ممكن افضفض معاكو وتسمعونى

[أمواج الرحيل]

هبدء اولا باالسلام عليكم

أنا عمرى ما بتكلم مع حد عشان عرفه ان كل الردود اعتياديه ومفيش جديد ومع الاسف كلها بتحبطنى وبتحط منى فى الارض وبتخلينى ولا حاجه فى نظرى

لا امى ولا اخواتى ولا أهلى وأنا اصلا ماليش اصحاب عرفين ليه عشان مش بحب اتصاحب مع حد ولا اتكلم مع حد ولا يكون ليه رفيق ومش عرفه ليه

بس بصراحه بتيجى اوقات عليه وبقعد اعيط ومش عرفه ايه السبب بقيت برفض اروح الدروس و طبعا لانى مبحبش اتكلم مع حد مبحكيش عن ايه السبب

انا لا أمى ولا اى حد ينفع انى اتكلم معاه عشان بجد معندهمش غير الكلمه انتى الا بتعملى كدا عشان تتحججى وخلاص طبعا بقيت انطوى على نفسى

بكل وقت وكل يوم يو ما احس انى افضفض امسك ورقه وقلم وافضل اشخبط وانا بعيط وبصمت وقوم مقطعه الورقه وهكذا ولو حد دخل عليه مش يسئلنى مالك حتى لاء يقولولى يا الله ياهبله وانا ابص واسكت وكمل زى المجنونه

عرفين مشكلتى فى ايه انا مشكلتى مش فا أنى حزينه او كئيبه او انى انطوائيه عن الناس

مشكلتى انى مبحسش انى اصلا من الناس انى غريبه وسطهم حتى أمى بخاف فى اى لحظه انى اصاحب حد عشان متعلقش بيه تخيلو انى بخاف احضن امى بخاف اضحك وهزر معاها كل دا عشان خيفه لما تفارقينى تسيبلى ذكرى زى دى معرفش ارجعلها تانى

قليل اوى لما اترمى بحضنها عشان يوم ما افقده محنش ليه تانى

أنا انسانه بسيطه جدا فى كل حاجه بسيطه فوق ما تتخيلو كنت من اوال الغربيه فى الابتدائى والاعدادى وكل سنه بحل المركز التانى واحيانا الاول بمدرستى مشكلتى مش فى انى بسيطه انا الحمد لله رضيه بكل حاجه ربنا بيرزقنا بيها بس طبعا محدش بيسيب حد فى حالو انا حاليا بتالته ثانوى واهم سنه بحياتى ومحبطه بدرجه غبيه مش عشان انها سنه مهمه بحيات لاء وى الاسباب

اولا من بعد والدى ما مات الحياه اختلفت تماما من الاخر ابونا ضيعنا اهتم باهلو
لما كبرهم وعلاهم على حسابنا بس طبعا ربنا يرحمو طبعا اهلو ولا كأنهم يعرفونا وابسطها وهو بيموت وكل دا كان قدام عنيا كان عمرى 10 سنين يعيروه بمرضه ولما مات اخويا حول من كليه طب لمعهد فنى صحى عشان المصاريف وواحد ربنا بقى يصلح حالو ويهديه وانا بقى بين دمعه فى امى فى ازاى نقضى بكره ومنين مقدمات الدروس العاليه بتاعتى وغيرو وغيرو واخويا والله مش عيزه اقولكم لو طال السما يجبها فى ايديا

طبعا انا لما اسمع كلام امى ازاى تدفع المقدمات بتوصل ل 1000 ولو المدرس رحيم يبقى0 50 جنيه غير مصاريف الدرس بتاعت كل شهر ازاى بقى احضر دروسى واكمل واضحك وافرح واعيش حياتى زى اى حد تانى انا كل يوم بكلم نفسى زى الهبله لدرجه انى جالى ميه زرقه على عينى وارتفاع ضغط عينى لدرجه النزيف ولسه كشفه ومطلوب كمان عمليه واقسمت بربى انى لو بموتى مش عملاها ومتخانقه مع اهلى بسبب الموضوع دا عشان حرام بجد حرام انى محسش بيهم وارحم مطالب شويه

ولو روحت الدرس اعيط ولما الاستاذ يسئلنى اقوله عادى والله انا كدا ومفيش اى حاجه مضيقانى بحس انى بعد ماكنت برسم حلمى وهدفى انى مش حققه

وخلاص وفعلا مش حققه ودا بسبب عينى وبسبب انى خلاص فقدت الامل فى كل حاجه انا فى اوقات بحس انى خلاص هكفر بالله من كتر اليئس الا انا فيه

طيب هتولى حاجه تفرحنى لما اشوف كل العيال الا فى الدرس رفعين راسهم بابابهم وانا راسى فى الارض عشان ابويا ضعينى

