دايما زعلان

[دمعه حائره]

دايما زعلان
*******************

ورجعت تقول إنك زعلان

وانت مزعلنى لكن ناسي

وتعدى أيام وتعمل غضبان

وتبان مغرور,,قلبك قاسي

دايما بتلومنى وتظلمنى

وأنا بسكت طبعا اكمنى

مابشوفش الدنيا دى من غيرك

ولامره بيجى فى تفكيرك

كام ليلة أنا بسهر بدموعى؟

وانت اللى تراهن برجوعى!

ماحاولتش تسأل وتقولى

وحشاك ولانسينى تملى

على طول تتخانق وبتزعل

وان جيت أسأل طبعا تتقل

ان كنت نسيتنى وجايلك نوم

حاول تحلم بيا فى مره

أنانفسي انساك حتى ولو يوم

لكن برجع وأعيد الكَرّه
دمعه_حائره

16-2-2014

[Lamees]

نحبهم وتزيد في دلالهم
فيذيدون في تقلهم
ويتفننون في ازعاجنا
مرة زعلان
مرة مشغول
وفي الاصل
هو تقلان

كلماتك واقعية دمعة تعبر عن حال
الكثير من المحبين
حلوة كلماتك
ودي ..~

[big bốss]

الحلو ليه تقلان اوى

بيان عليه زعلان اوى

كما غنها الشحروره

هكذا هم الرجال دائمآ بيتقلوا

جميل يا منه

[مِسكُ الشَهادة]

كلمات جميلة عبّرت عن إحساس صادق
فليس المهم أن يتغير من تحتفظ به
بل المهم أن تحتفظ بمن يتغير بكل حب وإخلاص ووفاء
فأنت وقتها تنال السعادة في الدنيا والآخرة ...
كلمات رائعة جدا ً يا منّة ... دوام التميز
دمت بالف خير وسلامة

[العاشق الذى لم يتب]

الله على الهيام
والله على العتاب
والله على همسات المعاشق والولهين
تسلمى شاعرتنا
معزوفة راقية مفعمة بالحنين
تسلم الايادى
مودتى

[Silver Flower]

كلمات معبره
احترامي

[شاعر الحب الحزين]

اول مرة اقرأ كلمات ليكي

بس بجد ما شاء الله عليكي

كلمات جميلة جدا جدا

كل الشكر والتحية لك اختي الفاضلة

[ويبقى الأثر]

عتاب رقيق
بحروف جميله شجيه
ونغمه عذبه
سلم قلمك وسلمتى دمعه
كونى بخير

[فتحى عيسى]

طيب مش يمكن فعلا منكدة عليه عيشتة
ومكرهاه في حياتة ههههههههههههه
بصراحة نغمة حلوة ايقاعها مميز
ولو إنه مال في كام حتة
بس بجد رائعة
أحييكِ علي جمال النص
سلمتِ والنبض
مودتي وإحترامي

[* ادم *]

انا كمان اول مرة اقرأ حاجة ليكي

كلمات جميلة وبسيطة

تسلم ايدك ،،