رسمياً : الساحر الاسمر شيكابالا إلي لشبونه البرتغالي

[აα∂ Ԑγεა]

انضم محمود عبد الرازق " شيكابالا " رسمياً إلى نادي سبورتنج لشبونه البرتغالي وارتدى فانلة الفريق البرتغالي ذات الرقم "7" رسمياً.



وكان الزمالك قد أرسل البطاقة الدولية للاعب في اللحظات الأخيرة
في آخر وقت قبل غلق باب القيد بثواني معدودة !




وأعلن النادي البرتغالي في بيان إعلامي ان التعاقد مع الساحر الأسمر الزملكاوي لمدة أربع مواسم ونصف
مع وجود شرط جزائي قيمته 45 مليون يورو في حال فسخ التعاقد.



وقال شيكابالا بعد إنضمامه رسمياً :
" لقد كانت المفاوضات صعبة "
" ولكن ما يهم الآن هو انني حققت حلم كبير وأنا في واحد من أكبر الأندية الأوروبية "

[احساسى صحيح]

خبر جميل يا حوده يضاف لخبر انضمام محمد صلاح لتشلسى
واكيد انضمام شيكا للنادى البرتغالى اضافه لمصر
ويا رب الزمالك يستفيد من اى مبلغ يحل بيه ازماته الطاحنه
شكرا محمود على الخبر
يسلم مجهودك يا جميل
بانتظار باقى اخبارك الحلوه
تبقل ودى وشكرى ..

[აα∂ Ԑγεა]

رايي الشخصي
شيكابالا اكتر لاعب في مصر اتظلم سواء اعلاميا او من ناديه للاسف
وطريقة تعامل اداره الزمالك مع اللاعب طريقة قذره
مابين تطفيش لحد تدمير مستقبل
مع ان اللاعب دا من اطيب واخلص اللاعبين ومن اكتر الناس اللي بتحب النادي
رغم انه ماخدتش تقريبا فلوس من النادي من وقت ما جه
الا انه اتنازل عن فلوسه وكمان دفع من عنده ومع ذلك تعنتو معاه لحد اخر ثانية
لحد ما وصلت بيه انه قال هعتزل !

سبورتيغ من اعرق انديه البرتغال
وكون انه شيكا ياخد رقم 7 اللي كان محجوب ف النادي من بعد رونالدو
يدل علي قد ايه الناس دي مقدره موهبته وقدراته علي عكس بلده للاسف

يلا الحمد لله انه الصفقه تمت
ويمكن حكمه ربنا كل دا يحصل علشان الزمالكاوية يعرفوا قد ايه ظلموه الايام اللي فاتت
وكفايه حب الناس وكلامهم وانهم قلبو صفحة النادي عربي !

ربنا يوفقه يارب [/]

[აα∂ Ԑγεა]

اقتباس المشاركة الأصلية كتبت بواسطة احساسى صحيح خبر جميل يا حوده يضاف لخبر انضمام محمد صلاح لتشلسى واكيد انضمام شيكا للنادى البرتغالى اضافه لمصر ويا رب الزمالك يستفيد من اى مبلغ يحل بيه ازماته الطاحنه شكرا محمود على الخبر يسلم مجهودك يا جميل بانتظار باقى اخبارك الحلوه تبقل ودى وشكرى ..

اكيد طبعا اضافه كبيرة للكورة المصرية
والحمد لله صلاح ف احد اكبر انديه انجلترا وشيكا في احد اكبر انديه البرتغال
وفي كمان المحمدي في هال الانجليزي وحجازي في الفيولا الايطالي
علي غزال وصالح جمعه في ماديرا و كوكا في ريو آفي ف البرتغالو
وعبدالله جمعه في برلين الالماني ودودي ف افينيو الفرنسي

اظن ممكن نقول الكورة المصريه في طريقها للتعافي من السنين العجاف الاخيره
ربنا يسهل يارب ونقدر نكون منتخب قادر انه يشارك ف كاس العالم
ويفوز بافريقيا من جديد


تسلم لمرورك وردك يا ياسر
منور ياباشا
ودي ,

[عاشق متيم]

الزمالك فى اخر اللحظات كان بيقول انه غير مسئول عن تعثر انتقال شيكابالا
مع انه كان عنده طلبات زياده ولولا التنازلات من جانب لشبونه
مكنش اتنقل شيكابالا ؛ بس الشرط الجزائى مبالغ فيه جدااااااااااااااااااا
اذا كان قيمه الصفقه كلها نصف مليون يورو
كده عندنا صالح جمعه وكوكا وعلى غزال وشيكابالا
بيلعبوا فى الدورى البرتغالى بس لسه الموقع الرسمى للشبونه
مش اكد صحه الخبر
Sporting Clube de Portugal
وبتمنى لشيكابالا التوفيق ومش يعمل زى ما عمل مع الوصل
الاماراتى ؛ اللعيبه المصريه عيبها انها مش ملتزمه على الاطلاق
ولشبونه عنده مباراه بعد بكره الاحد اعتقد شيكابالا مش هيكون موجود
ومباراته الاسبوع الجاى امام بنفيكا مباراه كبيره
اتمنى تكون انطلاقه ومولد للاعب كبير
---------------------
تسلم ايدك على الخبر
بالتوفيق

