حرف هجاء (حلقه خاصه عن الامومه وتربيه الاطفال )

[كوين ميرو]

تربية الطفل والتعامل معه تحتاج الى الكثير من الحرص والوقوف عند نقاط مهمه وجوهريه تساهم فى بناء شخصيه سويه محبه صادقه خلوقه وكل هذا يتطلب معرفه ودرايه بطرق التربيه السليمه وفيما يلى بعضآ من خبرات ام لنستفيد جميعآ انهارده وبعد اقتراح استاذ احمد الماجيك قررت استضيف اسيل الام وحلقه اسنثنائيه هناخد منها المايك ونخليها تقعد فى كرسى الضيف علشان تشاركنا فى رحلتها مع الامومه اهلاآ بيكى اسيل اهل بكِ مارى الفكرة عجبتنى اوى وهل بيا فى الحلقة ههههه عندك كام طفل ؟ عندى بنوتة أسيل بردوا عندها سنه و5 شهور وفى بنت اختى زينة انا اللى مربيها زى بنتى تمام ام لاول مره ممكن توصفى لنا احساسك وقتها ؟ امممم كنت فرحانه اوووى ده غير انى من اول شهر فى الحمل وانا كنت بقول هى بنت لانى بموت فى البنات وايه هى المشاكل اللى وجهتك فى بدايه رحلتك مع الامومه ؟ كتيييير اولها انى عندى انيميا وكان الهيومجلوبين 8 وكنت باخد حديد فى محاليل وضرسين اتكسروا وفى اخر 3 شهور مكنتش بعرف امشى الحمد لله على كل شىء مين من اولادك يشبهك فى طباعك؟ هى مش شبهى نهائى لا فى الطباع ولا فى الشكل وايه هى الصفات اللى انتى حريصه دايمآ تزرعيها فى اولادك ؟ ان شاء الله هزرع فيها الصدق والامانة والعطاء والتعاون وحب الاخرين ونفسى يكون عندها مبادىء فى حياتها تمشى عليها ومش تتنازل عن اى مبدء مهما كانت المواقف والصفات اللى نفسك تمنعيها تكون فيهم ؟ الكذب والانانية والاتكالية ومين منهم يشبهك فى ملامحك كان نفسى والله تاخد اى حاجه منى بس محصلش بئا ؟هل من الممكن ان تلجئى للضرب كعقاب ؟ لا نهائى الضرب مش اسلوب للعقاب لان فى النهاية بيقلب بطريقة عكسية ومهما يخطأ الطفل هيقول هضرب وخلاص هتعدى وايه هى طرق العقاب اللى ببتتبعيها مع اولادك ؟ ؟ مع اسيل لسه بصراحه مفيش عقاب اوى الا لوصممت على حاجه تاخدها بسيبها تزن شوية او بلهيها باى حاجه تانية وبتنسى اللى كانت عايزاه اما زينة بيكون عقابى ليها الحرمان من الحاجات اللى بتحبها وبعرفها انتى مش هتخرجى النهاردة عشان عملتى كذا وهى متفاهمة جدا وبتستجيب معايا بسرعة وايه اكتر مره عاقبتى فيها حد من اولادك وندمتى وليه ؟ ولا مرة بصراحة لان قلب ضعيف اووى ومش بستحمل أى اذى حتى لو كان نفسى ايه هى الطريقه اللى ممكن تقوى العلاقه بين الام والاولاد ؟ الحب مهم جدا ان الطفل يحس بحب الام مش عشان هو ابنها لا عشان هى بتحبه هو حب خاص والصداقة بتخلق روح التفاهم والاستجابة لاى طريقة تربية الام تلجأ لها وحفظ الاسرار يمكن تكون غريبة شويه بس مهمه جدا يعنى مثلا لو الطفل بيصارح امه بشىء مهمتها انها تكتم اسراره لانها بكده بتخلق الثقة بينها وبين ابنها او بنتها وبالتالى الطفل مش هيخبى حاجه نهائى عن امه من وجهه نظرك ايه الاصعب تربيه البنت ام الولد ؟ مجربتش تربية الاولاد بس بشوف ابن اختى تعبها جدا يمكن الاولاد عندهم طاقة زياده عن البنات ده اللى شوفته لحد دلوقتى وبصراحه انتى بتفرقى بين تربيه البنت والولد والى اى حد ؟ البيت عندى انثوى بحت ههههههههه لسه مجربتش تربية ولد وايه هى اصعب مشكله واجهتك مع اولادك ؟ هتكلم عن زينة لانها فى اولى ابتدائى اصعب مشكلة هى الاختلاط مع انه شىء لابد منه لكن الاختلاط مع اطفال تانين بتربية مختلفة خلانى اسمع حاجات منها كبيرة سناً عن سنهم ده ومنها بعرف مين البنت اللى بتتكلم بطريقة شذة عن سنها و ديما بتاابع معاها وبفهمها الصح والغلط غير متابعتى للمدرسة نفسها وفى الكلاس من خلال كلامها عن صحباتها انا بختار مين اللى يقعد جنبها لان فعلا السن ده صعب جدا وايه هى طريقتك فى التعامل مع المشاكل المستعصيه نوعآ ما ؟ لسه لحد دلوقتى مفيش مشاكل مستعصية مين مننا لم يواجهه طفله بسؤال غير متوقع وخصوصآ فى مرحله الطفوله المبكره ايه كان رد فعلك وقتها ؟ ههههههههه زى ماتكونى كده يامارى كنتى معايا وانا بكتب حلقة جبل عالى بصى اهم شىء احتواء السؤال لان مش هينفع انى مش اجاوب عليها لانها ممكن تلجا لغيرى للاجابة على سؤالها وغالبا برد بس بالطريقة اللى تناسب سنها ومستوى ذكائها شوفتى قلب الام بقى ومن وجهه نظرك ايه هى الطرق او المبادئ والقواعد الصحيحه للتعامل مع اسئله الطفل ؟ اولا الاجابة على كل الاسئلة لانها بتدعم الثقة بينهم وعدم الكذب او الرد بحاجات مش مقنعة ايه هى نقطه ضعفك اللى ممكن يستغلوها الاولاد ؟ اااااه جيتى ع الجرح فى الاول كنت مش برفض اى طلب مهما كان لكن لئيت ان الاسلوب ده غلط اووى وعدلت من طريقتى دى هل لزوجك دور فى التربيه والى اى مدى تلجئين له ؟ بصراحه بطبيعة شغله غالبا بيكون برا البيت بالتالى بتكون التربية 99% عليا انا وايه اكتر عاده اتعلمتيها من ولدتك وافادتك جدآ او العكس فى تربيه اولادك ؟ الصداقة لان دى على اساسها حاجات كتير بتتبنى منها المصارحة والثقة لان انا ومامتى كده لحد دلوقتى هى اقرب شخص ليا بسبب صداقتنا ولو حصل واتوجه ليكى نقد بخصوص اسلوبك فى تربيه اولادك من ولدتك حماتك او جدتك مثلا هيكون ايه رده فعلك وقتها ؟ حصل فعلا من بابا فى تربية زينة انى بلبى كل طلبتها وهو طبعا كان صح فى نقده ليا بس يمكن عشان ان لها ظروف خاصة شوية مكنتش بقدر ارفض لها طلب ومن وجهه نظرك لاى مدى بتاثر البيئه المحاطه بنا فى تربيه الاولاد ؟ بتاثر اكيد بس عن نفسى بشوف ان من المحيط اللى بنحط فيه اولادنا من البداية بيكون له عامل كبير فى تربيتهم لان مقتنعه تماما ان ابنك ابن البيئة اللى انت عايش فيها وايه رائيك بتدخل التكنولوجيا فى تربيه الاولاد وهل افادت ام اضرت ؟ وايه هى من وجهه نظرك اضرارها وافادتها ؟ وايه ممكن تعمله اى ام علشان تحد من اضرار التكنولجيا ياترى بالمنع تماما او بالمتابعه ؟ اكيد مفيده لكن طريقة الاستخدام هى العامل الاساسى وبردوا تربية الطفل بيكون لها الاثر فى استخدامه لها اذا كانت التربية صحيحة دينية مش هخاف عليها من استخدامها مع المتابعة والمشاركة فى النهايه حاسه انك راضيه عن طريقه تربيتك لاولادك ؟ لحد دلوقتى الحمد لله راضية نورتى الحلقه اسيل ميرسى مارى بجد كانت اسئلة ممتعه بالنسبالى وبشكرك على قبول الدعوه وبتمنى لك السعاده وربنا يخلى لك بنوتك انا اللى بشكرك على الحلقة الجميلة دى اللهم امين

