عنى " انا " !

استـثـنـائـيـة · منذ /02-15-2014, 04:43 PM

السلام عليكم

انا شخصية جرئية جدا ,,بعرف اتكلم عن نفسى اوى وبعرف اعبر عن اللى جوايا
وبعرف اتكلم مع الكل بالكتابة !
بس فى الطبيعى خجولة اوى مبعرفش اتكلم مع اى حد
ولو اتواجدت فى مكان جديد بتكسف انى اسأل اى حد ع حاجة
بخجل اتكلم مع اقرب الناس ليا وعينى فى عينهم !
انا مش بالخجل اللى ممكن البعض وهو بيقرأ يتوقعه , لأ
ومش بالمأساة اللى البعض ممكن يتوقعها
بس المشكلة ان المجال اللى حابة اكون فيه أصله " الكلام " !
الحوار مع الناس , الجرأة ,, فـ نفسى أوصل لـ ده
نفسى اعرف اتكلم مع اى حد ببساطة بدون تعقيد
نفسى اكون بالبلاغة والفصاحة اللى يكون فيها ع الكيبورد فى الواقع
وقت ما اكون حابة اسأل حد على حاجة اسأله
ونفسى كمان اكون صداقات هنا : )

انا حبيت بس انى افضفض عنى : )

دمعه حائره · منذ /02-15-2014, 04:50 PM

الموضوع ده بالممارسه والعلاقات العامه عموما فى حياتك
يعنى ممكن تشتركى فى نادى تتعرفى على بنات فى سنك
وتتكلمى معاهم هايقدروا يساعدوكى انك تتخلصي من المشكله دى

big bốss · منذ /02-15-2014, 05:15 PM

اولا حاجه خليكى مقتنعه بيها ان المشكله دى فقدان الجراءه موجوده عند الكل

مش انتى بس .

ثانيآ : علشان تفقدى الخجل الشديد اولا عليكى ان بالتدريج تتكلمى و تعبرى عن رايك

مع مامتك و اخواتك و ابوكى بالتدريج

بعدها اتكلم مع اصحابك بالتليفون بعدها وجه لوجه و اتنقش معاهم فى اى مواضيع

بعدها وسعى مجال تعرفك و خليكى اجتماعيه و هتكتسبي الكفاءه الى هتخليكى

تتكلمى مع اى حد و فى اى مكان

بس بالتدرج

و ربنا يوفقك

روح صامتة · منذ /02-15-2014, 05:34 PM

بصي حددي الموقف الي عايزة تكوني جريئة فيه
وبصي الي حواليك بيعملوه ازاي
وبعدين قولي تصرف فيهم يعجبك ويكون اخلاقيا معليهوش مشاكل
يوم ما تعمليه حددي و هتقولي ايه
اصل العلاقات بين البشر بتكون صعبة على ناس كتير
وجزء منها عشان بنهدم في نفسنا ونقول ان احنا معندناش الجراءة او غيره
بس هتكتشفي ان الكثيرين بياخدوا المواقف بنفس الطريقة

-esraa- · منذ /02-15-2014, 06:24 PM

انتِ اسألي نفسك ليه بتكوني محرجة ليه بتتكسفي لما تيجي تكلمي حد ..
وجاوبي على نفسك ممكن تكون إجابتك : مش واثقة من نفسي ... الخ
لما تعرفي السبب حاولي انك تتخلصي منه تدريجياً ~
واقرأي في المواضيع دي في التنمية البشرية عن الخجل وغيره ..
ربنا يوفقك ..

استـثـنـائـيـة · منذ /02-15-2014, 06:35 PM

شكراً لكل اللى مروا
بس كمان انا مش بالخجل اللى اترسم فى اذهانكم
انا جريئة مع اهلى واصدقائى المقربين
بس مشكلتى فى التعامل مع حد جديد والتواجد فى مكان جديد عليا

هعمل بنصائحكم ان شاء الله
جزاكم الله خيراً : )

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحلقة الاخيرة من الانمي المحقق كونان""""""قراءة""""""	Rogena	أفلام الانمى - مسلسلات الأنمي - تحميل أفلام كرتون	7	08-19-2016 12:17 AM
سيتم اغتنامها من أجل "الاستعداد" و "الراحة" : "Barca" يؤجل "حبية" 24 فبراير في "قطر"!	Professional	منتدى الرياضة العام	0	01-18-2014 08:35 AM
بحسب "سبورت" : "مونتويا" , "سونغ" و "تيّو" In .. "إنييستا" , "بوسكيتس" و "فيّا" Out	Professional	كوره القدم المحلـيه والـعربـبيه	2	04-21-2013 10:24 AM
بعد عتابي "ميلان" و "غرناطه" : "ميسي" و "تيّو" بقمة التفاهم .. مثل الـ "9" والـ "4"	Professional	كوره القدم الأوربيه والعالميه	0	04-01-2013 08:08 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

عنى " انا " !

فضفضة الأعضاء