معنــي الكــــلام

[Şα3Đ..♥]

اول كلامي ربنا القادر الرحمن تاني الكلام الصلا ع المصطفي العدنان تالت كلامي السما والخلق والانسان عطر روحك بالثنا وصلي علي المختار اما اللي بعد كدا فقالوا قبلي كتار قالوا من ده ياما علي ده ف المغني والاشعار واهو مننا اللي اهتدي وفي مننا الاشرار اسمع كلامي انا وان كان بلاش ف بلاش اياك تدوق الحرام لو حتي كان في كلام وان فتحوا لك ف بيبان ارجع متدخلهاش واوعي تهين الغلابه واوعي تصون الكئابه والضحكه لو كدابه اضحكها ومتعشهاش واوعي تكون نتاش واوعي تكون غشاش والكدب لو بقي فيك يبقي انت مبتسواش واضحك ف وش الناس واكسبها بالطيبه وابعد عن الوسواس وابعد عن العيبه وديما تقول الحق لو حتي هتنزق وان اجبروك علي لأ ف الشر متقولهاش واحود عن الشمال والمشي ف البطال عيشها حلال ف حلال متروحش ف ابو بلاش ولا تسخرمن حد قليل ولا تتباها بالتمثيل ده احسن ما فينا عويل والرخيص ما بيغلاش واوعي تفكر تكتب علشان تترسم واوعي تفكر تكدب لا المعني يتقسم عمر التزوير ما يكسب و الكدب مبيعلاش واوعي تفكر تحود عن مبدأك وافكارك ونقي كلامك تكسب واختاره يختارك والكلمه لو كت هتتعب اكتمها متطلعهاش كل الكلام ده اتقال ف المغني والموال وبرضو الحرام شغال وضاربها لسه طناش عاوز تعيش مبسوط اتمشي ف الملكوت وابني ف قلبك بيوت من الرضا والستر ومتعيبش ف المعيوب وابقي اعمل المطلوب واقبلها بالمكتوب ان كان غنا او فقر

[* ادم *]

اجمل حاجة البساطة اللي ف كلامك

نصايح منك بشكل مختلف

اشكرك عليها سعد

[۩۩ elMagic ۩۩]

جميله جدااا
تسلم ايدك يا ابو سعد
دام ابداعكـ وتميزكـ ,,

[العاشق الذى لم يتب]

نصائح فى رسالة
مضمون قيم
وكلمات أجمل
تناسق فى الافكار
تسلم سعد
دمت بخير
مودتى

[™Amiliya]

عاوز تعيش مبسوط
اتمشي ف الملكوت
وابني ف قلبك بيوت
من الرضا والستر

/

سلم نبض قلمك سعد

[طبيب الهوى]

أخي سعد


هذه أول مرة أقرأ لك


وإن شاء الله ستتكرر كثيراً


لأنك كاتب موهوب وتملك قلماً مُتَمَكِن جداً مِن أدواته


بسم الله ما شاء الله عليك أخي


خاطرة شعرية عامية بأسلوب الرباعيات


قيمة الفكر عذبة وسلسة السَرد راقت لي كثيراً



تقييمي البسيط + ***** 5



لقيمة الفِكرة وروعة وعذوبة السَرد



تحياتي لقلمك المُبدِع والراقي والعذب



أبو عصام

[نغم الشام بعد المغيب..]

واوعي تفكر تكتب
علشان تترسم
واوعي تفكر تكدب
لا المعني يتقسم
عمر التزوير ما يكسب
و الكدب مبيعلاش

واوعي تفكر تحود
عن مبدأك وافكارك
ونقي كلامك تكسب
واختاره يختارك
والكلمه لو كت هتتعب
اكتمها متطلعهاش

	أخي الكريم .. رباعيَّات بسيطة الحرف ..عميقة المعاني !! ونصائح قيّمة الفكر ..بأسلوب عذب حاني .. ليت كل من يمر بها يتوقف عندها بضع ثواني ..!! بوركت وبورك قلمك الجميل .مع فائق احترامي وشكري بعد المغيب..

[a7med -3del]

اسلوب كلمات رسالة ومعنى

انت كده مسبتش حاجة

انا عاهدت نفسى مردش على اى حاجة الا اللى تستاهل وانت تستاهل الاحترام

مميز وبتكتب جميل

وكلامك واصل

تحيااااااااااااتى

[Şα3Đ..♥]

اقتباس المشاركة الأصلية كتبت بواسطة what اجمل حاجة البساطة اللي ف كلامك نصايح منك بشكل مختلف اشكرك عليها سعد

ده انا اللي متشكر جدا علي كلامك الجميل
ومرورك هنا اسعدني يا غالي
متشكر اوي

[Şα3Đ..♥]

اقتباس المشاركة الأصلية كتبت بواسطة ۩۩ elmagic ۩۩ جميله جدااا تسلم ايدك يا ابو سعد دام ابداعكـ وتميزكـ ,,

متشكر اوي يا ماجيك
تسلملي يا حبيبي والله
نورتني