( واد حبيب ) فـ ( انا وقلمى والموسيقى )

[morshooo]

بسم الله الرحمن الرحيم

مزاج الخير

النهاردة ( خامس حلقات ) برنامجكم

( انا وقلمى والموسيقى )

ضيفه حلقه النهاردة المتالقه /

واد حبيب



تعالو نشوف قلمها كتب ايه وهو بيسمع الموسيقى

فى البدايه تم ارسال المقطع الموسيقى دا .

( برجاء تشغيل المقطع )

انا من عشاق الموسيفي الرومانسيه والحزينه
اوقات كتير جدااا لما اكون زهقان او في مشكله ليه في اي حاجه
اقعد مع نفسي واشغل الموسيفي الحزينه
اوقات كتير بتكون لي غذاء الروح او الخروج ليه
من حزن او زعل او اي شي فيها
لما رجعت من الاجازه من مصر حسيت اني وحيد بجد
كنت علطول مع اصحابي او مع خطبتي وفاجئه اتغير كل شي
ورجعت تاني اكون وحيد
الوحده من اصعب ما يمكن واصعب بكتير لما تفارق شخص
بتحبه وتبعد بعيد عنه
اوقات كتير كنت بقعد مع نفسي واسمع موسيفي وابكي وانا
بسمعها وافتكر كل الايام اللي انا عشتها مع خطبتي او مع
اصحابي
ممكن اكون انا بعيد دايما عن اصحابي كان الموضوع
الي حد ما بسيط شويه لكن كنت دايما افكر فيها
لكن بنسبه لخطبتي كان الوضع يختلف تماما
انا عشت اجمل 4 شهور في حياتي كلها
وانا في اجازه في مصر اجمل شي في الدنيا
لما تحب وتخلص في الحب والانسان اللي انت بتحبه بيبدلك
نفس الحب والاحساس اللي جواك ده كانت اصعب حاجه وانا
سايب الانسانه ده وابعد عنها والله واعلم ارجعلها تاني ام لا
لما كنت بتكلم مع حد ويقولي انت عملت ايه في الاجازه كنت
بزعل ازي علشان بقتكر الايام الحلوه اللي عشتها مع خطبتي
مكنش ليه اي حاجه اعملها غير اني اخد التلفون واروح مكان
هادي واقعد اسمع فيه موسيقي او اغاني حزينه كانت دايما
دموعي بتنزل مع كل عزفه من الموسيقي
ولحد دلوقتي احب اسمع موسيقي في هدوء تام بعيد عن كل الناس
وارجع كل ذكرياتي اللي عشتها علي انغام الموسيقي

سلام

[eng:ahmed]

هي عموما الغربة صعبة يا محمد
بس سيبك بعد الجواز الظروف هتتحل يا صاحبي
وايه يا عم الرومانسية والاحساس دا كله
شكل احمد جه علي الوجع بالميوزك الجامد اللي بعته
ان شاء الله ترجع بالسلامه يا محمد

[العاشق الذى لم يتب]

منورياأبورمضان
جميل الكلام
وربنايرجعك بالسلامة
وشكرا احمد
حقلة جميلة بصحبة محمد
يدوم التميز
مودتى

[Caramilla]

حلقه حلوه
ربنا يجيب الي فيه الخير يا حبيب

[حالمة باميرى]

منور يا حبيب ربنا يرجعك ليها بالسلامة يارب
وتكون معاها باذن الله
مشكور احمد على الحلقة

[ღ✿جومانا✿ღ]

حلوة والله اقول ايه فعلا الغربة صعبة

[Lamees]

يارب ترجع بالسلامة بلدك لأهلك وحبايبك
ويارب تهون عليك ايام الغربة وتمر بسرعة

[واد حبيب]

اقتباس المشاركة الأصلية كتبت بواسطة eng:ahmed هي عموما الغربة صعبة يا محمد بس سيبك بعد الجواز الظروف هتتحل يا صاحبي وايه يا عم الرومانسية والاحساس دا كله شكل احمد جه علي الوجع بالميوزك الجامد اللي بعته ان شاء الله ترجع بالسلامه يا محمد

تسلم يا احمد يارب
رومانسيه ايه بس احنا غلابه يا عمنا
منور يا غالي

[واد حبيب]

اقتباس المشاركة الأصلية كتبت بواسطة الرجل المتواضع منورياأبورمضان جميل الكلام وربنايرجعك بالسلامة وشكرا احمد حقلة جميلة بصحبة محمد يدوم التميز مودتى

تسلم يا رفعت يارب

[واد حبيب]

اقتباس المشاركة الأصلية كتبت بواسطة brilliant life حلقه حلوه ربنا يجيب الي فيه الخير يا حبيب

الحلو هوه مرورك
تسلمي يارب