طيب لما احس انى ااقل من ناس كتير اووووووووى رغم انى حالى احسن من حالهم

لما اى حد يبصلى بشوف نظرته سخريه منى أنا نفسى بسخر من نفسى وقول ياحسره عليه وانا ايه يعنى عشان ابقى زى دول وابقى حاجه وبعدين اقول لاء انا اقوى من كدا وهحقق حلمى واجى اذاكر اشوف حيره امى قدامى بتترسم قدامى فى الكتاب لدرجه انى اقول يا امى بطلى بقى بصوت عالى وبعديها اعيط وتانى يوم خناقه عشان اروح الدرس امى تسئلنى السبب ااقولها مزاجى ماليش مزاج طب يعنى اقولها ايه بالله عليكو ازيد همها ليه طب مهى خربانه خربانه حتى السنه الجديه دى فى بدايتها الكل فرحان بيها وانا اروح بكل غباء كدا واقول سنه فقر وسوده واسوء من الاقبلها

انا انطويت عن اهلى عرفين ليه عشان مبحبش نظره الشفقه من عيونهم امى عادى دول اخواتها وديما تقولى انتى هتبقى غبيه زى عماتك وكل دا ليه عشان من وانا صغيره فى اى عيد كنت برفض اخد اى عديه من اى حد وان اتغصبت اخدها وانا مشيه اقوم قطعها وارميها على الارض وانا مش حسه باى حاجه تيجى اى وحده من خالتى ازورها ولما تدينى اى فلوس اقوم برضو عمله نفس الحركه بس فى وشهم عرفين ليه هقولكو عشان مكنوش بيعملو كدا وابويا عايش وعشان مبيعملوش مع اى حد فى العيله كدا غيرى انا طب لو انتو مكانى هتحسو بايه انا طبعا امى زعلت منى وقولتلها وباسلوب وحش من الاخر انا بكرهكو كلكو ومش عيزه يكون ليه اى حد ومش عيزه اى حاجه من حد وانطويت عن كل الناس بس انا مش وحشه هما الا مش عيزين يفهمو أنا خلاص

اتحطمت ولا عمرى هكون حاجه وهفضل طول عمرى غريبه حتى عن نفسى
وعلى فكره انا اقسمت وعلى المصحف انى هفضل طول عمرى لوحدى ومش هتجوز طول منا حسه انى مش حاجه وعشان طول عمرى هفضل بالاحساس دا هفضل لوحدى
هفضل عشان مش مستعده انى ارتبط باى حد ومعرفش اتكلم معاه ويقوم ما تكلم احس فى نظرته انو بيقول دا معدش غير دى وتتكلم
يمكن الحاجه الا فعلا تخلينى افرح اوووى بجد هيا لما الدنيا تشتى او اقعد على بحر او ابص لطفل صغير قدامى دول الحاجه الوحيده الامصبرانى على نفسى وعلى الا انا فيه أنا قبل ما أسف على نفسى بأسف ليكو انى اتكلمت معاكو بس بجد انا كنت خلاص على الاخر وربى عارف شكوتى فى كل لحظه

فى حياتى بس انا خلاص لو مكنتش اتكلمت كان ممكن يجرالى حاجه

أنا اسفه مره تانيه

[دمعه حائره]

ياربى كل ده هم شيلاه وانتى فى السن ده
انتى مفروض فى احلى مراحل عمرك ليه تحملى نفسك فوق طاقتها
اتحدى الحزن ده وخلى عندك امل وايمان
ان ربنا قادر انه يبدل حالك للاحسن
الدنيا زى ما بتدينا حاجه لازم تاخد مننا
ولازم نرضى ونحمد ربنا فى الحالتين
انتى فى ايدك مستقبلك وفى ايدك تحدديه
وتجتهدى وترجعى تانى من الاوائل
كل واحد بيمر بأزمة بيشوف الدنيا سودة وخلاص قفلت على كده
لكن لما بيكون حد كان قوى اصلا بيقدر يتخطى الازمة دى
وانتى كنتى كده وظروف ومريتى بيها ماتسجنيش نفسك فيها
لو مش قادره تاخدى ادى
ادى لمامتك الفرحه اللى اتحرمت منها
اديها الامل انها تشوفكم احسن
الحزين بيحكم على نفسه بالوحدة ومابيخرجش منها
وخصوصا لو اللى حواليه كمان زيه يبقى انتى الخسرانه
بلاش حبيبتى تحملى نفسك فوق طاقتها
وعيشيى زى باقى اصحابك وفكرى فى مستقبلك
واعرفى انك لو خسرتى السنه دى يبقى بتحمليهم عبىء جديد عليهم
زاكرى واتمسكى بالعبادة وقربى من ربنا
قادر يفرج عنك همك ويشيل عنك

[Caramilla]

