قول رايك وما تترددش

عايزة اسالكم وتقترحوا عليا اعمل ايه
دلوقتي انا وسط اصحابي معروفة بافكاري واني انسانة اجتماعية وبحب ادي رائي وعندي حب للكتابة
متاثرة بشخصيات كتير اوي زي باسم يوسف وكل الي زيه الي بدؤوامن اليوتيوب
كنت بفكر اعمل قناة ع اليوتيوب واتكلم فيها عن حاجات اجتماعية بهزار او افكار
ومعايا معداتي والات التصوير وممكن اظبط الموضوع مع اصحابي
بس عندي خوف فظيع من موضوع البنات انهم مش بينجحوا في المجال دا
واكتر البنات الي كانوا عاملين قنوات ع اليوتيوب بطلوا لان الناس بتتريق عليهم
او بتتغزل فيهم او بتعاملهم بانتقاد لشكلهم او اسلوبهم او شخصيتهم
دلوقتي انا المفروض اعمل ايه
اعمل الموضوع دا وما افكرش في حاجة ولا ايه شاوروني
اذا شفتوا بنت بتقدم ع اليوتيوب هتتعاملوا معاها ازاي
وهل متقبلين الفكرة ولا لا
عايزة رايكم ضروري

[۩۩ elMagic ۩۩]

ايه يعني ولد ولا بنت
اللى هيفرق فعلا هو طبيعة العمل اللى هتعمليه
لو كانت مواضيع هادفه وتجذب المشاهد
فا هتلاقي قبول عليها وتفاعل اما عكس كده مش هتلاقي المقابل اللى عايزاه
وبعدين كلام الناس دا عادتاً بيبقى هدام فا مش يهمك اى حد

[خارج عن القانون]

انا كــ عكاشه متفرجتش ع قنوات اليوتيوب

بس لو اتفرجت فانا يهمنى انى اتفرج ع المضمون مش الواجهة

فايا كان اللى بيقدم باسم او مصطفى او منى او شيماء

فانا يهمنى الهدف والمضمون مش الشكل والواجهة

وفى الاول وفى الاخر سيبك من رايى واراء الناس

طالما انتى شايفه ان اللى بتعمليه صح يبقا استمرى

[انجي_1]

بصي انتي لو مقتنعة بحاجة ف راسك ونفسك تنفذيها

وكانت الحاجة دي هادفة ومهمة وهيستفيد منها الناس
اتوكلي على الله واشتغلي

بس اهم حاجة لازم تعتمدي عليها هي الثقة بالنفس

يعني لما حد يتغزل بيكي او يشتمك او ينتقدك ده ولا ياثر على الشغل اللي بتعمليه وتستمري

تكون عندك ثقة ف نفسك وفالشغل اللي بتعمليه

وولا يهمك البشر الهدامين

اتعلمي من الانتقادات بس متنكسريش وتتوقفي

لو شغلك جميل ارفعي راسك فوق وكمليه
بالتوفيق

[دمعه حائره]

بصراحه مش متابعه حاجات زى كده
بس المهم زى ماقالوا المضمون والطريقه لما تكون هادفه ومحترمه
ليه حد يتريق او يتعدى حدوده

[استـثـنـائـيـة]

محدش بيكسر حد الا لما صاحب الشأن هو اللى بيسمح بـ ده !

اللى مؤمنة بيه اعمليه ,, ولازم تتأكدى انك هتلاقى
, اللى يعجب بيكى
,اللى يتابعك
,اللى ينتقد فكرتك
,اللى ينتقدك شخصيـاً
,اللى يقل أدبه !

أيـا كان مجالك وأيـا كان شخصك

مش هتعرفى تغيرى الناس , بس تقدرى تعملى اللى انتِ حباه : )