الكاراتيه هوايتي 2

[براءة طفلة]

السلام عليكم
كنت نشرت موضوع قبل كده عرفتكم بيه نبذه بسيطه عن الكاراتيه وعن البطولات اللي خققتها وكده بناءا علي طلب الاعضاء قالولي هاتيلنا الحركات وطريقة عملها وصور ليها
فهديكم حركات خفيفه كده وسهله
اول حاجه الكاراتيه لعبة دفاع اكتر ما هي لعبة هجوم وهي من العاب الدفاع عن النفس
اول حاجه يوي يلا قولوا ورايا يوي يوي زي يووووو كده بس في اخرها ياء فتبقي يوي
رجلك بتبقي علي شكل سابعه مش مفتوحه اوي ولا مقفوله اوي بتبقي بالمنظر ده كده وايدك برده نفس المنظر صباع ايد الخامس مبيبقاش جوا القبضه بيبقي خارج القبض

اول حركه النهارده:
الأوي زوكي


زي ماانتوا شايفين الرجل اللي ورا مفروده اللي قدام متنيه الايد الشمال مفروده والقبضه بتبقي مقفوله بنفس قفلة اليوي ايدك مش لفوق اوي ولا لتحت اوي بتبقي في مستوي الكتف جسمك مفرود ايدك اليمين في جمبك اليمين كل اما تزقه لجوا كل اما تيجي صح
الجاكو زوكي

نفس الاوي زوكي بس بايدك اليمين ورجلك اللي ورا متنيه
بس كفايه عليكوا كده النهارده عشان الحاجات دي محتاجه تدريب اهم حاجه قبل اما تلعبوا الحركات دي تكونوا مسخنين كويس جدااا عشان ميحصلكوش شد عضلي او وجع في العضم (عن تجربه)

[حالمة باميرى]

بجد احلى لعبة انا بعشقها
انا بلعبها بس بطلت من زمان ودخلت بطولات فرق بس فى البلد عندنا مبيهتموش بالحجات دى
لانها عيب للبنات والكلام الصعايدة دة ههههههه
وعلى فكرة كنت بلعب كونغ فو وبوكس ههههههه
وحركات الكاراتية اسهل من كل الالعاب على فكرة وبتنشط الجسم والفكر برضة
تسلمى حبيبتى للموضوع متابعة معاكى طبعا

[براءة طفلة]

اقتباس المشاركة الأصلية كتبت بواسطة prinses sahar بجد احلى لعبة انا بعشقها انا بلعبها بس بطلت من زمان ودخلت بطولات فرق بس فى البلد عندنا مبيهتموش بالحجات دى لانها عيب للبنات والكلام الصعايدة دة ههههههه وعلى فكرة كنت بلعب كونغ فو وبوكس ههههههه وحركات الكاراتية اسهل من كل الالعاب على فكرة وبتنشط الجسم والفكر برضة تسلمى حبيبتى للموضوع متابعة معاكى طبعا

هي فعلا جميله اوي انا بلعبها بقال خمس سنين من 2009 معايا الحزام البني اختبار الاحزمه الجاي هبقي اسود ان شاء الله
هههههههههههههه عيب ايه وبتاع ايه احنا عندنا البنات اكتر من اللشباب
اها هي سهله جدا بس محتاجه كابتن يبقي معاكي

[ساحر الأحزان]

هو انتى

حافظة كام كاتة

على شان فية هجوم

عايزينك تصدية

[العاشق الذى لم يتب]

قالوااحلى لعبة بيحبوها
وانانويت احبها كمان
تسلمى
تعريفات وتوبيك رائع
مودتى

[براءة طفلة]

اقتباس المشاركة الأصلية كتبت بواسطة ساحر الأحزان هو انتى حافظة كام كاتة على شان فية هجوم عايزينك تصدية

هههههههههههه عشان عاشق متيم وجيوشه هههههههههههههه
لا انا حافظه فوق ال10 يعني حوالي 12 13 كاته كده ممكن اكتر وممكن اقل الله اعلم المهم اني معديه ال 10

[* ادم *]

حلوة اللعبة

بشكرك ع المعلومات

بالتوفيق ،،

[موري كول]

شوقتيني ليه والله يا روني
بصراحه لعبه جميله جدا وانتي شكلك متفوقه فيها
تسلمي علي التوبيك

[Silver Flower]

انا أخواتي بيلعبوها
والبيت ماشالله كله مداليات
لعبه حلوه اكيد

[Arco Baleno]

هوايه جميله وتوضيح ممتاز منك حبيبتي برائه انا عن نفسياحب الرياضات من النوع دا تحسيها تعطي قوه وثقه في النفس وقوه ادراك بجد برافو عليك
هوايه ممتازه ويارب من تقدم الى تقدم في البطولات والانجازات
وعقبال ما اتعلم انا رياضه الكونفو
هههههههههههههه