وعليكم السلام ورحمة الله وبركاته ...
يا قمر احنا طبعا كلنا حاسين بيكي
ومرحله الثانويه العامه ديه بالاخص مرحله تقيله علينا ..
بيتجمع فيها كل الهموم والضغوطات كلها ....
فعلشان كده هي مرحله وهتعدي متقلقيش
وقوي نفسك مع ربنا واقري قران وصلي وارضي باللي معاكي
في غيرك مش معاه لا ام ولا اب ولا اخ ولا اي حاجه
انتي على الاقل امك الغاليه ربنا يخليهالك يارب جنبك
احضنيها واشرحيلها الي مضايقك وكمان اسمعي منها واشكيلها
ده الضنا غالي
مهما زعقت فيكي وعملت متتحسسيش من مامتك

طيب تصدقي وتؤمني بالله كان معايا زميله في ايام الثانويه العامه
مرت بنفس الشئ ده
مات بابها بشهرين قبل الاختبارات النهائيه
وهي في غربه ..
واخوها مريض عنده مرض ..بيتعالج منه
وامها ست كبيره ...
مع ذلك البنت مستسلمتش وذاكرت وجابت مجموع
اكتر من بنات كتير
جابت 86% عارفه ليه علشان هي مقالتش لا وموقفتش

انتي متفكريش بامور الدنيا ولو فكرتي فيها غصب عنك فكري بيها بتوسع
هتشوفي ان حالك فعلا افضل من حال ناس كتير جدا
ودايما البني ادم بيشوف للي اقل منه علشان ميحبطش ومينساش يشكر ربه
انتي لما بتبصي على واحد يتيتم مات امه وابوه ورامينه وملهوش حد ياخد باله منه
ولا لاقي فلوس شرابه وطعامه
هتشوفي حالك وتقارني نفسك بيه وتقولي الحمدلله
لكن لو شفتي فوق ده معاه امه وابوه وديه معاها كذا وكذا عمرك ما هتعرفي تفكري صح

سيبك من كل الامور ديه امور دنيويه
وانتي لسه يا قمر الحمدلله زي الفل وامك جنبك ومفيش اي حاجه
ادعي لبابا بالرحمه بس

ومتتحسسيش من الموضوع ده ومع الايام هتنسي يا جميله
الفرصه بين ايدك دلوقت مامتك جنبك واخوكي واهلك استغليها كويس
وابنيلك مستقبل جميل علشان متندميش بكره

ربنا يقويكي ويريح قلبك يارب ويسعدك ويوفقك دنيا واخره وان شاء الله هتجيبي مجموع جامد
كلنا مرينا بالمرحله ديه ياقمر
خليكي انتي اقوي مننا بقي

[ملك جبال الاحزان]

لو ليا حق انى اقولك رأيى


اى حد لما بيقد والده صدقينى بيفقد حجات كتير اوى واهمهم الحماية
انا حسيت بكدة من وانا فى اولى اعدادى اسرة بسيطة جداا
اخويا هو اللى كان بيسرف علينا وكان بيهتم بينا وكان زى اخوكى بالظبط
لو طلبت ايه كان يجبوهولى
بس انتى عارفه انتى مش ضعيفة خالص
انتى اقوى منى انا شخصيآ الشاب اللى عنده 20 سنه وحاليآ بصرف على نفسى والحمد لله
بس بقولك اقوى منى لانك قدرتى تحكى وتقولى اللى فى قلبك صدقينى
اصعب حاجه فى الدنيا انك تبينى للناس قد ايه انتى ضعيفة
انا بقولك كدة لان انا نفسى مقدرتش اقول لاى حد دخل حياتى الظروف الىق بلتنى من ساعت ما والدى توفى
اى حاجه ممكن تتخيليها حصلتلى وعلى فكرة انا اللى ضاع منى حلمى اللى من وانا صغير
وبسبب بردو الماديات مع ان اخويا وصل لدرجة ان كان بيتحايل عليا علشان يبدأهولى
بس انا اللى رفضت ومع الوقت خلاص راح
بس انتى حاولى متعمليش زيي افضلى واره حلمك بأبسط الحجات علشان تتحققيه
مش عيب ان اخوكى يساعدك او يجى على نفسه علشان يساعدك
انتى بنت لما تحققى حلمك احتمال كبير اوى تردلهم اللى عملوه معاكى فى يوم من الايام
وحتى لو مساعدتهومش بعدين
كفاية انهم شافو تعبهم ومسادتهم ليكى مرحتش فى الهواء
مش عارف اقول ايه والله
بس صدقينى والله والله والله انتى احسن من ناس كتير
كفاية انك عارفه حلمك حاولى تحققية ومتصعبيش الدنيا على نفسك لان انا مريت بالاصعب من كدة
واوعى تعملى زيي وتضيعى حلمك تعالى على نفسك هيجى اليوم واللى هتشوفى فيه تعبك
ما ضاقت الا لما فرجت

