احكموها ..

[phalsteen]

ديمقراطية وبلطجية وحزب راح وحزب جاي ناس بتحكم ناس بتقتل وناس ضعيفة مالهاش مكان كل حلمه رغيف حلال ضحكة حلوة مــ العيال كل همه امته يخلص الحوار ؟ امته يرجع الامان ؟ مش مهم مين هيحكم ؟ مين بيقتل ؟ مين عشانه داق المرار ؟ يصرخ بضعفة احكمــــهوها اشـــربوها ودمــــروها وصـــــبروني بــــــكام شعار الفرحة جاية وبكرة احلي من اللي فات أوعـــــــدوني وكيفوني بـ كام خطاب بــــزيادة جاية ووضع عال وحد أدني ولا أقصي ونهضة تاني ومش تخاف والدم اللي سال وراح وكـــــــان هتقولي طبـعاً شــــــايله في رقبتك والدم دمـــــــك والجرح جرحــــــك يا خلق والله الجــــرح زاد والثورة ماتت والحلم تــــــاه كفاياكو لينا رسم خرافات القصة باخت والشعر شاب والقلب يدمع طالب خلاص نفرتيتي

[Safira]

صدقتي في كلامك
فعلا الواحد بقى تايهه
كل الـ نفسه فيه هو عيشه كريمه وامان واحترام للذات مش اكتر
مطالب بسيطه كل انسان بيطلبها ايا كان مين الـ هيحكم او مين الـ هيحقق له مطالبه
يارب اصلح الحال واحمي مصر يارب
تسلم ايـدك

[Caramilla]

ربنا يجيب الي فيه الخير

[العاشق الذى لم يتب]

بلدنا فى حالة
مش محتاجة وصف
الاجمل كلماتك سما
تسلم الايادى
مودتى

[شاعر الحب الحزين]

صدقيني محد فاهم حاجة يختي

كله بيضحك على كله واللي احنا وصلناله دلوقتي

كله من إيدينا ليه خلينا ناس قتلها حلال ودمها رخصناه

وناس تانية خلينا دمها حرام

لازم نعرف ان كلنا واحد وعلى فكرة بقى مصر مفهاش ارهاب

بلدنا زي الفل بس لو الناس تبطل تتكلم كتير عن الارهاب

هتبقى بلدنا زي الفل ان شاء الله وهترجع بلد الأمن والأمان

كل الشكر والتحية لكي اختي الفاضلة لطرحك الراقي

[* ادم *]

خلينا نقول زي مابنقول كل مرة

الفرحة جاية

وبكرة احلى

ايا كان مين هيحكم

لسه الامل موجود ان شاء الله ،،،

كلام صادق من حد قلبه ع البلد

بشكرك

[Lost Pearl]

هيطلعو بكلمة تالتة لا شرعية و لا تفويض

يا رب الجاي يكون احسن شوية بقي

كلمات جميلة اوي يا سما

تسلم ايديكي ،، فـ انتظار جديدك

[جبل عالي]

ومش هنقدر نقول غير الله المستعان

حقيقي قلتي اللي بقلب كل مصري

احييك على قلمك الرائع والمميز جدا


ننتظر جديدك بكل ود ومحبة