دة سوال محتاج اجابة

[جـــــراح المشــاعر]

لسه قلبي غاوي يضحك رغم خوفة والالم لسة نبضة تلج دافي حتي لو سال وانهدم لسه لون عينة بيعكس كل وجع الغربة فرحة وقلبي هارب وسط ضلة من اكاذيب الزمن حتي حلمي لسة هارب وسط ضلة مشوار طويل والحلم ساكن اوله لو الف ميل .. لو مستحيل هادوس علي جرحي واكمله حتي السكر من عيونك طعمة لية سكر ممرر حتي طعم البوسة من خدودك كان زمان مبقاش يخدر حتي قلبي لما الومة واعتب علية ما تنبض اكتر يقولي اسف غصب عني مبقتش اقدر مش حبيبي اللي كان للحب يزارع جوة قلبي وردة تطرح مش حبيبي مش حبيبي اللي كان للورد يسقي الحكاية انها هانت خلاص والبداية لما قالت.. حقي انا لما قلبي اتخان هنا والنهاية مانتهتش ارفع التلفون واطلب استغاثة انتي فين مني رحتي لية كتبتي لية نهاية منتهش اختلفنا واتفقنا حبنا ممكن يعيش يعني اتنازل شوية بس لية متنازلتيش اعترف اني بموت بس بعد موتي صحوة ليا بس واللي فات ومات معايا كل هس بس دلوقتي بقولها وبعترف اني بموت كل واحد روحي فية قال يضحي لما شوفت الموت بياخد روحي مني ومافيش لي صوت قولت هاكرة كل واحد الا نفسي واعذروني اصل جرح القلب واعر وما تلوموني بس من غير اعتذار شفت قلبي ف انهيار واللي كان بيبني فيا بايدة يهدم الجدار اللي باقي من عيوني رمش متكحل دموع رمش بيداري الالم عين بتبكي ع اللي واللي انهدم بس باقي فية سوال لسه محتاج الاجابة انتي فعلا لسه انتي ؟؟ انتي باقية زي ما انتي ؟؟ ولا ضعتي ولا روحتي لية بعدتي ؟؟ وانتي باقية لية رحلتي ؟؟

[العاشق الذى لم يتب]

سؤال محتاج مليون إجابة
ورسالة وعتاب
وخناقات ومشاكل وحلول
وتنازل وتمسك
رواية كبيرة اوى
ولكن يظل الحبيب وحبه عالق بالاذهان والروح والوجدان
معزوفة رائعة هى التى أتيت بهاهنا
سلمت ودمت بخير
ولك تحياتى ومودتى
يسبقهم شوقى وسلامى

[ساحر الأحزان]

عتاب بشوق

بين الاحباب

فالحبيب

يشتاق ويحن الى حبيبة

كلمات جميلة جراح

دمت بخير

[شاعرة الرومانسيه]

الله عليك يا أيمن

دائما أقف خلف سطورك صامته

لا الكلام بيسعفنى

ولا الاحساس بينصفنى

سؤال شامل جامع لكل المعانى

ما أروعك يا جراح والله

ودى واحترامى

[جبل عالي]

كلمات راقية وشجية

واحاسيس متداخلة وصعبة


تحيتي لجمال الحرف والتساؤل

[أمواج الرحيل]

جميله حروفك اخى ولكنها سلسه المفاهيم

[جـــــراح المشــاعر]

اشكر كل حرف مر بين ثنايا حروفي اشكر كل الاقلام الطيبة
شكرا لكم جميعا حرف واسم وصدقا
احترامي لكم ولي عودة اخري لرد عليكم جميعا

[ويبقى الأثر]

اسأله كتير بتحتاج اجابه شافيه
بيفضل معاها القلب دايما فى حيره

راقيه حروفك استاذ جراح كما تعودنا منك
اسعد الله قلبك
ودام تواجدك ونبض قلمك