طريقة عمل البطاطس بالفراخ بأسلوب الشيفMind Language

[Mind language]

اهلا وسهلا بالجميع فى مطبخى المتواضع شرفتوا انهاردة هنتعلم مع بعض طريقة عمل البطاطس بالفراخ اول حاجة مريلتك يا فندم اهم من الطبخة نفسها فلنرتدى المريلة اول حاجة لو الفرخة فى الثلاجة طلعيها وحطيها فى مية علشان تفك اما لو لسة جاية من بره كدا اسهل بكتير هتقطعيها اربع ارباع اول خطوة بعد ما تقطعيها طبعا هتتغسل بالملح والدقيق علشان تنظف كويس بعد كدا هتقطعى بصلة زى كدا وتحطيها فى شوية زيت صغيرين جدا قلبى فيها البصلة وحطى معاها الفرخة اللى قطعتيها وقلبى فيهم كل شوية هتلاقى انى الفرخة بدأت تصفى الدهن منها ويبقى اكتر من الزيت اللى محطوط لذلك انا قولت متحطيش زيت كتير وقلبى فيهم لحد ما تصفى كل الدهن اللى فيها والبصلة تدبل زى كدا بعد كدا هتزويدها مية وتستنى لحد ما الفرخة تستوى نصف سوى لانها هتكمل سوى مع البطاطس فى الفرن نركن الفرخة على الجنب ونروح لصنية البطاطس . طريقة عمل البطاطس : اول حاجة فى البطاطس هو انك تعصرى الطماطم فى الخلاط ولازم الطماطم تكون طرية علشان تلاقى فيها طعم الطماطم ولو كانت قاسية مش هيبقى طعمها حلو فى الاكل المهم بعد ما تعصرى الطماطم اهم شيئ تاخديلك مج زى كدا علشان اعصابك متفلتش منك انا احيانا بعمل كدا بعد كدا هتقطعى البطاطس شرايح مدورة دا بعد تقشيرها هتفرديها على الصينية بحيث انى تبقى متوزعة على كل الصنية بعد كدا هتجيبى الطماطم وتحطيها على البطاطس بعد كدا تجيبى ثوم وتقطعية ودى كميتهم لانى وممكن اكتر عن كدا بس لو زاد عن المعقول بيمرر الاكل زى كدا والبصل تقطعية بالطريقة دى وتحطيهم على الصنية بالشكل دا وتحطيلهم زيت بحيث اما يتحطوا على النار ميتحرقش وتحطلهم التوابل زى كدا بعد كدا هتحطيها على النار وتستنى لحد ما تستوى بعد ماتحسيها قربت تستوى اطفى عليها النار زى كدا وهاتى الفرخة اللى عملتيها وحطيها على البطاطس زى كدا لو عندك شوية عصير طماطم حطى عليهم لو مش عندك خدى من طماطم البطاطس وغطى بيها الفرخة لتبرد وتبيليها بفلفل اسود وملح وكل حاجة تقبلك من التوابل اللى بتحبيها علشان تدى طعم حلو فى الاكل بعد كدا هتحطيهم فى الفرن وتستنى الشكل النهائى ليها زى كدا ملحوظة هامة جدا : لو باظت منك عادى جدا متقلقيش ارميها واعملى واحدة تانى مهياش نهاية الدنيا يعنى وكتر الف خيرك يكفيكى شرف المحاولة بالهنى والشفى على قلبكم ومن هنا من مطبخى الخاص اعلن نهاية الحلقة وشكرا للجميع على حسن المتابعة مع تحيات الشيف Mind Language.

[واد حبيب]

انا لسه عمل واحده من يومين كانت احسن من دي
ههههههههههههههههه
عسل والله ممكن اكل بقا

[Mind language]

اقتباس المشاركة الأصلية كتبت بواسطة واد حبيب انا لسه عمل واحده من يومين كانت احسن من دي ههههههههههههههههه عسل والله ممكن اكل بقا

يالهوووووووووى احسن عن دى لالالا دى وسعت منك
دا انا صورتها حته حته لانه كان اعجاز فنى باحت
منى لو افضل عن بتعتك اتفضل كل لو بتاعتك
افضل خد شنطتك واقفل الباب وراك لو سمحت
ورانا ناس عايزين نعزمهم

[ملك جبال الاحزان]

جامدة اوى والله لقد اعجبتنى حقيقآ
والاكلة ديه اساسا من اكلاتى المفضلة
ايه رأيك تعمليلى صنية ليا لوحدى
واعلمك كل حاجه فى الفلاش

[واد حبيب]

اقتباس المشاركة الأصلية كتبت بواسطة mind language يالهوووووووووى احسن عن دى لالالا دى وسعت منك دا انا صورتها حته حته لانه كان اعجاز فنى باحت منى لو افضل عن بتعتك اتفضل كل لو بتاعتك افضل خد شنطتك واقفل الباب وراك لو سمحت ورانا ناس عايزين نعزمهم

هههههههههههههههههههه
انا غلطان اللي مصورتهاش
انا طباخ ماهر بس مش قوي
بحرق الرز بس
ههههههههههههههه
ربنا يكرمك يارب بجد انتي متميزه في كل شئ

[Mind language]

اقتباس المشاركة الأصلية كتبت بواسطة ملك جبال الاحزان جامدة اوى والله لقد اعجبتنى حقيقآ والاكلة ديه اساسا من اكلاتى المفضلة ايه رأيك تعمليلى صنية ليا لوحدى واعلمك كل حاجه فى الفلاش

ولماذا اصنع لك واحدتاً اخره الم تكفيك قطعة
من هذه ياسيدى الفاضل كان غيرك اشطر
منور يامحمود

[Mind language]

اقتباس المشاركة الأصلية كتبت بواسطة واد حبيب هههههههههههههههههههه انا غلطان اللي مصورتهاش انا طباخ ماهر بس مش قوي بحرق الرز بس ههههههههههههههه ربنا يكرمك يارب بجد انتي متميزه في كل شئ

احم احم اخجلتكم تواضوعنا خلاص ياجماعة الصنية
دى بتاعت محمد انهاردة ههههههه ويوفقك انت كمان يارب
نورت التوبيك برايك

[واد حبيب]

اقتباس المشاركة الأصلية كتبت بواسطة mind language احم احم اخجلتكم تواضوعنا خلاص ياجماعة الصنية دى بتاعت محمد انهاردة ههههههه ويوفقك انت كمان يارب نورت التوبيك برايك

كده انا اطمع واقولك عوز صنيه محشي
هههههههههههههههههه

[Mind language]

اقتباس المشاركة الأصلية كتبت بواسطة واد حبيب كده انا اطمع واقولك عوز صنيه محشي هههههههههههههههههه

طيب خلاص ياجماعة نآسف على هذا الفاصل الاعلانى
كملوا اكل كما كنتم

[سارة بنت مصر]

تسلمى ياقمر الطريقه جميله واكيد انتى الاجمل

بالتوفيق والى الامام دائما