بصراحة مع الأميرة رودي

[مِسكُ الشَهادة]

ما زلنا نتشرف بمن نستضيف نمضي في حياتنا دوما ً لصنع الذكريات الجميلة والتي تدعو أصحابها للتفاؤل والخير نسير ُ في طريقنا بإخوة صادقة وإخلاص خفاق للجميع ليكون ضيفنا اليوم من برنامج بصراحة إنسانة متميزة جداً لما تقدمه من رقي وإبداع قلم قوي وقلب مؤمن صادق إنها الأخت الغالية ( الأميرة رودي ) التي نتشرف بإستضافتها ... السلام عليكم ورحمة الله وبركاته وعليكم السلام ورحمة الله وبركاته إزيك يا رودي يا رب تكوني بخير الحمد لله يا خالد تسلم يشرفنا أن نستضيفك في حوار شكرا ياخالد الشرف ليا انا ولو أنى أول ماشوفت الاسئله كان هيغمى عليا وانت معروف بلقائاتك الطويله فأنا متوقعه ان الناس ينامو مننا قبل مانبدأ بالعكس دا أنا إختصرت جدا ً في الحوار دا نزولا ً لرغبة الضيفة هههههه نروح للحوار بقى ... 1_ ما الذي لا نعرفه عن رودي من حيث الطموح والإنجازات ومدى رؤويتها للمستقبل القادم ؟ طموحي أني أكون حاجه كويسه وأثبت نفسي فى اى شئ أبدأه مش طموح كبيره اوي ولا حاجه.. انجازاتى لسه مفيش انجازات رؤيتي للمستقبل ( مستقبلي الشخصي رؤيته له خير أوي ان شاء الله) أما المستقبل بشكل عام فمش عارفه لسه مش باين له ملآمح 2_ وفاة والدتك رحمها الله كان لحظات قاسية جدا ً لا توصف ... أخبرينا عن مدى الألم الذي كانت تعيشه نتيجة مرضها ومدى صبرها عليه الذي نسأل الله أن يكون ثوابا ً لها في جنة خالدة اللهم آمين ؟ كانت تتألم جدا وتعاني من المرض لفتره طويله والحمد لله صبرت وكانت خاتمتها جميله ومشهود لها من كل الناس بطيبه قلبها واحترامها وحب الناس ليها وحزنهم الشديد عليها كان الشاهد على نقائها ربنا يرحمها يا ب 3_هل كانت دراستك بمثابة حافز لك لدعم ذاتك وإبراز نقاط ضعفك والتغلب عليها بسهولة في محن الحياة أم أن الدراسة تختلف عن التعامل مع الواقع بشكل فعلي سلس ؟ لا الدراسه مالهاش اى علآقه بالتجارب الشخصيه والواقعيه اللى بنمر بيها ولآ لها علآقه بردود أفعالنا زي واحد مثلا تلآقيه عمال بينصح الناس بحاجات كتير هو أصلا مش عارف ينصح نفسه بيها فهيا كده بالظبط يعني فى محنتى كنت أضعف مما تتخيل بس الحمد لله على كل حال حاليا بدأت اتأقلم مع الدنيا من جديد بعد ماكنت رفضاها ورافضه الناس.. 4_ هل الحنين للماضي والذكريات هو هروب من حاضر مرير ورؤيا لمستقبل صعب أم أن لكل مرحلة سلبياتها وإيجابياتها مع فارق التشبيه ؟ لآ كل مرحله لها ايجابيات وسلبيات يعني مهما مرينا بحاجات تؤلمنا أكيد فيه بعض الحاجات الجميله حتى لو بسيطه 5_التفاؤل نجاح والأمل قوة واليأس ضياع فما هي أهم الميزات الإيجابية والسلبية التي تجدينها في نفسك وما التي تبحثين عنها او تتمنين زوالها من وجهة نظرك ؟ ايجابياتي وبرغم انه محدش يقدر يحددها فى نفسه بس انا بحسها فيا أني متسامحه بعكس ما فاكرين عني بعض الناس ممكن أغضب وأثور وأقلب الدنيا بس ممكن يتضحك عليا وبهدى بسرعه فيه حالآت معينه اللى برفض فيها التسامح. سلبياتي انى لما بتعصب بكون غبيه وعنيده جدا مااحبش حد يتحداني دي حاجات انا عارفاها ف نفسي وبعترف بيها وبتمنى انى اتخلى عن موضوع العصبيه ده لآن فيه مواقف بتحتاج البرود أكتر من العصبيه... بحسد الناس البارده بصراحه 6_الحزن وطن نعيش فيه والسعادة وطن يعيش فينا ما رأيك بهذة العبارة ؟ مفيش حد بيتمنى يعيش حزين الحزن احساس أكيد صعب ومؤلم بس بيتفرض علينا مش بنعيش فيه باختيارنا 7_الطفولة هي المرحلة الأولى من حياة الإنسان حدثينا عن طفولتك كيف كانت وما مدى الفرق في التفكير وهل هناك محطات من طفولتك كبّرت معك لهذة اللحظة أم لا ؟ وما أحلآها طفولتي لو حكيت مش هيكفي الكلآم كانت طفوله جميله وكنت دلوعه ف بيتنا جدا جدا كنت واخده حقي وزياده **أيوه فيه مراحل معينه سابت جوايا ذكرى جميله مهما حصل مش بتتنسى ** أكيد طبعا تفكيري اتغير عن وقتها كتير 8_قسم صفحات مكشوفة هو من الأقسام المميزة في المنتدى من إيجابياته أنه يتيح للعضو مجال واسع أن يعبر عما في داخله من مشاعر بحرية ذاتية مطلقة فما سلبياته إن وجدت من وجهة نظرك ؟ زي ماقولت ي خالد هو من أميز الاقسام وده مش مني ولآ انا السبب فيه السب فى كده انه بيكتب فى القسم ده أجمل الآقلآم ف المنتدى ناس قرررو اصلا يعتزلو كل شئ الا الصفحات فطلعو كل طاقتهم الابداعيه فيه فلازم يكون مميز بيهم.. سلبياته أحيانا بتكون فى حاجات بسيطه زي اراء سياسيه حاده يمكن دي أبرز السلبيات لكن سلبياته والحروب المستمره اختفت كتير عن زمان 9_ حينما تسارعت المنافسة في موضوع شخصية العام كان هناك تخوف وقتها أن يكون اللقاء النهائي ما بيننا نظرا ً للعلاقة الطيبة التي تجمعنا هنا مما دعا كل منا أن يصّوت للآخر فكيف كان شعورك وقتها هههههه ؟ هههههه لو تفتكر أول ماطارق عمل موضوع شخصيه العام قولتلك يومها فى الدور الآول شكلها هترسى عليا وعليك فى الآخر وهنتقابل فى مواجهه شرسه سبحان الله كنت بقولها اصلا من باب الهزار ومكنتش متوقعه حاجه زي كده بس لما بدأت التصفيات تقل حاجه حاجه قولت هنقع فى ارابيز بعضينا اخالد وقد كان وفزت عليك فزت ِ عليا دا أنا حلم عمري أعرف مين الصوت الي حسم الأمر دا ههههههه 10_هناك من يرى عالم المنتديات عالم وهمي لن يعود عليك بفائدة كما لو كان إهتمامك بواقعك أكبر ما رأيك بهذا الرأي وما الفوائد التي عادت على سارة من هذا المنتدى ؟ اكيد اهتمامنا بواقعنا اكبر لانه واقع وحياه كامله بنعيشها بس المنتدى كمان مش عالم وهمي لآن المنتدى ده أحيانا بنخرج منه باستفادات كتير.. غير الاستفادات الثقافيه والترفيهيه أصحاب ممكن تلقاهم هنا مش لقيتهم فى حياتك الشخصيه ويكونو أقرب ليك من اى حد حواليك 11_ حكاية قلب مدونتك ما سّر إختيارك لهذا الإسم ووربما كان خبر وفاة والدتك رحمها الله هو أصعب خبر فيها فما هو االخبر الذي يسعدك وتعودين له كثيرا ً وماذا تمثل مدونتك لك ِ بعيدا ً على أنها منبع المشاعر والأحاسيس؟ مدونتي كنت عاوزه اسميها حكايه حياه لكن لقيت أمجد سبقني وعمل الاسم ده فعملتها حكايه قلب وفعلا يمكن أصعب خبر كتبته فيها وفاه ماما اما الأخبار السعيده كتير لما بقعد وأقلب ف المدونه بلآقيني أبدعت 12_كل الأقلام في هذا المنتدى متميزة وراقية فيما تطرح من إمور فهل تعتقدين أن القلم هو بمثابة سلاح للإنسان وخير ممثل عنه وعن ذاته وكيف نحافظ عليه من وجهة نظرك ؟ للآسف فيه ناس بتسغل القلم بشكل شئ وناس فاهمه يعني ايه توصيل فكره بشكل كويس نحافظ على قلمنا بأننا مش نزايد عليه ! ومش نعرضه لمهاترات وندخل فى حروب أقلآم مالهاش داعي 13_زوجك بفضل الله تعالى شخص متدّين وملتزم كما علّمت .برأيك ما هو الإلتزام وما هي أسس الحياة الزوجية الناجحة وكيف تتغلب على أي عقبات حياتية ممكنة؟ بالحب والتفاهم وشويه تنازل من الطرفين ممكن نتغلب على أى عقبات وربنا مايجيب عقبات 14_لو أرادت سارة أن تلخص حياتها في كتاب فما هو العنوان المناسب لهذا الكتاب ولماذا ؟ هسميه مكسرات عشان انا بحب المكسرات وكمان لها معنى ومغزى 15_ رسالة من سارة لكل إنسان يمارس العقوق مع أمه وهي على قيد الحياة ولو كان لديك رسالة لروح أمك الطاهرة رحمها الله فماذا تكون ؟ أقوله هتندم فى يوم مش هينفعك فيه الندم ده وهتعيش بزنبها طول حياتك ومش هتعرف قيمتها الا ماتروح منك ومش هتشوف خير فى دنياك ولآ فى آخرتك رسالتي لآمي: وحشتيني ربا يرحمها ... 16_ كيف تنظر سارة لهذة القضايا :_ أ_ حرية المرأة في المجتمع العربي لا المرأه المصريه حتى وان كان لها دور ف الجياه السياسيه والاجتماعيه والثقافيه والفكريه و... الخ الا انها لسه مش واخده حقها كانسانه الرجال هما الي عاوزين حقوقهم دلوقتي ههههههه ب_ الربيع العربي وما وصل إليه من إمور هو مابقاش ربيع عربي هو بقى انقسامات وتفجيرات وناس بتموت كل يوم من هنا ومن هنا يبقى فين هو الربيع ده ؟ ج_ واقع التعليم حاجه مؤسفه طبعا وضع التعليم فى مصر والتقصير ده مش من الوقتى ده من زمن بعيد 17_ رسالة من سارة لكل من :- أ_ عاشقة الهدوء هبه توأمي أحب الناس ليا ربنا يرزقها باللى بتتمناه ويديها على أد نيتها الطيبه أحب اقولها ربنا يعوضك خير ويرزقك بالزوج الصالح ب_ روكة نفس غلآوه هبه عندي أختى وحبيبتي وبخاف منها أوي انسانه نقيه من جواها وحساسه بتزعل بسرعه بس بتروق بسرعه أحب أقولها اصبري على اى شئ مضايقك ومفيش حاجه بتدوم لحد وأنتى أكبر من كل ده ج_ تبشرنفسه زوزو بنوته زى العسل وطيبه وحساسه بحبها جدا أقولها ربنا يشفيلك مامتك وتقوم بالسلامه ويخليهالك يارب ربنا يشفيها يا رب اللهم آمين ... د_ عاشقة ذكر الله آيه دي روحي والبراءه الل ف الدنيا تعرف انت البنوته الحلوه اللى تحس انها بنتك ومسئوله منك حتى لو كانت ف السن مش صغيره أوي ولآ انت كبير أوي. أهى آيه دي بنوتي ومسئوله مني بهزقها كتير وهي بقى اللى بتخاف مني بتخاف منك !! ليه بس يا آية كدا دي سارة حسب ما اعلم انها طيبة هههههه 18_نعم أولا مع التوضيح :_ 1_ الإنسان الناجح هو من يبتسم دائما ً مش شرط.. الابتسامه مش مرتبطه بالنجاح 2_ الزمن لا يعود للوراء سوى لليائس فقط الزمن عمره مابيرجع ورا لآ لليائس ولآ الطموح المتفائل وياريته الزمن بيرجع لورا 3_علاقتي بالمنتدى أنه أصبح جزء من حياتي المنتدى بقضي فيه أغلب وقتي بقى جزء من اهتماماتى مش جزء من حياتي 4_ أنا بطبعي عصبية جدا ً ولكن سرعان ما أنسى أيوه صح وده ذكرتها ف سؤال سابق 5_دوما ً أبحث في حياتي عن كل جديد وأكره الروتين صح أكره الروتين جداااا لدرجه انى اخترعت اى حاجه جديده تدخل حياتي وتشغلني فأديت دروس للعيال وخايفه ليفشلو أخر السنه وأهاليهم يجو يمسكو فيا 19_ نصيحة لأخوك ِ خـــالد ؟ خليك فى طريقك ده ربنا يزيدك هدايه وبعيدا عن كونك بتحب الاخوان وانا بتغاظ منهم بس انت ك خالد أطيب حد عرفته ماشي حفضل في طريقي ده الي هوا انت بتتغاظي منه طب تيجي ازاي دي هههههههههه ربنا يسعدك يا سارة بشكرك من كل قلبي 20_ كلمة أخيرة للأعضاء من رودي ؟ كل سنه وانتو طيبين وان شاء الله دايما متجمعين بالخيـر والحب والآخوه ويارب كل واحد يحقق اللى بيتمناه فى حياته ومستقبله وأتمنى ماأكون طولت فى اجاباتي انا اختصرت على اد مااقدر لان الاسئله كتيره شرفنا وأسعدنا حضورك المميز يا سارة الشرف لي طبعا شكرا ياخالد