[~ NoDa~]

اوووووعي .. ولا تقنطوا من رحمة الله
(وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ)
اقريها بتمعن كدا
طب .. ولسوف يعطيك ربك فترضى ..
فصبر جميل والله المستعان على ماتصفون ..
فصبر جميل اتقالت مرتين فالسورة
ولسوف يعطيك ربك فترضى
فناداهامن تحتها ألا تحزني
دا كله م القرآن .. وتكتئبي كدا !
انا لما بضايق بسأل ماما .. عادي اكتئب؟ مضايقة وبهزر
تقولي تكتئبي ازاي وعندك رب العالمين .. والقرآن يريح قلبك
اطلبي من ربنا .. وانتي م دام قادرين يغطوا تكاليف دروسك .. روحيها واحلمي .. كملي حلمك لسة بدرري .. وفرحي مامتك
احضنيها جاامد وقوليلها .. هفرحك .. وهتشوفي الكلية
بصي دي
(فَتَقَبَّلَهَا رَبُّهَا بِقَبُولٍ حَسَنٍ وَأَنْبَتَهَا نَبَاتًا حَسَنًا وَكَفَّلَهَا زَكَرِيَّا ۖ كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِنْدَهَا رِزْقًا ۖ قَالَ يَا مَرْيَمُ أَنَّىٰ لَكِ هَٰذَا ۖ قَالَتْ هُوَ مِنْ عِنْدِ اللَّهِ ۖ إِنَّ اللَّهَ يَرْزُقُ مَنْ يَشَاءُ بِغَيْرِ حِسَابٍ) [سورة آل عمران : 37]
الرزق قريب
اتشعلقي ف الامل واليقين ب ربنا
واتكلمي مع مامتك حتى لو مش فضفضة .. ومتوسوسيش كتير
ادعي ربنا يبارك ف عمرهاا
وخليها تصل رحمها عشان بتطيل العمر ومتقلقيش باذن الله
وكلي امورك لله .. وربنا هيصلح الحال ي حبيبي
ظروف صعبة شوية وهتعدي ان شاء الله ..
ثم تبصي ف الارض ليه !
تمشي ورااااسك مرفوعة
انتي معملتيش حاجة تكسف اهلك ! و كمان هتدخلي كلية جميلة ي جميلة ان شاء الله
تتكسفي من ايه
كل واحد عنده ظروف محدش يعرفهاا .. البيوت اسرار
عيشي ف وسط عيلتك .. ربنا هيفرجها
اصبري
الصبر .. الجميل
مش اي صبر
وربنا احرص ع انه يبهجك .. اكتر من مامتك واخوكي
معلش .. يمكن ملوش الخير ف طب :')
متعرفيش ربناا كاتب ايه
اعملي العملية وتحمليهومش زعل .. طمنيهم عليكي ♥
فضفضي هنا .. وسط اهلك وحبايبك اهو
ربنا هيكررررمك ي حبيبتي بس انتي تفضفضيله .. وتتوبي عن القنوط داا ..وتتيقني بجبار القلوب .. الكريم الرزاق
انا كمان ف 3 ث .. حاجة تعفرت البني ادمين -_-
يلاا هكووون مستنية خبر الكلية الحلوة :')
افرحي

[Mind language]

