا افكر بقى لاحسن الكرسى بيغير
انا عارف ( دمعه قبل الرئاسه ) حمادة
وبعديها اكيد هتكون حسين

[دمعه حائره]

القسم ده هايتشفر لان ده نتيجة الاستخدام المفرط للحريه
وبعدين عاوز ايه تانى بعد التصويت
بتعمل مؤمرات عليا امرشد
نسيت رئيس كوريا عمل ايه فى الانقلابيين
ارجع لعقلك يابنى انت جايلك ولاد عاوزين اللى يربيهم
واسمع كلام لوجى
وانا اللى كنت هاشوفك فى الوزاره الجديدة

[morshooo]

اقتباس المشاركة الأصلية كتبت بواسطة دمعه حائره القسم ده هايتشفر لان ده نتيجة الاستخدام المفرط للحريه وبعدين عاوز ايه تانى بعد التصويت بتعمل مؤمرات عليا امرشد نسيت رئيس كوريا عمل ايه فى الانقلابيين ارجع لعقلك يابنى انت جايلك ولاد عاوزين اللى يربيهم واسمع كلام لوجى وانا اللى كنت هاشوفك فى الوزاره الجديدة

ياحسين قصدى يا ( دمعه )
انا ملاحظ انك اتغيرتى من قبل ماتوصلى للكرسى
بس لو معاكى فى الوزارة الجديدة هغير كلامى
واطرقعلك طارق ونسميها حركه ( طارقووووون )

[توحد ارواح]

هو الخطاب لشباب المنتدى
بس برده البنات هى اللى هتدخل وتدعم رئيستنا دمعه
وانت حطيت ناس على يمينها وشمالها
احنا هنكون ف الجو نحميها منكم ههههههه

[morshooo]

اقتباس المشاركة الأصلية كتبت بواسطة توحد ارواح هو الخطاب لشباب المنتدى بس برده البنات هى اللى هتدخل وتدعم رئيستنا دمعه وانت حطيت ناس على يمينها وشمالها احنا هنكون ف الجو نحميها منكم ههههههه

الله عليكى يا توحد
وانتى بتحلقى فوق دمعه
وهى قاعدة على الكرسى قدام الكمبيوتر
ياله من مشهد مؤثر

[Lost Pearl]

اسمع الكلام يا مورشو احنا معانا كل حاجة

لا مشير و لا زعيم

احنا ع الرئاسة علي طول

قلبها ف مخك حلو بقي بدال ما تندددددم

و ايوة احنا بنتغير >> عشان نقدر نواجه واجبنا الوطني تجاه جموع الشعب

[♥SaRa]

هههههههههههههههه
يا لهوز اية الحقد كل دة آمرشد آحقود
وبعدين فين دول الشباب الي عمال تنفخ فيهم تنفخ فيهم
وفـ الآخر بخ محدش دخل ولا رد رد وحيد حتي
آمرشدي لم العدة ويلا بيتك بيتك ^^
سيبوا الدولة للبنات
وبإذن الله هتولع قصدي هتتعدل

[morshooo]

والله لو محدش رد من الشباب لحد
2 / 2 / 2014

لنسحب من الحمله دى
كدا يا شباب تخلو البنات تشمت
الله يحرق دى معرفه اين انتم ؟