[واد حبيب]

حلقه جميله منك يا خالد
مع المبدعه رودي
ربنا يرحمك ولدتك يارب

ياريت يا خالد تجيب روكه في الحلقه اللي جيه
وتكون قريب

[Lost Pearl]

حلقة جميلة نورتي يا رودي

و ربنا يرحم مامتك و يجعل مثواها الجنة يا رب و يجمعك بيها ،،

خالد مجهود جميل منك نورت من بعد انقطاع

[morshooo]

رودى منورة التوبيك اكيد

وربنا يرحم والدتك

وعم الحاج خالد نجم

بس نفسى تهتم شويه كدا بالاستضافات

زى ما كنت الاول .

منورين

[morshooo]

اقتباس المشاركة الأصلية كتبت بواسطة واد حبيب حلقه جميله منك يا خالد مع المبدعه رودي ربنا يرحمك ولدتك يارب ياريت يا خالد تجيب روكه في الحلقه اللي جيه وتكون قريب

ياريت يا حاحاى
تيجى انتا والا صحيح انتا هتيجى
فى حاجا تانيه :d

[Šeŋdeřellą]

لقاء جميل جدا
وحوآر رآقي جدا جدا
اختيار مميز من حضرتكـ لضيفة مميزة
رودي وجودها مؤثر جدا رغم حضورها الهادي
عجبتني جدا الأسئلة لانها متعمقة وشامة
والاجابات مميزة فعلا

جميل جدا البرنامج
تقديري لكمـ

[العاشق الذى لم يتب]

وبماأنك عصبية وماتحبيش حد يتحداك
أناقررت
وعلى باليمين
من كل اللى تتنفس تفطس لأكون منرفذك
وكمان متحديكى من هنا لحد ماجوزك يسكعك علقة سخنة قدام الجيران
وبناءا على ماتقدم
أنت
أستنى
هقول
أهو
.
.
.
.
.
.
.
.
.
.
.
أعظم منك مافيش
وأجمل منك مافيش غير
مراتى اللى لسة بدورعليها
يسلام عليك الأستاذة سارة
ربنايرحم والدتك ويسكنهافسيح جناته
ويبارك لك فى زوجك وأولادك
وفى كل أهلك ومالك
إجابات رائعة وعاقللة
تلك هى عظيمة الصفحات
أختى سارة
وخلود برنامج جميل
بأسألته المتنوعة والخفيفة
لاحرمت تواجدك أخى
بارك الله فى سارة وفيك
وسعدت بتواجدى هنا
وخليك فاكرة ياسارة
طلبت منك طلب
مودتى

[™Amiliya]

لقاء مميز مسك دام تميزك

منورة رودي وربنا يكرمك في حياتك

[جبل عالي]

منور ياخالد ببرنامجك من تاني حقيقي

وربنا يرحم والدتك يارودي ودايما بقلبك


حوار راقي وجميل وروح اجمل

تحيتي لكم من القلب

[شاعر الحب الحزين]

حلقة جميلة جدا مع شخصية جميلة

تستحقان الاحترام والتقدير كلاكما

على هذا اللقاء الجميل الذي نعرف

اهل المنتدى اكثر من خلاله

كل الشكر والتحية لكم وللجميع هنا