اسف سيادة الوزير

[a7med -3del]

انا هاوصفك ,,, و هاعرفك ,,, انى مش بستظرفك كلامى يمكن يجرحك ,, فــ هريحك والجاى اسود من اللى فات وهاسيحك مشير .. ده كتير .. شايفنا غنم .. ولا حمير يابن اللذينا .. دستورك لــ دينا مش راجل علينا .. واخرك غفير تمسك وزارة ... تلعب فى حارة كل العبارة انت الكبير تحبس طفولة .. تلبس كافولة انت الرجولة وابو الضمير انت اللى لينا .. وقلبك علينا اسف يادينا اسف سيادة الوزير انت الى راجل .. مناضل وفاضل وكل اللى فاضل نلبس طراطير حد يندهلى المخابرات الحربية بسرعة a7med adel 30\1\2014

[جبل عالي]

انت مخبي الكلام ولا ايه ؟؟؟

[جبل عالي]

كل الحكاية ان العبارة بقت مملة

وكل الوشوش ملهاش للأسف ملة

لاعارفين الصح فين ولا للألم علة



الله يصلح الحال ونرجع لنفوسنا نغيرها
وبعدها ندعي ربنا يغير أحوالنا


تسلم لسلاسة الحرف وقوة القلم

ننتظر جديدك ان شاء الله

وبدون مخابرات ولامباحث

[a7med -3del]

مرور ولا اجمل من كده

يكفينى مرورك بس

تحية ليكى من القلب

بس خافى على نفسك لنتشد سوا

تحياتى ههههههههههههههههههى

[♥SaRa]

عارف مش هرد عليك غير
بكلمتين .. كلمة وكلمة .. مش مهم مين .. لكن اسمع بذمه
دمنا ساح .. وحقنا هيروح..ناس مهضومه وناس مظلومه ..
وناس نايمه ببال مرتاح..
و وزيرتعبان .. بيشتغل بضمير..
ويفجر الارهاب.. ماحنا الطراطير
وفـ يوم تلاتين .. طوفان مظلوم .. فاق من النوم ..
يطلب حقه بعدشهور..
شهوروايام .. ذل وقهر .. فقر وجهل .. ولسان معقود
معقود بقانون.. وفساد .. ظلموا عباد ..
باعوا بلاد .. وحملوها ديون..
ديون فى رقبتى .. اديلك وقتى .. ولا اعرف انام ..
ابدا دلوقتى .. والحق اهو قام..
قام ثوار .. شباب احرار.. من كل دار ..
على الخير ناويين..
والنيه بصوت .. كان مكبوت ..
صرخوا وقالوا ..الطاغى يغور .. والظلم يموت..
نظام ينشال ..
ورجال اعمال .. حراميه تقال ..وارهاب غلاب..
اصلهم الكلاب .. بيحرقوا المباني ..وعيشتنا بقت هباب
كفاية خراب ..كفاية دمار ..كفاية دم وقتل ظباط
بتنادوا بحرية ..انتوا اصلا عايزين مدادية..
عايزين فلوس تملي العين..والقلب مدفوس جوة التراب.
اسكت ..يلي خليتوا مصر خراب..
وخليتوا قيمت المصري برخص التراب..
الله ينتقم منكم يا ارهاب ..
كفاية بقي عيشتنا الهباب..
.
.
ودي

[a7med -3del]

الارهاب

هو اللى يقتل ويحرق شباب >>

الارهاب

اللى يقابل صوت المعارض بصوت الرصاص

الارهاب

هو اللى يقتل الالاف ولو مات واحد من انصاره يبقى حرام

فين المعادلة ؟ الوف فى رابعة وغيرهم مئات

انا ضد اى حد يفجر نفسه فى كنيسة او جامع

انا ضد السيسى عشان عملتوه فرعون جديد

وضده عشان قتل الالاف المسلمين بحجة التفويض

عشان كتم اى صوت يعارض عشان جند كل الفضائيات

عشان وعشان وعشان

قصتى لا هى رابعة ولا خامسة ولا حتى سابعة

قصتى الحق وبس

انتى لو اتفرجتى على بنات الازهر اللى بيضربو لمجرد انهم رافعين شعار رابعة كنتى بكيتى دم

تفتكرى لو انتى مكانهم كان ده هيبقى كلامك

القصة مش اخوان ولا غيرهم

القصة اكبر بكتير

اانا بحب الجيش اللى مبيضربش علينا نار

والشرطة اللى مبتفتحش الرصاص

وبحب السيسى لو احترم كل العقول

لكن بالمنظر ده والوضع ده

انا بكره كل ماهو كريه وكل ماهو ضد الانسانية والدين

تحياتى

[♥SaRa]

لو هتخلي الدم بالدم
واحنا وانتوا
يبقي مش هنتقدم خطوة قدام
ولا حتي هنروح لأي مكان
الفكرة اننا خلاص ضميرنا نام
بقينابنرفع السلاح بأسم الاسلام
ولا تقولي بنات ولا غيرة
كل دول قابضين فلوس
وممسوكين بالملوتوف
فـ حق ولا شرع مين
تقول بنات
دول خاينات
يولعوا فـ البلد
ويقولوا حقنا
حقكم راح مع دمنا
خلاص ناموا وانتوا مرتاحين
علشان الضباظ مدبحين
هو دة الي انتوا عايزينة
اشربوا بقي بعد الحين
.
. ودي

[a7med -3del]

الكلام مش صعب

الفصة كلها انك تكون فاهم اللى انت مش حابب تفهمه

انك تصدق اللى مش عايز تصدقه

لمجرد انك قابض او معارض او بتحب فلان

مولوتوف مع بنات الازهر ياحلاوة

والبلطجية شايلين عرايس باربى

اللى مش عايز يصدق هيخترع اى حاجة عشان ميصدقش

الاعلام بقى زى الفل

مظاهرات وناس بتموت لا جريدة ولا قناة واحدة جابتهم

وانا بقى شوفتهم بعينى عشان شغلى فى السواح

وقريب من المطرية وبعدى على الف مسكن

ولا سبعين واحد ماتو ومحدش جاب سيرة اى حاجة

عايشين فى عصر الصوت الواحد

اكبر غلطة غلطها مرسى انه ساب الناس دى ومتعاملش زى دلوقت

وكمم افواه وقتل كام نفس عشان المركب تمشى

بعيد عن اى حاجة الدم كله حرام وغالى

ليه نرخص دم انسان معارض

ويغلا اوى دم واحد مؤيد ده الظلم بعينه

عسكرى مات وبلا غيره

ده فيه سبعين شاب ماتو فى يوم فى المطرية والف مسكن

حد سمع حاجة ؟؟

طب هاضحك

[™Amiliya]

كلماتك واعتراضك وغضبك وغضب ناس كتير ليها اسبابها
وحتى الي مقتنعين بيه ليهم اسبابهم
كل واحد فينا هيشوف من وجهة نرو الموضوع وبحساسية وحسب الي حصل
والي احنا شايفن انه بدا بدماء والله اعلم هينتهي ع ايه
بس لو بصيت للموضوع بواقعية شوية
هتلاقي حاجة وحدة

مفيش فايدة

يعملو الي يعملوه

بس اتمنيت اقرا كلام مفهوش بعض الالفاظ الي لا تليق بينا
زي حمير مثلا ربنا يكرمك

[شاعرة الرومانسيه]

الله عليك

صدقنى مفيش فايده

هانفضل كدا

مهما اتغير الوضع

طالما النفوس هى هى

ان الله لا يغير مابى قوم

حتى يغيرو ما بأنفسهم

ربنا وحده الميسر

كلمات كتير رائعه