اولاً انتى شخصية جميلة جدا جدا جدا
واجمل حاجة فيكى جرائتك فى الكلام
وانك حكيتى كل اللى مدايقك بكل صراحة
ووضوح ودى نقطة تحسب لصالحك دا
معناه انك مش شخصية انطوائية ولا اى
حاجة من اللى بتحكى فيها اصلى انطوائى
دى كلمه كبيره اوى يطول شرحها مش
اى حد يبقى قاعد مع نفسة هيبقى انطوائى
للاسف الشديد كله بيفهم الحته دى غلط
تعالى نركز على حتت انك بتخافى من فقد
اى حد بتتعلقى بيه لذلك انتى مش عندك
صحاب كلنا بنخاف من الحته دى جدا لكنى
مبنقفش عندها بنكمل حياتنا عادى جدا وبنصاحب
ناس كتيرجدا فى حياتنا وبنتعلق بناس وبنفقد
ناس لكنى عمرى الحياة موقفت على حد فارق
بنقوم تانى ونكمل وسايبين كله دا ورانا ونشوف
باقى حياتنا اما لو على الموت وخوفك من انك تحضنى
والدتك اعتقاداً منك انى كدا احسن علشان لو لقدر الله
فقدتيها متحنيش لية بالعكس ياقمرى وللاسف الشديد
هتندمى اكتر واكتر وهتتمنى لو الزمن يرجع بيكى
لحظة وتحضنيها وتقوليلها على اللى بيدايقك انتى كدا
بتعذبى نفسك اكتر الموت مش بادينا دى سنة الحياة
وكلنا هنموت محدش مخلد فى الدنيا اما لو على حكاية
الدروس انتى قولتى انك من الاوائل على مدرستك
معتقدش انى الطالب المتميز بيحتاج لدرس خصوصا
علشان يحافظ على زكائه تقدرى تطلعى الاولى زى
كل سنة وبدون دروس خصوصية كمان لانى اكتر
حاجة بضيع الوقت هى الدروس واحده متميزة زيك
هتحتاج الدرس فى اية دا انتى اللى تقومى تشرحى
للمدرس بتاعك بما انك زكية كدا وبتطلعى الاولى
اللهم ما لا حسد اما لو على حكاية البكى الكتير والعملية
فانتى هنا جنيتى على نفسك بأنك ضيعتى نظرك وبايدك
الحل لو كان عندك صحاب بتكلميهم ويكلموكى مكنتيش
بكيتى بالشكل دا مش ضرورى تقربيهم منك اوى خديهم
كعامل مساعد ليكى فى حياتك خدى منهم ضحكهم واضحكى
معاهم خد منهم معلومه غلط وصححيها ليهم هاتلهم سؤال
محدش يعرف اجابته غيرك وطلعى عينهم على ما تقولى
على الحل اضحكى وهزرى معاهم افرحى لفرحهم وازعلى
عليهم بس متبكيش تانى كفاية اللى عملتيه فى نظرك ولازم
جدا تعملى العملية النظر مفهوش هزار كدا انتى اللى بضيعى
مستقبلك بايدك لو فات وعدى وانتى معملتيش حاجة ليه هتندمى
اخر ندم وتتمنى يوم تصححى فية كل اخطائك وساعتها لاتبكى
على اللبن المسكوب مش هيفيدك الندم باى حاجة اما لو على حكاية
قريبك ونظرت الشفقة والكلام دا فا انتى هنا لازم تحطى فى دماغك
انى مش كل نظره هتبقى نظرت شفقة مايمكن نظره على هيئك حاجة
تانى خالص بس انتى اللى شايفة الموضوع من الزاوية دى بس حاولى
توسعى مفاهيمك شوية انتى مدخلتيش فى عقول وقلوب كل واحد فيهم
علشان تحكمى عليهم كدا انتى بتتعبى نفسك بنفسك طيب ماتحاولى مع
نفسك ولو مره تتفهمى الموضوع على منوال تانى خالص يعنى مثلا
العدية على اساس انه عيد يعنى مثلا اما حد منهم بيديكى فلوس على
اعتبار انه مشفكش من زمان انا لحد دلوقتى عندى خال كل ما يجى
من السفر بيدى فلوس لية ولكل قريبى هل بيدينى دا على اساس شفقه
لا بيدينى على اعتبار انه مشفنيش من زمان فا ادانى فلوس اجيب
هدية لنفسى فهمتى دى مش كل حاجة هتبقى شفقه اما لو على اللى
عمله فا انتى هنا مش ربنا علشان تحاسبيهم على افعالهم ارمى دا وراه
ظهرك واعتبرى انهم بيفتحوا معاكى صفحة جديدة انتى نفسك افتحى
معاهم صفحة جديدة حاولى تفهميهم صح ولو لمرة مايمكن انتى اللى
شايفاهم من زاوية واحدة لية مش بتبصلهم على انهم قريبك وعزوتك
وناسك واهلك وكل ماليكى فى الدنيا ان هما مساعدكيش مين هيساعدك
اما لو على والدك واللى عمله مع اخواته فا انتى من المفترض تفخرى
باللى كان بيعمله دا واحد ساعد اخواته وعلملك اخوكى ازاى
يساعدك انتى مش حاسة انى اللى عملة مع اخواته اخوكى بيعمله
معاكى طيب بتلومى والدك لية ادعيله دايما انه سبلك اخ بالجمال دا
كل المطلوب منك لو عايزة تحافظى على مستقبلك ومتبكيش تانى
1- تبطلى بكى وترحمى عيونك شوية وتعملى العملية .
2-تجرى تحضنى والدتك اوى وتحكيلها على كل اللى
بيدايقك قبل ما تندمى وتتمنى يرجع بيكى الزمن لحظة
وتخضنيها ومتلقيش الحضن دا كدا اصعب بكتبر .
3-تذاكرى كويس جدا وتعملى كل اللى عليكى وخدى
دروس بس فى المواد اللى انتى مش فاهماها علشان
تساعدك اكتر على تقفيل الدرجات النهائية اخر السنة.
4- احفظى الجملة دى كويس ما فات قد مات ابدئى صفحة
جديدة مع كل قريبك ومتحاسبيش حد على حاجة فاتت ربنا
اللى بيحاسب وشوفيهم بزاوية مختلفه تماماً عن زاوية الشفقة
اللى انتى باصلهم منها دا كله ليكى ولمصلحتك مش ليهم .
5- اعملى صحبه حلوه مجموعة كدا من البنات اللى مش
بتبطل ضحك وتريقة ليل ونهار وادخلى معاهم وقربى
منهم متخفيش مش هيموتوا عمر الشقى باقى افرحى
معاهم واضحكى من قلبك واعملى مقالب فيهم واكسبى
ثقتهم وحبيهم انتى اولاً علشان هما يحبوكى ماتمشيش
غير معاهم وانتى هتحسى بفرق كبير وطعم احلى للدنيا.
6-فكى التكشير اللى على وشك انتى لسة فى بداية طريقك
مشوفتيش حاجة من الدنيا لسة اضحكى عليها وقومى من
كل انكسار اقوى من اللى قبله مع انى مش شايفة اى انكسارات
انا شايفة واحده متميزة فى دراستها وقدامها مستقبل بينادى عليها
بس هى اللى عامله نفسها سمعها تقيل شوية استعملى تميزك
الدراسى فى كل حاجة حواليكى افرحى من قلبك انى ربنا
منعم عليكى بنعمة غيرك مش لاقيها وقولى دايما الحمدلله.
7-حافظى على صلاواتك الخمسة ولو عايزة تذودى قيام
الليل يبقى بركة ياجامع اقرى قرأن لو 10دقايق فى اليوم
علشان ربنا يكرمك فى حياتك .
8-ملكيش دخل بمصرف البيت واللى بيدخل واللى بيجى
ربنا هو اللى بيرزق هتقعدى تبصى انهارده معانا بكره
ياعالم مش هتكسبى حاجة غير ارتفاع الضغط قولى
دايما الحمدلله بكره اكيد احسن من انهارده بكتير .
9-وحاجة اخيره ومهمه عقلك على حسب ما هتمشية
انتى لو انتى عايزة تفضلى فى الحزن والكآبه دى هتفضلى
ولو عايزة تخرجى بايدك بردوا كل حاجة كل المطلوب منك
انك تبرمجى دماغك على انك كرهتى كل الاحزان دى وعايزة
تخرجى منها ساعة بس هتقدرى تخرجى من كل اللى انتى فية
وسيبى بكره على ربنا دايما الله كريم المهم تعملى كل اللى عليكى
علشان ميجيش بكره وتبصى على نفسك وتندمى اوى على انك
ضيعتى نفسك بايدك .

