تعرف ايه عن القسوة

[™Amiliya]

لما بيتكلمو عن يوم الام وعن احتفلات ايام الميلاد الخاصة بالام وازاي تنزل تشتري هدية وهتكتب ايه

وهتختار ايه مختلف عن السنة الي فاتت

تفضل جواك حالة سعادة وفرح لغاية متنهي المناسبة وتاني يوم تفضل تبص لممتك وهي فرحانة بالي
عملتو ليها وهي بتدعيلك وهي بتتكلم عنك عند جارتها وان ولادها عملو كذا ليها وفرحوها

في ناس اليوم دا بيجمعو فيه الاب وبيكون الاب النص التاني في المناسبة قد ايه هو بيحس بحب
من اولادو لانهم مش خصصو يوم معين لحد وسابو حد

كل الهدايا مش هتعني حاجة غالي رخيصة حلوة وحشة ... الاهم منها هو ابتسامة ممتك وباباك
وقتها وفرحتهم بيك

اكتر ناس مبتحس بالشعور دا الي فقدو ممتهم او باباهم فبتتقلص الايام عندهم ع بعض وتختصر نفسها
في جملة واحدة ( الله يرحمك ) حتى الاحساس الي جواك انك نفسك تقول من تاني كلمة ماما

او بابا محروم منها بس الي بيخليك عايش لسة وحاسس انك كويس ولسة بخير

انك بتحكي عنهم لاصحابك ... مع اخواتك تفتكرو مواقف شوية تضحكو شوية تعيطو

الحلو في الموضوع هو ان الحكاوي مشتركة بينكم واحداثكم حتى حبكم وفقدانكم واحد وخسارتكم
واحدة

/

اللحظات الحلوة الي بتخلي نبضك لسة عايش جواك هي احساسك ان عندك ام وعندك اب

لكن اتعس ناس الي عندهم ام واب لكن ايتام احساسهم بيهم شبه معدوم وجودهم زي عدمو

لا حنان حسو بيه ولا امان معاهم بيحسو بيه وكان كل الحنان متوزع بين بيت فلان وعلان
من القررايب يمكن خالتك احن عليك من ممتك ويمكن عمك احن عليك من باباك

ومع الاسف تعيش وسطيهم لا هما حاسين انك معاهم ولا انت حاسس بوجودهم

وانفصالك عنهم مش مسبب ليهم ازمة بالعكس مع الف سلامة المهم راحت بالهم وانانيتهم

لو غيبت او بقيت كلو واحد ... لوحدك يتيم الاحساس بيهم وبحنانهم

يمكن في الاول تلاقي صعوبة في تقبل الموضوع بس مع مرور الوقت وانفصالك عنهم وحياتك
في بيت تاني مع ناس تاني تكبر وتتعلم وتعيش تلاقي ان دول هما الاهل الحقيقيين

هما دول الي يستحقو الامتنان

وبعد ميفوت الوقت وبعد كمية الغضب الي جواك يرجعو يقولو ليهم حق فيك ... هي الحقوق ملكية
عشان الاسماء في اخر البطاقة بتقول دا بابا ودي ماما

مع الاسف كلو حبر ع ورق ولا شاركو في اي حاجة في حياتك حتى مجرد تربيتك الي رموها ع غيرهم

عشان يرتاحو منك ويعيش كل واحد فيهم حياته

/

مش غلطك انك مش تحبهم ولا مطلوب منك تحس بيهم بس هتلاقي ناس كتير هتقولك وتعاتبك
وتعتبرك عاصي وجاحد عشان دا باباك وممتك ازاي انت قاسي كدا

القسوة بنتعلمها من واحنا في بطون امهاتنا بنخرج متوارثينها وبتكبر معانا بسببهم

ويوم ما ام او اب يتكلمو عن القسوة يشوفو قدمو ايه لولادهم قبل ميحسبوهم ويطالبو بيهم

/

رؤية
ايميليا الجنزوري
30/1/2014

[دمعه حائره]

الابناء هم بذور زرعها الاب والام وبيحصدوها فى الاخر
علموهم حب بيجنوا حب او قسوة بيعانوا منها
كتير بيكون فاقد الشىء قادرعلى عطاؤه مهما كان بيعانى
لكن الغالبيه زى ماداقوا القسوة بيردوها
بس لحد الاب والام بتكون معصيه وذنوب بيشيلوها
ربنا قال
فلا تقل لهما أف ولاتنهرهمها وقل لهما قولا كريما
وربنا يهدينا جميعا
تسلمى ايمى موضوع جميل

