مليـــــش نفـــــس آكـــــل يمـــــــــــة

[شاعر الحب الحزين]

مليـــــش نفـــــس آكـــــل يمـــــــــــة

وعايـز افضـل لوحــدي شويــــــــة

مش حاسس بفرحة الأهل واللمــــة

من كتر ما شفت جرح وقسيـــة

مليش نفـــــــس آكـــل ولا لقمـــــة

عطشان ومش عايز اشرب مية



كـــــل اصحابـــــي هجرونـــــي وراحــــــــــوا

فاتونــي مــع قلبـــــي بحزنـــه وجراحـــــــــه

رسمـــت البسمــة فــوق شفايفهــــم

لا يوم فكرت بالرأي حتى اخالفهــــــــم

مكنتش اظن انهم لما يجرحوني رح يرتاحــــه



اقفلـــي البــــاب وانتــي خارجــه يــــا أمــــــــي

وادعيلـــي إن ربنــــــــا يفــــــرج همــــــــــــــــي

آه يــا وحدتــــي إنتــي اللـــي ليـــــــــا

اعمـل إيـه مع حبايبي اللي قسوا عليـا

هرضى بقسوتهم وجرحي ودمع عنيــــا

بكلم روحي يمة ما تاخديش في بالك ولا تهتمــــي



مليــــــش نفــــــس فــــي أي حاجـــــــــــة

مــــــن بعـــد مــا خســرت كــل حاجـــــــــة

عايـــــز افضـــل لوحـــــدي وبــــــــس

ولا اسمع كلمة حلوة ولا همــــــــس

بطعم المــــــــوت قلبــــي حــــــــس

خـلاص يــا دنيـا مـش عايـز منــك حاجـــــــة



شـــــــــــــــــــــــــــــــــــــــــــ . حـــــــــــــــــــــــــــــــــــــــــــــــــ

[العاشق الذى لم يتب]

ليه بس مالكش نفس
لازم تكمل وتواصل المشوار
خليه جامد ياشاعرنا
يعنى عاوزتحرمنا من ابداعك
وخلى بالك هتكمل غصب عنك
دخول مش عارف ايه مش زى خروجه
رائعة وجميلة
تسلم الايادى
مودتى

[* ادم *]

حزينة كلماتك ومعبرة

الله المستعان

[شاعر الحب الحزين]

اقتباس المشاركة الأصلية كتبت بواسطة الرجل المتواضع ليه بس مالكش نفس لازم تكمل وتواصل المشوار خليه جامد ياشاعرنا يعنى عاوزتحرمنا من ابداعك وخلى بالك هتكمل غصب عنك دخول مش عارف ايه مش زى خروجه رائعة وجميلة تسلم الايادى مودتى

مين قاللك اني مش عايز اكمل يا رفعت الجميل

وانا اقدر استغنى عن الناس الجميلة اللي هنا

حد يسيب اهله ويمشي وحد يعرفك ويسيبك

هي احاسيس بنعيشها ونعايشها ف بنكتبها وبس

نورتني جدا يا رفعت الجميل كل الشكر والتحية لك

اقتباس المشاركة الأصلية كتبت بواسطة what حزينة كلماتك ومعبرة الله المستعان

والنعم بالله سبحانه وتعالى

اسعدني تواجدك الجميل اخي الفاضل

كل الشكر والتحية لك

[جبل عالي]

وهنا وهخالفك ياشاعر واقولك

ملكش حق في الكلمة ديا .... لو كل الدنيا خانت

ولا اللمة ع الصحاب والحبايب هانت

حضن الأم ونظرة عيونها بكل الدنيا ومافيها

ولو كانت الأم بدخلتها عليا تغور كل الهموم

ولا يبقا إلا نور وشها وضحكتها الهنية




حبيت بس أشاكس إحساسك المكتوب

حتى ولو كانت تجربة ...أهو برضو الرد تجربة




تحيتي لك وكل التقدير

[شاعر الحب الحزين]

اقتباس المشاركة الأصلية كتبت بواسطة جبل عالى وهنا وهخالفك ياشاعر واقولك ملكش حق في الكلمة ديا .... لو كل الدنيا خانت ولا اللمة ع الصحاب والحبايب هانت حضن الأم ونظرة عيونها بكل الدنيا ومافيها ولو كانت الأم بدخلتها عليا تغور كل الهموم ولا يبقا إلا نور وشها وضحكتها الهنية حبيت بس أشاكس إحساسك المكتوب حتى ولو كانت تجربة ...أهو برضو الرد تجربة تحيتي لك وكل التقدير

والله العظيم انتي معاكي حق في كل كلمة

وده مش مجرد اختلاف ده اكيد هو الصح اللي قلتيه

بس عارفة انا حاولت بكلماتي اني اوصف حالة شاب

لما بيبقى زعلان من اصحابه وراجع بيته ويبقى مش طايق نفسه

اكيد مش كل كتاباتي بلعب دور البطل فيها

كتاباتي فيها بكل موضوع بطل معين وشخصية معينة او ضحايا معينين

احترامي الكبير وشكري وتحيتي لك يا جبل عالي

ولأخلاقك العالية وتعقيبك وكلماتك الصادقة الجميلة