يوم زي بعضو

[™Amiliya]

في كل صباح تفتح عنيك ع الحياة مبتسم شايف الدنيا بعيون جديدة وننظرة جديدة

بتتأمل يومك يكون حلو ومشرق وتمام مش ناقصك فيه غير حاجات بسيطة مش هتاثر فيك لو متمتش

وتبدا ترتب جدول وتبص في مرايتك وتتمنى لنفسك يوم سعيد

وتاخد بعضك وتروح ع اول مشاويرك الحياتية

الشغل او المدرسة او الجامعة

ناس معتادة بتشوفها في الصبح كل يوم تقريبا نفس الملامح نفس الابتسامات ونفس صباح الخير

واحيانا بيكونو نفس الاسئلة اخبارك ايه عامل ايه وهتعمل ايه

ووسط اليوم لازم يحصل حاجة اما انها تغير يومك وتخليه حلو او تكدر اليوم لاخرو

تخلص شغل وتمشي في الشارع الزحمة هي هي والجو هو هو الا لو اتغير فاجاة واتقلب لغيم ومطر

او اتقلب حر وتراب او بقا لونو اصفر عاصفة رملية ضربت المكان

سعتها هتقلب مزاجك ويتعكر او يصفى ويحلو كلو حسب نوع الجو والصبح الي مر بيك كلها احوال جوية

ومزاجية لازم ولابد تمر بيها بدون ادنى شك

يرن تلفونك حد بيتصل بيك حد بعتلك مسج حد عايز يطمن عليك انت فين بتعمل ايه هتوصل امتى

اخبار في الجرايد هي هي واحداث تلفزيونية بتجري ورا بعض بس هي هي بردو

ومع الاسف دا يوم من عدة ايام لا جديد فيها

توصل البيت سؤال معتاد من عند الباب انت جيت يافلان ... بعدها يلا الغدا جاهز...


ويجي الليل قدام حاجات تعملها اما انك تذاكر مواد رخمة ومش عارف تبتدي منين

او تفتح فيس وتشير لصفحتك حاجات كلها بتقول مزاجك شكلو ايه

او تعمل لايك لصحابك في صفحاتهم وصورهم واحداثهم

او انك تدخل منتدى وتقرا مواضيع بعضها ع مزاجك وبعضها بتمر عليها مرور الكرام وتقوم تفتح الميل

تشوف مين فاتح ترغي معاه تضيع الوقت دا

معظم الاحاديث في الوقت دا بتكون مالهاش معنى او ليها معنى بس عايزة مخ فاضي ومركز

وانت لسة قدامك كم ساعة وتقوم تتعشى وتنام

ويوم اجازتك يايفضل يومك زي ماهو بنفس الشكل ماشي او انك هتتصل بحد من صحابك تخرج

او تكون في مناسبة تكلفك هدية ومشوار للسوق واختيارات كتير تكون قدامك وممكن ترجع ومخدتش
حاجة

او انك تروح زيارة عائلية مليانة اسئلة واستفسارات وحكاوي جديدة وممكن قديمة

او تكون اجازتك سهر ع فيلم مع شوية بوب كورن تزيد وزنك وتقلقك

ويخلص اليوم ...

ناس عندها كتاب تقراه بتلاقي نفسها مستخبية جواه

وناس عندها فون ترغي فيه مع حد بتحبو

وناس وراها شات وضحك ورغي في اي حاجة

وناس بتسمع اغاني وتعمل تصاميم وتبعت تاخد راي اصحابها

وناس نايمة بتحلم

وناس سهرانة بتتقلب لا عارفة تنام ولا عارفة تقوم كل الي في دماغها الصبح يطلع امتى

ويدن الفجر

ويبدا الصبح وتنادي عليك مرآيتك وع متفوق يكون الليل جيه

وسؤال تقريبا مش بيفارق البعض هو اليوم خلص بدري ليه من غير اي فايدة؟

/

رؤية مسائية صياحية وسطية

ايميليا الجنزوري
19/2/2014

[أمواج الرحيل]

انا عن نفسى بشوف صباحى زى مسائى ملوش ملامح ولا الوان بقوم مكشره واى حد يفجئنى باى حاجه منيله لان دا الطبيعى فى حياتى اقولو وايه الجديد مهى كدا كدا خربنا وسنه سودا علينا ^_^ وبقول يااااااه هو اليوم دا مش ناوى يخلص ليه

عادى بقى مش هتفرق كتير بس الموضوع حلو يسلمو ايديكى

[* ادم *]

