صوت شهيد

[phalsteen]

ورجعنا نرقص
فــ الميدان
ونسينا حلم
وصوت زمان
دوسنا دم
راح عشان
رضينا يحكمنا
الجبان
بصرخة رجت
كل بيت
ودمعة زرعت
كل غيط
هنقولها تاني
بصوت شهيد
الثورة جاية
ومن جديد
هتشوفني صاحي
فـ كل عين
كل صرخة
وكل صوت
بحلمي هطلب
مش هخون
ولا هــــدي
حكمي للمشير
انا اللي عمري
ضاع عشان
ببحكم مدني
نشوف نهار
والشمس تضحك
والنور يبان
هتقولي ثورة
وجاتلي تايهة
اخدها واجري
ولا اسبها للعيال
هتشوفني راجع
عــــــ الميدان
وبكلمة واحدة
يعود زمان
ثورة تالته
ونقول كمان
محروق مشيرنا
عــ الجماعة
جينا نهرب
من العشيرة
لبسونا فـــــــ
كام مصيبة
ومـــــا بين
جماعة وبلطجية
طلعونـــــا
ارهابية
ورجعونا
لفضوني
ورشحوني
وبكلمه خايبه
بقينا نصرخ
كمل جميلك
واحنا اخترناك

بقلمي / سيدة مصر الاولي

[جبل عالي]

تصدقي بالله

لا اله الا الله

انتي جبتي الآخر الفريقين

أجبن من بعض للأسف الشديد

عليه العوض ومنه العوض

حتى لو ثورة تاني جاية

يحيينا ويحييكي ربنا قولي كده

هتيجي بعد اكتر من 30 سنة


الله المستعان خليتيني اقول

[* ادم *]

فعلا انتى جبتي من الاخر

قولتي اللي عاوز اقوله

بشكرك بجد ،،

[eng:ahmed]

لا ما الشهيد ربنا يرحمه
دمه في رقبتنا كلنا
وبعدين ثورة ايه انتي لسه فاكرة
يسلمو ايديك حببتي
عجبتني الكلمات والموضوع

[فتحى عيسى]

هنا أسجل إعجابي باللغة والإيقاع
وأسجل إعتراضي وتحفظي علي المضمون
سلمتِ والنبض
تحياتي وتقديري

[العاشق الذى لم يتب]

كل ماكان هنا
يستحق الإشادة والتقدير
هنا شروحات لمانحن فيه
وهنا شهادات لماكان والكائن الآن
هنا صرخة وإستغاثة من جرم محدق بالامة
هنا إشارة لظلم مستمروفحش تعدى حدود الانسانية
دم الشهيد
سيكون نقمة على الظالمين
وسينتقم رب العالمين
من الخونة والقاتلين
ومسمترة الثورة
ولن يهنئ كل خائن مابقى فى المصريين شريف
نجومى وورودى
وتقييمى
وتحيتى ومودتى