غلطـــــان فـــــي العنـــــــــــوان

[شاعر الحب الحزين]

محـــــدش شافك وانت معدي

محدش شافك وانتا جاي

صدقني يا واد ما انتاش قدي

هتشوف واهو بكرة جاي


انا مش لأي حد بسلم

وصعب جدا اني استسلم

خدها من قصيرها ويلا

خيرها بغيرها يا معلـــــم


شكلك غلطان في العنوان

اصلي مليش في حب ولا حنان

دور على غيري هتلاقي كتير

انا زي الزمـــــــان مليش امـــان

يوم معاك ويوم عليك

لو ده يرضيك يبقى نحب ونعشق كمان



انا اللي شايفني قدامك معلم قلـــــوب

دوبت الف قلب فحبي وولا قلب خلاني ادوب

مش فاكر اني عمري حبيت

متقدرش تغلبني بس تقدر تبات مغلــــــــــوب


كان إيه بس اللي رماك على سكتي

مفيش حاجة تمنع نزول دمعتي

ولا أي حد بينسيني همي

طول ما الحزن بيجري بدمي

ده من الاحزان نسيت اسمي

اديتني الحياة دموع وخدت مني فرحتي


غلطان في العنوان يا شاطر

الحب ده مش لينـــــــــا

لو كان الحب بيعمل خاطـــر

كان مسح دموع عنينـــا


خد حبك وقلبك بعيد عني

وخليك كده مبسوط متهني

ما احبش حد يشاركني بهمومي

يادوبك بقدر اعيش يومـــــــــي

نصيحة انساني وفكك منـــــــي




شـــــــــــــــــــــــــــ 0 حـــــــــــــــــــــــــــــــ 0 حـــــــــــــــــــــــــــــــــــــ

مــــــــــــــــــــــــــــ 0 أ ــــــــــــــــــــــــــــــــ 0 خـــــــــــــــــــــــــــــــــــــ

[شادي راضي]

عاش الابداع
اخي االفاضل انت فعلا مبدع في العاميه
وكلماتك تصلح اغنيه

بالتوفيق دائما

[اسمى ضاع منى]

كلام روووووعه بس للاسف كلها عتاب ولوم
لان انت عوز كده تبقي يوم ويوم ليه متنساش وتهجر والا انت ناوى تغدر
فكر في حب جديد بطعم جديد وانسي كلام وحديد ولا انت غاوى مشاكل عوز تفرض قلوعق وتبقي ضد الطيار وتقول انا اعصار مش عارف انت عوز ايه الدنيا فيها منده وده
شوف الحلو فين وانا عارف ان مافيش حلو وخلص من يومين
يبقي الوضع كما هو علي استمر يمكن تقدر تقوم ضد الطيار
اسف كلماتك جميله بس فيها عتاب ذايد انت مش بتخاطب اللي كانت محبوبه
انت بتخاطب غريمك وده مشكله كبيره استمر ولكن اعلم انكا لا تقوى في العناد

[شاعر الحب الحزين]

اقتباس المشاركة الأصلية كتبت بواسطة شادي راضي عاش الابداع اخي االفاضل انت فعلا مبدع في العاميه وكلماتك تصلح اغنيه بالتوفيق دائما

اخي العزيز شادي الكثير من كتاباتي

لحنت كلماتها ولكن انت لك نظرة مختلفة

حقا سعيد جدا بتواجدك هنا وتعقيبك الكبير

على كلماتي القليلة ونظرتك الهادفة

كل الشكر والتحية لك عزيزي شادي

اقتباس المشاركة الأصلية كتبت بواسطة عزالدين محمد الخشاب كلام روووووعه بس للاسف كلها عتاب ولوم لان انت عوز كده تبقي يوم ويوم ليه متنساش وتهجر والا انت ناوى تغدر فكر في حب جديد بطعم جديد وانسي كلام وحديد ولا انت غاوى مشاكل عوز تفرض قلوعق وتبقي ضد الطيار وتقول انا اعصار مش عارف انت عوز ايه الدنيا فيها منده وده شوف الحلو فين وانا عارف ان مافيش حلو وخلص من يومين يبقي الوضع كما هو علي استمر يمكن تقدر تقوم ضد الطيار اسف كلماتك جميله بس فيها عتاب ذايد انت مش بتخاطب اللي كانت محبوبه انت بتخاطب غريمك وده مشكله كبيره استمر ولكن اعلم انكا لا تقوى في العناد

اخي الجميل عز الدين انت قلب ينبض بالحب

والوفاء ولكن ليس بالضرورة ان تمثل كل كلماتي

وجهة نظري بل هي احاسيس نعايشها في حياتنا

وفي عقولنا وربما من واقع الحياة الصعبة

اسعدني جدا جدا دفاعك عن الحب فهو حقا يحتاج

لمحامي دفاع في هذا الزمان

كل الشكر والتحية لك اخي الجميل عز الدين الخشاب