[ساحر الأحزان]

أقل شىء بيسعد

حتى لو كلمة حلوة أو أبتسامة حانية

فالقسوة تميت القلب

وتجعلة فاقد الأحساس

[Šeŋdeřellą]

القسوة دومآ منبعها موت القلب
فـ ميت القلب خالي من كل المشاعر
متحجر صلب كالحجر الصوآن
لا يكون لديه أدنى احساس بمن حوله أو بشيء

جميل طرحك دومآ
تقديري لفكرك المميز حبيبتي

[Lamees]

واي قسوة ايمي هذة ما تجعل الأم والأب يتركون ابنائهم لغيرهم
فأين دورهم في الحياة واين التربية الحقيقية
فلماذا ينجبونهم اذا ما كانوا سوف يتركونهم
ولكن عقلي لا يتقبل هذة النوعية من البشر
فاقدي الاحساس بأبنائهم ولا يقومون بدورهم الاساسي
وهل يوجد ام تتخلى عن دورها كأم لمجرد انانية
وكيف تكون الجنة تحت اقدامها وهي لاتستحقها
هذة النوعية من الأباء والأمهات لا يستحقون هؤلاء الأبناء
ولا يحق لهم المطالبة بحق وهم لا يعطون حقوق ابنائهم

جميل طرحك ايمي
شاكرة لكِ
روني ..~

[™Amiliya]

اقتباس المشاركة الأصلية كتبت بواسطة دمعه حائره الابناء هم بذور زرعها الاب والام وبيحصدوها فى الاخر علموهم حب بيجنوا حب او قسوة بيعانوا منها كتير بيكون فاقد الشىء قادرعلى عطاؤه مهما كان بيعانى لكن الغالبيه زى ماداقوا القسوة بيردوها بس لحد الاب والام بتكون معصيه وذنوب بيشيلوها ربنا قال فلا تقل لهما أف ولاتنهرهمها وقل لهما قولا كريما وربنا يهدينا جميعا تسلمى ايمى موضوع جميل

فلا تقل لهما أف ولاتنهرهمها وقل لهما قولا كريما

معاكي حق يامنة

[™Amiliya]

اقتباس المشاركة الأصلية كتبت بواسطة ساحر الأحزان أقل شىء بيسعد حتى لو كلمة حلوة أو أبتسامة حانية فالقسوة تميت القلب وتجعلة فاقد الأحساس

فعلا وفاقد الشيء لا يعطيه ياامجد

نورتني

[™Amiliya]

اقتباس المشاركة الأصلية كتبت بواسطة Šeŋdeřellą القسوة دومآ منبعها موت القلب فـ ميت القلب خالي من كل المشاعر متحجر صلب كالحجر الصوآن لا يكون لديه أدنى احساس بمن حوله أو بشيء جميل طرحك دومآ تقديري لفكرك المميز حبيبتي

فعلا موت القلوب بيؤدي الى القسوة لا محالة

نورتي يالولو

[™Amiliya]

اقتباس المشاركة الأصلية كتبت بواسطة ro♥ony واي قسوة ايمي هذة ما تجعل الأم والأب يتركون ابنائهم لغيرهم فأين دورهم في الحياة واين التربية الحقيقية فلماذا ينجبونهم اذا ما كانوا سوف يتركونهم ولكن عقلي لا يتقبل هذة النوعية من البشر فاقدي الاحساس بأبنائهم ولا يقومون بدورهم الاساسي وهل يوجد ام تتخلى عن دورها كأم لمجرد انانية وكيف تكون الجنة تحت اقدامها وهي لاتستحقها هذة النوعية من الأباء والأمهات لا يستحقون هؤلاء الأبناء ولا يحق لهم المطالبة بحق وهم لا يعطون حقوق ابنائهم جميل طرحك ايمي شاكرة لكِ روني ..~

بالظبط ياروني من لا يعطي لا يأخذ ودورهم الاهم هو تربية ومسئولية مع الاسف
لو فقدوها فقدو الدور الاهم في حياة اولادهم
نورتيني روني