اتمنالك حياة سعيدة باختيارك انتى لانى كل حاجة فى ايدك .

[Safira]

كويس انك اتكلمتي وفضفضتي
بس لو كنتي صليتي وفضفضتي لربك كان يبقى احسن بكتير
لان ربك هو الـ هيطمنك ويريح بالك ومفيش غير ربنا الـ هتلجأيله في الدنيا دي كلها
اول حاجه بتقولي ان والدك متوفي وقلتي انه ضيع عيلتك قبل مايتوفي
عادي اشكري ربك وقولي الحمدلله وحاولي تصلحي الـ هو بوظه
بتقولي مش عارفه تدفعي مصاريفك انتي مش صغيرة بدل مابتغيبي من الدروس ومش بتستفيدي غير انك بتقعدي في اوضتك تعيطي انزلي ودوري في الشوارع في محلات كتير وبيكونوا اصحابها ناس محترمه وبتكون محتاجه بنات وشباب يشتغلوا وبمؤهلات مش كبيرة تعرفي ان انا في سني ده وانا في 2 ثانوي كنت في محل لاجهزة كمبيوتر واحد عرض عليا شغل في المحل بتاعه بمعنى انك اتوكلي ع الله وهو هيفرجها
متبقيش متشائمه من حاجه وعيشي كل لحظه كأنها اخر لحظه في حياتك واعرفي ان كل دي امتحانات لصبرك
حاول تقوي نفسك وتزاكري
وتقولي انا هنجح ودخل كليه وهشتغل وهصرف ع نفسي ومش هحتاج لمعونه حد او حتى نظرة شفقه
وساعتها هتفتخري قدام نفسك
ابعدي اليأس عنك وارجعي لربك وادعي انه يفرجها وكلنا هندعيلك صدقيني ده مش شفقه ده لان كل واحد قرأ كلامك حس بمسؤليه انه لازم ينصحك ويساعدك
وانا بتمنالك كل خير وانك تنجحي في حياتك وانك في يوم من الايام تفتخري بنفسك

[حلم عمري]

