اللي بيدوخ ميدخلش _ حصري _

[فتحى عيسى]

من دواعي الأمن فكرت في حرس شخصي
أتنين تقال عرضهم مش أقل من مترين
ومش مهم الطول متعقد منه
وفعلا روحت الشركة عرضوا عليا كتير معجبنيش
إلا واحد نظره علي قده وساكن جمبي في الوراق
الحيطة في الحيطة وبينا كام شارع أول لفة يمين
خلاصة القول سألتة عاوز كام قالي ليه قولتله عشان تحميني
قالي من إيه قولتة أنا شخصية عامة ومركزي تقيل
قالي قد إيه قلتله يجي رطلين قالي شيل هتدفع دلوقتي ولا مع القديم سبتة
ومشيت وأنا بسأل روحي أنا كنت مع مين آه مع البواب الوحش
اللي فاتني مقرفص م البرد من كام يوم في حوش الغفير
مستني يفضيلي أوضة الغسيل ولا عبر أمي
يلا هانت كلها سنتين وأتعلم المشي وأجيب عجلة بروحين
واخد البت أم عيون فزدقي وشعر دورين
ونروح مشوار ع الماشي يمكن ربنا يرزقنا بكام بلطجي يخطفوها
ونرتاح يومين ونصرف القرشين ع الأمورة اللي مش لاقيها ولا عارف هيا مين
صحيح ده أول شهر هل ولسه مقبضناش لإن الشغل كان نايم علي جزءين
وردية متروحش والتانية تيجي بعدين
هو أنا بشتغل إيه
يخرب بيت شاي النشارة
معدتي من يوميها اللقمة مخصماها وحالفة عليها بالطلاق
ما تمر من حارتها بعد عملتها السودا بقي بتفكر في الفرخة البيضا
وناسية إن النهاردة ميعاد كشف السنان ولم فوارغ الحيطان من جنينة الجيران
وكفاية اللي حصل بعد آخر مرة
كان منظري يقرف راكب في مترو واقف بقاله جمعتين في التصليح
ماشي جواه إنه يسبقني
زهقت من كتر كلامي ونرفزتي ع الست اللي مش عايزة تفهم
إن البياع راح يجيب البت من مدرسة الخضار
وأنا شاري بس أبوها مش راضي وعامل فيها حكمدار
إحنا وقفنا لحد فين آه لاء مش آه
نسيت طب حد يفكرني أنا بكتب في إيه طب
ولو فكرني ياتري هعرف أرجع لوحدي ديه النقط كتيرة
والأرض مزحقلة والمطرة منزلتش من سنتين
يلا بقي قال يعني جبت الديب من ديله
وبخيت معلومتين
الأولانية أكتب لحد متنسي إنت بتكتب في إية
مادامت معاك شغالة قول وإسرح ودندن علي قد ما في نفسك طول
هيجي يوم عليك وتقول اللي محدش قاله ولا فكر جابه ولا مبدع مخاوي سطور
والتانية دوس ع الأولانية عشان تنجح معاك
وعشان تقول وتقول
لازم تقرا وتقرا وتقرا
هتلاقي نفسك
ونش ساحب مقطورتين فول وطعمية
قصدي كلام بيقول
كله حنية
فتحي عيسي
وليدة اللحظة

[رآقيہ بأخلاقـى]

فعلا تدوخ بس وصل المقصود
ربنا يصلح الحال ويعدل الامور ويفرجها ان شاء الله فرجه قريب
اتفاءل خير يا استاذى والجاى احسن بأذن الله
احترامى لقلمك المميز

[™Amiliya]

هو ينفع اقول مفهمتش وفعلا تدوخ

[دمعه حائره]

اقتباس الأولانية أكتب لحد متنسي إنت بتكتب في إية

دى الخلاصه شحنة كلام ولازم وكل واحد فينا يخرجها
مهما كانت الطريقه وتزاحم الافكار
فضفضه جميله وبطريقه رائعه تسلم استاذنا

[فتحى عيسى]

اقتباس المشاركة الأصلية كتبت بواسطة ðą2ЄŦ ĄĽβ فعلا تدوخ بس وصل المقصود ربنا يصلح الحال ويعدل الامور ويفرجها ان شاء الله فرجه قريب اتفاءل خير يا استاذى والجاى احسن بأذن الله احترامى لقلمك المميز

شكرا علي هذا التشريف المتميز
وهذا التفاعل الراقي برقي شخصك
وذوقك الكريم
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة رائحة القهوة هو ينفع اقول مفهمتش وفعلا تدوخ

طبعا ينفع ونص أنا نفسي دوخت هههههههههههههه
بس الفكرة هنا إن الموهبة في لحظات بتفرض نفسها
عايزة تفرغ اللي حساه وزي ما شفتي لخبطة وهرتلة
لو ركزنا هنلاقيها ملهاش طعم ولا معني
والنصيحة نسيبها تقول وتقول لإنها في النهاية هتوصل
هترتب أفكارها هتعرف هيا رايحة فين وعايزة إيه
بس منوقفهاش ولا نستغرب كلامها أكيد هيجي بفايدة
وعشان تبقي علي مية بيضا لازم نقرا كتير جدا في
كل حاجة وفي أي موضوعات لإن الكتابة بدون قراءة
مش هتنفع ولا ليها لزمة
شكرا علي تشريفك الكريم
وتفاعلك الراقي
بوركتِ
مودتي وإحترامي

[فتحى عيسى]

اقتباس المشاركة الأصلية كتبت بواسطة دمعه حائره دى الخلاصه شحنة كلام ولازم وكل واحد فينا يخرجها مهما كانت الطريقه وتزاحم الافكار فضفضه جميله وبطريقه رائعه تسلم استاذنا

الله ينورعليكِ صح ده المفروض من كل اللي قلتة
شكرا علي هذه القراءة المتميزة
وهذا التشريف الراقي
وذوقك الكريم
بوركتِ
مودتي وإحترامي

[™Amiliya]

اقتباس المشاركة الأصلية كتبت بواسطة فتحى عيسى طبعا ينفع ونص أنا نفسي دوخت هههههههههههههه بس الفكرة هنا إن الموهبة في لحظات بتفرض نفسها عايزة تفرغ اللي حساه وزي ما شفتي لخبطة وهرتلة لو ركزنا هنلاقيها ملهاش طعم ولا معني والنصيحة نسيبها تقول وتقول لإنها في النهاية هتوصل هترتب أفكارها هتعرف هيا رايحة فين وعايزة إيه بس منوقفهاش ولا نستغرب كلامها أكيد هيجي بفايدة وعشان تبقي علي مية بيضا لازم نقرا كتير جدا في كل حاجة وفي أي موضوعات لإن الكتابة بدون قراءة مش هتنفع ولا ليها لزمة شكرا علي تشريفك الكريم وتفاعلك الراقي بوركتِ مودتي وإحترامي

متفقة معاك جدا الكتابة من غير قراءة مالها قيمة ولا بتوصل للقارئ

تسلم استاذي ع التوضيح

[فتحى عيسى]

اقتباس المشاركة الأصلية كتبت بواسطة رائحة القهوة متفقة معاك جدا الكتابة من غير قراءة مالها قيمة ولا بتوصل للقارئ تسلم استاذي ع التوضيح

الشكر لكِ أنتِ علي تشريفك
وإهتمامك الكريم
بوركتِ
مودتي وإحترامي