مش عارف ليه قلبي انقبض وانا بقرا التوبيك دة

حسيت كدة ان الدنيا مجرد شريط وبيتعاد ومافيها جديد

بس صدقيني اي حد بايده يجدد يومه ويغير فيه ويخلى الايام مش شبه بعض

ممكن تعمل اي فكرة جديدة ومختلفة ومفيدة دي حاجة تكسر الروتين

وساعات فعلا الواحد بيحس بان اليوم عدى بسرعه والايام شبه بعضها

بتخنق اوي .. بس في حاجات ف حياة كل واحد فينا يمكن حاجات بسيطة بس بتغير موده وحالته كلها

بس التوبيك بيعبر عن كتير اوي

بشكرك

[دمعه حائره]

فعلا الايام بقت زى بعضها حتى الناس قليل لما تلاقى حد مختلف
التقليد والتكرار بقى سمة فى حياتنا مالهاش حل
وكأننا فقدنا القدره على التغيير او اسعاد نفسنا
موضوع رائع وفضفضه عن حاجات كتير جوانا

[-esraa-]

روتين الحياة بيولد الملل والقلق
ﻻزم كل واحد يعمل حاجة جديدة. . حاجة يفرح نفسه بيها
وينام وهو مستعد لليوم اللي بعده بحاجة مختلفة تفيد نفسه أو غيره
فضفضة جميلة ايمي تسلمي

[توحد ارواح]

ياااه انتى جبتى كل حاجه
فعلا ساعات بنحس بملل فظيع
ومش عارفين احنا عاوزين ايه
ويمر اليوم ورا التانى بدون اى تغير
ساعات اول اما اقوم اقول
انا عاوزه النهارده يكون يومى مختلف شويه
و من كتر حرصى على كدا الاقى نفس الروتين
وفيييين على ما يكون ف حدث جديد يحدث بعض التغيير لفتره
ولكن سرعان ما تعود الايام لسابق عهدها وبعد فتره كدا نقول لازم نغير
وهكذا وهكذا ولكن ف النهايه لازم نقنع نفسنا اننا لازم نحب ايامنا
علشان نقدر نعيش ونتعايش مع من ارتضيينا ان يكونوا محور حياتنا
توبيك رائع تسلمى ايمى
تحيتى وتقديرى

[™Amiliya]

اقتباس المشاركة الأصلية كتبت بواسطة أمواج الرحيل انا عن نفسى بشوف صباحى زى مسائى ملوش ملامح ولا الوان بقوم مكشره واى حد يفجئنى باى حاجه منيله لان دا الطبيعى فى حياتى اقولو وايه الجديد مهى كدا كدا خربنا وسنه سودا علينا ^_^ وبقول يااااااه هو اليوم دا مش ناوى يخلص ليه عادى بقى مش هتفرق كتير بس الموضوع حلو يسلمو ايديكى

هههههههه لا دا تشاؤم ياامواج
بس عارفة في ناس بتخلي يومك فعلا يكون وحش وناس بتخليه احلى من اي حاجة

نورتيني

[™Amiliya]

اقتباس المشاركة الأصلية كتبت بواسطة * ادم * مش عارف ليه قلبي انقبض وانا بقرا التوبيك دة حسيت كدة ان الدنيا مجرد شريط وبيتعاد ومافيها جديد بس صدقيني اي حد بايده يجدد يومه ويغير فيه ويخلى الايام مش شبه بعض ممكن تعمل اي فكرة جديدة ومختلفة ومفيدة دي حاجة تكسر الروتين وساعات فعلا الواحد بيحس بان اليوم عدى بسرعه والايام شبه بعضها بتخنق اوي .. بس في حاجات ف حياة كل واحد فينا يمكن حاجات بسيطة بس بتغير موده وحالته كلها بس التوبيك بيعبر عن كتير اوي بشكرك

فعلا ادم اي حد باستطاعتو يغير يومه ويبدله لحاجات مختلفة

نورتني

[™Amiliya]

اقتباس المشاركة الأصلية كتبت بواسطة دمعه حائره فعلا الايام بقت زى بعضها حتى الناس قليل لما تلاقى حد مختلف التقليد والتكرار بقى سمة فى حياتنا مالهاش حل وكأننا فقدنا القدره على التغيير او اسعاد نفسنا موضوع رائع وفضفضه عن حاجات كتير جوانا

احيانا بنفقد القدرة ع التغير لما يصيبنا الملل والارهاق بس بيجي وبيتغير

نورتني منونة

[™Amiliya]

اقتباس المشاركة الأصلية كتبت بواسطة -esraa- روتين الحياة بيولد الملل والقلق ﻻزم كل واحد يعمل حاجة جديدة. . حاجة يفرح نفسه بيها وينام وهو مستعد لليوم اللي بعده بحاجة مختلفة تفيد نفسه أو غيره فضفضة جميلة ايمي تسلمي

معاكي حق المهم يااسراء هو التجديد والقدرة عليه

نورتيني