[აα∂ Ԑγεა]

اقتباس المشاركة الأصلية كتبت بواسطة عاشق متيم الزمالك فى اخر اللحظات كان بيقول انه غير مسئول عن تعثر انتقال شيكابالا مع انه كان عنده طلبات زياده ولولا التنازلات من جانب لشبونه مكنش اتنقل شيكابالا ؛ بس الشرط الجزائى مبالغ فيه جدااااااااااااااااااا اذا كان قيمه الصفقه كلها نصف مليون يورو كده عندنا صالح جمعه وكوكا وعلى غزال وشيكابالا بيلعبوا فى الدورى البرتغالى بس لسه الموقع الرسمى للشبونه مش اكد صحه الخبر sporting clube de portugal وبتمنى لشيكابالا التوفيق ومش يعمل زى ما عمل مع الوصل الاماراتى ؛ اللعيبه المصريه عيبها انها مش ملتزمه على الاطلاق ولشبونه عنده مباراه بعد بكره الاحد اعتقد شيكابالا مش هيكون موجود ومباراته الاسبوع الجاى امام بنفيكا مباراه كبيره اتمنى تكون انطلاقه ومولد للاعب كبير --------------------- تسلم ايدك على الخبر بالتوفيق

لالا الكلام عن تعثر الصفقه كله كان قبل ساعات
لكن الصفقه تمت رسميا في اخر لحظات الميركاتو
وشيكا ارتدي الفانلة واتصور مع رئيس النادي

ااه الموقع الرسمي لسه منزلش
بس دي اكيد تاخير من القائمين عليه مش اكتر
لو تلاحظ ف التوبيك
صورة للصفحة الرسمية للنادي علي موقع التواصل الاجتماعي الفيس بوك
" الصفحة اللي بعلامه صح "
نزلت الخبر وتفاصيل العقد وصورة شيكا مع رئيس النادي بالفانلة
ودي انا اللي عاملها برينت يعني مش مفبركة وتقدر تتاكد يعني

خلاص شيكا راح هناك وكلام عن اي فشل صفقات
كان قائم لحد اخر 7ثانية من الميركاتو بالتحديد اما البطاقة الدولية وصلت !

اما عن الشرط الجزائي فطريقة لضمان التزام اللاعب مع النادي مش اكتر
واكيد يعني لو تالق مثلا وجه نادي تاني وحب يشتريه
مش هيطلبو المبلغ دا دا مجرد واجهه لضمان حق النادي والتزام اللاعب


اكيد مش هيكون موجود ف المباراه القادمه
واشك انه يواجه بنفيكا ف اوربا مش بيستعجلو ف الدفع باللاعبين
لكن من بعد بنفيكا اعتقد شيكا هيكون نجم نجوم الفريق
موهبه فذه ودي اخر فرصه ليها
واعتقد واتمني انه يستغل الفرصه دي
نقلة كبيرة للكورة المصري
اتمني محمد ابراهيم وعمر جابر ورامي ربيعه يكملو الرحلة دي
ونشوف نجومنا ف اكبر الانديه العالمية


شكرا لمرورك وردك عاشق متيم
نورت التوبيك بمرورك

[عيون مصرية]

شيكا لاعب مهارى جدا
و هيكون ليه مستقبل كبير فى الاندية الاوروبية
بس اهم حاجه يلتزم مع النادى
و ربنا يوفقه ان شاء الله فى مشواره
و اكيد فى الفترة الجاية هيكون ليه تاثير كبير فى المنتخب
ميرسى جدا على التغطية الجميلة
فى انتظار المزيد

ودى

[აα∂ Ԑγεა]

اقتباس المشاركة الأصلية كتبت بواسطة عيون مصرية شيكا لاعب مهارى جدا و هيكون ليه مستقبل كبير فى الاندية الاوروبية بس اهم حاجه يلتزم مع النادى و ربنا يوفقه ان شاء الله فى مشواره و اكيد فى الفترة الجاية هيكون ليه تاثير كبير فى المنتخب ميرسى جدا على التغطية الجميلة فى انتظار المزيد ودى

ان شاء الله يكون له مستقبل كبير هناك
لاعب بمهاره وفنيات شيكا لازم يبدع ويتالق
خساره السنين اللي فاتت اتاخر ف الخطوة دي جدا !
ان شاء الله يوفق ويكون له تاثير مع المنتخب


تسلمي لمرورك وردك عيون مصريه

[العاشق الذى لم يتب]

شكرا للمعلومات
ونقل الأخبارالرياضية الحديثة
دام التميز والنشاط
مودتى