أمى موسوعه فى الامثال أمهاتكم كده ولا لأ

[صبرى الحامولى]

السلام عليكم ورحمه الله وبركاته

بسم الله الرحمن الرحيم

معلش الموضوع ممكن يكون جديد شويه عليكم بس بجد ان عايز احكلكم على حاجه وأسألكم بس بشرط الرد اوكى محدش قال اوكى طيب احكى وأمرى لله ........


انا عندى ست الحبايب اللى هى تبق أمى يعنى ست مهما اعد احكى لكم عنها المنتدى كله مش هيكفينى كلام عنها

بس رده بقولكم وهختصر أمى يا جماعه ميزه من مميزاتها انها موسوعه فى الامثال الشعبيه والموسوعه دى مبتشتغلش الا عليا انا او بمعنى أصح انا ليا فيها نصيب الاسد كل موقف يحصل منى !!!!!!!!!!!!!!

او حاجه حصلت وكان ليا يد فيها ويحصل حاجه غلط او يبق فى تقصير ست الحبايب تشتغل بقه وتنفرض بالفريسه التى تتمثل فى العبدلله ومقولقوش اشبع أمثال وكل اللى يكونوا قعدين بما فيهم انا ضحك من الامثال الغريبه اللى بيكون اكترها جديد على مسامعنا جميعا ...............

السؤال بقى يا جماعه !!!!!!!!!!!!

مين فيكم اللى بيحصله نفس الموقف؟؟

ياريت كل اللى يدخل انا مش عايز منه رد حوار او نقاش

انا هسهل عليه عناء الرد

انا عايز مثل واغرب مثل ممكن يكون سمعه اوكى برده محدش قال اوكى

الله يرحمك يا سعدزغلول مفيش فايده

[محمد الشريف]

أخى البر / صبرى الحامولى

بارك الله والدتك وأنعم عليها بالعافية وجعل قلبها راض عنك ، والأمثال عادة تؤدى إلى التعبير عن الحال الذى

يضرب فيه ويكون تأثيره فعال ومؤثر لاسيما إذا كان صادر من ست الحبايب الأم .

ولقد كانت أمى رحمة الله عليها تقول لى (أجرى جرى الوحوش غير رزقك لم تحوش )


وفقك الله أخى وبارك والدتك



مع تحياتى

[روح صامتة]

انا طبعا امي والحمد لله انها مش بتقلي امثال بابا هوة اللي بيقول امثال اتعلمها من امه وهوة صغير

وطبعا مثل غريب سمعته من >>خرج من داره يقل مقداره<<<

وشكرا على الموضوع

[صبرى الحامولى]

شكرا يا محمد
وشكرا جدا يا روح

بجد ربنا يخلى امهتنا جميعا وميحرمناش منهم ابدا

الامثال الشعبيه مرايه تعكس مواقف حياتنا

وعلى فكره انا مش بزعل ابدا من امى ولا امثالها

بالعكس انا باخد عظه من كلام ست الحبايب

وبحس انها مش عايزة تزعلنى بأنها تكلمنى كلام تانى

بحس انها بتبقى عايزه توصلى معلومه بس بطريقتها الخاصه

(ما كل شيخ وليه طريقه ولا ايه)