[جبل عالي]

الله الله ايه الجمال ده؟
بجد حلقة رووعة ياكوينو برافو عليكي
اسيلو بصراحة شخصية مثقفة وواعية كتير
وحوارك معاها اظهر قد ايه هي حنونة كمان
بجد يااسيل ربنا يحفظك ويبارك لك فيهم وتشوفيهم عرايس

عجبني ردك جداااا خصوصا متابعة الاصدقاء لان فعلا
الوقت ده معادش في سذاجة ولا براءة كتير زي زمان
ربي يحفظكم جنيعا وتشوفوا ولادكم احسن ناس يارب

كل الشكر والتقدير لكم جميعا من القلب


ملحوظة/ الرد ده من موبايل عبودي
ادعولي اللاب يخف ):

[™Amiliya]

حلقة بجد جميلة وحرف هجاء باين عليها انها من ردودها انها هتكون ام جميلة معنى وفعل

ربنا يكرمك يارب

[۩۩ elMagic ۩۩]

شوفتوا كده الدنيا حلوه ازاى
لما الآيه اتقلبت
حلقه حلوه واجابات مميزه
بالنسبه لبنت اختك
فا حسب وجهة نظري المتواضعه
عوديها هى كمان تختار امورها الخاصه
مش لازم كل حاجه انتي تعمليهالها علشان متجيش تكبر
متعرفش تتصرف فى امورها الخاصه
فا عوديها تختار حتى لو غلط المهم تتعلم وهى بنفسها
تدرك ان كان اختيارها غلط وترجع تصححه بعد كده ،،
وجزئبة نقد السيد الوالد ليكي فا اكيد مع حضرته حق
وانتي مش تخلي بنتك وهى بتكبر دلوقت
تحس انك بتلبي كل طلبات زينه علشان مش تتعقد وتحس بغيره
اكيد لازم تساوي في معاملة الاثنين طالما بتعتبري زينه كمان بنتك ،،
وربنا يخليك بنتك أسيل يا أستاذه اسيل
الراجل مربي الاسره تاعبينه معاكوا بتشابه الاسماء دا .. بهزر طبعا
ربنا يخليهالك ويكرمها فى المستقبل وتبقى حاجه كويسه ،،
الله ينور ميرو
تسلمي لمجهودكـ المميز
مودتــــــى ,,

[العاشق الذى لم يتب]

اهلا بالمذيعة المتألقة أم كرلس
والبرنامج الجميل واسئلته الرائعة
ومرحبا بأسيل أم أسيل
ربنايخليكم ويخلى ابو اسيل
ويجعلكم اسرة سعيدة مباركة
جميلة اجاباتك اخت اسيل
وربناينوردربك
سعدت بتواجدى هنا
مودتى

[دمعه حائره]

حلقه جميله مع اجمل ام
وعجبنى طريقتك فى تربيه بنتك
ربنا يخاليهالك وتفرحى فيها يارب
تسلمى ميرو على الاستضافه

[Lamees]

واضح انك اكتسبتي خبرة من تربية زينة بنت اختك
وده فادك كتير في تربية بنوتك الصغيرة
ربنا يباركلك فيها ويجازيكي خير عن زينة

شكراً كوين على الحلقة الجميلة زيك

[حَرفُُ هجآءّ]

الف الف شكر مارى على التقديم الجميل
وبجد الاسئله كانت ممتعه وعجبتنى اووى
ميرسى ليكى كتير

[حَرفُُ هجآءّ]

اقتباس المشاركة الأصلية كتبت بواسطة جبل عالى الله الله ايه الجمال ده؟ بجد حلقة رووعة ياكوينو برافو عليكي اسيلو بصراحة شخصية مثقفة وواعية كتير وحوارك معاها اظهر قد ايه هي حنونة كمان بجد يااسيل ربنا يحفظك ويبارك لك فيهم وتشوفيهم عرايس عجبني ردك جداااا خصوصا متابعة الاصدقاء لان فعلا الوقت ده معادش في سذاجة ولا براءة كتير زي زمان ربي يحفظكم جنيعا وتشوفوا ولادكم احسن ناس يارب كل الشكر والتقدير لكم جميعا من القلب ملحوظة/ الرد ده من موبايل عبودي ادعولي اللاب يخف ):

الف الف شكر جبل عالى
لكلامك الجميل ورأيك اللى فعلا بعتز به جدا
والف سلامه على اللاب
نورتى جبل

[حَرفُُ هجآءّ]

اقتباس المشاركة الأصلية كتبت بواسطة رائحة القهوة حلقة بجد جميلة وحرف هجاء باين عليها انها من ردودها انها هتكون ام جميلة معنى وفعل ربنا يكرمك يارب

ميرسى ايمى اوووى
نورتى يابنوته