صدقيني وانا بقرا كلامك حسيت في جزء كبير من كلامك انك بتتكلمي عني
تقريبا مريت بشبه الظروف دي بس انا الحمد لله قدرت اعديها
اولا علاجك الاول والاخير انك تقربي من ربنا كل ما تحسي انك متضايقة صلي وادعيله كتير واحكيله كل اللي جواكي لان هو الوحيد اللي هيسمعك في اي وقت وكمان اقري قران كتير صدقيني اكبر راحة ممكن تحسي بيها في القران
ثانيا حكاية ان والدك ضيعكم دي انا اكيد معرفش الظروف كلها
بس مش لازم تذكري حاجة سيئة من حياته بالعكس افتخري انه ساعد اخواته وكبرهم واكيد دا اجره عند ربنا سبحانه وتعالي وربنا يرحمه لاني انا عارفة يعني ايه فقد الاب هو اصعب احساس ممكن تحسي بيه
طب تصدقي انا والدي توفي من شهر ونص وكان اول يوم امتحانات وكنت خارجة رايحة الامتحان وعارفة انه اتوفي وخلاص لكن اتحديت نفسي ولانه كان حلمه اني اجيب مجموع عالي قدرت الحمد لله احقق حلمه وطلعت التالتة علي المدرسة ودا لاني كان عندي عزيمة واصرار
اما حكاية خوفك من تعلقك بالناس فدي مش صح قربي من مامتك واتكلمي معاها واحضنيها صدقيني هييجي اليوم اللي هتتمني يرجع الزمن لو ثانية واحدة وتحضني شخص بتحبه
وبالنسبة لدراستك مادام ليكم القدرة المادية انك تدفعي فلوس الدروس يبقي لازم تروحي ولازم تذاكري اتحدي نفسك اه انا هذاكر وجيب المجموع اللي بتمناه انتي الحمد لله مش اقل من حد وربنا مديكي حاجات جميلة مش عند ناس كتير ربنا يخليلك مامتك واخوكي صدقيني في ناس وحيدة بمعني الكلمة ونفسهم لو شخص واحد يكون معاهم
صدقيني السنة اللي انتي فيها دي هتحدد مستقبلك وانتي في ايدك تختاري واكيد مامتك تستاهل منك فرحة تشوفيها في عينها يوم نجاحك
وياستي لو معندكيش اصحاب احنا هنا اصحابك واخواتك ويم ما تكوني محتاجة تكلمي اي حد هتلاقي كتير يسمعوا
وهقولك مقولة انا بحبها اوي ثلاثية النجاح
رضا الله ورضا الوالدين والاجتهاد
ربنا يوفقك في حياتك يا حبيبتي ويسعدك دايما
ومستنية اسمع اخبار احلي منك ان شاء الله

[أمواج الرحيل]

اقتباس المشاركة الأصلية كتبت بواسطة دمعه حائره ياربى كل ده هم شيلاه وانتى فى السن ده انتى مفروض فى احلى مراحل عمرك ليه تحملى نفسك فوق طاقتها اتحدى الحزن ده وخلى عندك امل وايمان ان ربنا قادر انه يبدل حالك للاحسن الدنيا زى ما بتدينا حاجه لازم تاخد مننا ولازم نرضى ونحمد ربنا فى الحالتين انتى فى ايدك مستقبلك وفى ايدك تحدديه وتجتهدى وترجعى تانى من الاوائل كل واحد بيمر بأزمة بيشوف الدنيا سودة وخلاص قفلت على كده لكن لما بيكون حد كان قوى اصلا بيقدر يتخطى الازمة دى وانتى كنتى كده وظروف ومريتى بيها ماتسجنيش نفسك فيها لو مش قادره تاخدى ادى ادى لمامتك الفرحه اللى اتحرمت منها اديها الامل انها تشوفكم احسن الحزين بيحكم على نفسه بالوحدة ومابيخرجش منها وخصوصا لو اللى حواليه كمان زيه يبقى انتى الخسرانه بلاش حبيبتى تحملى نفسك فوق طاقتها وعيشيى زى باقى اصحابك وفكرى فى مستقبلك واعرفى انك لو خسرتى السنه دى يبقى بتحمليهم عبىء جديد عليهم زاكرى واتمسكى بالعبادة وقربى من ربنا قادر يفرج عنك همك ويشيل عنك

طيب امى اساسا مش فرقه معاها ادخل ايه لدرجه انها تقولى وحتى لو جبت مجموع عالى مش هدخلنى الكليه الاا نا عيزاها برضو تفتكرى لما أمى نفسها
تحبطنى كدا ايه هيكون موقفى أنا وكمان المشكله مش فى كدا المشكله لما انتى اصلا تحسى انك تقيله وعبئ على حد غالى اوى عليكى تفرحى انتى على حسابه وتكملى برضو على حساب قلقه وحيرته أكيد لو انتى مكانى مش هتقبلى سعادتك وفرحك على حساب غيرك وكمان الحمد لله انا الصلاه بصليها بوقتها وفضلى النساء وال عمران والتوبه والبقره واختم القرءان وحفظه كتاب الاحاديث كمان وعرفه ان ربنا مبينساش حد بس فوق كل دا انا مبحبش اشوف حد بيتعذب بسببى

بشكرك جدا على كلامك ونصيحتك ليا

[أمواج الرحيل]

اقتباس المشاركة الأصلية كتبت بواسطة brilliant life وعليكم السلام ورحمة الله وبركاته ... يا قمر احنا طبعا كلنا حاسين بيكي ومرحله الثانويه العامه ديه بالاخص مرحله تقيله علينا .. بيتجمع فيها كل الهموم والضغوطات كلها .... فعلشان كده هي مرحله وهتعدي متقلقيش وقوي نفسك مع ربنا واقري قران وصلي وارضي باللي معاكي في غيرك مش معاه لا ام ولا اب ولا اخ ولا اي حاجه انتي على الاقل امك الغاليه ربنا يخليهالك يارب جنبك احضنيها واشرحيلها الي مضايقك وكمان اسمعي منها واشكيلها ده الضنا غالي مهما زعقت فيكي وعملت متتحسسيش من مامتك طيب تصدقي وتؤمني بالله كان معايا زميله في ايام الثانويه العامه مرت بنفس الشئ ده مات بابها بشهرين قبل الاختبارات النهائيه وهي في غربه .. واخوها مريض عنده مرض ..بيتعالج منه وامها ست كبيره ... مع ذلك البنت مستسلمتش وذاكرت وجابت مجموع اكتر من بنات كتير جابت 86% عارفه ليه علشان هي مقالتش لا وموقفتش انتي متفكريش بامور الدنيا ولو فكرتي فيها غصب عنك فكري بيها بتوسع هتشوفي ان حالك فعلا افضل من حال ناس كتير جدا ودايما البني ادم بيشوف للي اقل منه علشان ميحبطش ومينساش يشكر ربه انتي لما بتبصي على واحد يتيتم مات امه وابوه ورامينه وملهوش حد ياخد باله منه ولا لاقي فلوس شرابه وطعامه هتشوفي حالك وتقارني نفسك بيه وتقولي الحمدلله لكن لو شفتي فوق ده معاه امه وابوه وديه معاها كذا وكذا عمرك ما هتعرفي تفكري صح سيبك من كل الامور ديه امور دنيويه وانتي لسه يا قمر الحمدلله زي الفل وامك جنبك ومفيش اي حاجه ادعي لبابا بالرحمه بس ومتتحسسيش من الموضوع ده ومع الايام هتنسي يا جميله الفرصه بين ايدك دلوقت مامتك جنبك واخوكي واهلك استغليها كويس وابنيلك مستقبل جميل علشان متندميش بكره ربنا يقويكي ويريح قلبك يارب ويسعدك ويوفقك دنيا واخره وان شاء الله هتجيبي مجموع جامد كلنا مرينا بالمرحله ديه ياقمر خليكي انتي اقوي مننا بقي

أكيد والحمد لله بحمد ربى على كل حاجه ومبعترضش ابدا وعرفه انى احسن من ناس كتير والثانويه مش تقيله ولا حاجه زيها زى اى سنه دراسيه بتمر علينا
طيب نكلم بالعقل اخويا عمره 25 سنه لحد دلوقت معملش حاجه لنفسه عشانى انا واى مبلغ يجمعو برضو بيكون عشانى واخويا التانى مش هقول غير ربنا يهيده وبرضو اخويا الكبير مش سايبنا احنا الاتنين طيب لو كان اخويا التانى دا معندوش احساس باخوه الا بيعمل عشانوه وعشانى وامى كل شويه تيجى تسمعنى كلمتين ملهمش اى لزمه قولويلى انتى بقى يافرحتى اروح الدرس واضحك واهزر وانا ليه اخ بيموت فى كل لحظه عشان يرضينى على حساب نفسه وعشان عارف ان اخويا التانى طلبتنا تقيله عليه وممنوش اصلا منفعه طيب زى منا ليه حق انى ارتاح هو كمان من حقه كدا انا مش عيزه غلطه ابويا تتكرر معا اخويا عشان حتى لو انا كويسه معاه وبوقل وبكل صراحه اخويا التانى مش كويس وطبعا هناك اسباب شخصيه تدفعنى ان اقول كدا خيفه فى يوم اخويا دا تضيع حياته من غير ما يحقق اى حلم وعشان مش هعرف ارد اى جميله من جميله دى عليه فاكمل ايه بس وازاى وابنى مستقبلى على حسابه دا حتى ميرضيش ربنا

بشكر كلامك معايا ونصحيتك ليا