ضيف فى بيتـة مع Ḿǒǘłĭŋ

[ساحر الأحزان]

بسم الله الرحمن الرحيم

اليوم بتعتبر تالت حلقة من برنامج

ضيف فى بيتـة

ومعى تالت ضيوف البرنامج

عضوة مميزة ونشيطة فى المنتدى
ميرسي كتير ^^

وهى
Ḿǒǘłĭŋ




Ḿǒǘłĭŋ

عضو برونزي

أهلا بيكىḾǒǘłĭŋ فى البرنامج
يا 100 اهلين بيك

ونخش بقى على الأسئلة

ممكن نتعرف على بطاقة Ḿǒǘłĭŋ الشخصية ؟

ترتيبك فى عائلتك؟
الرابعه واخر العنقود

مين أقرب الأشخاص ليكى فى العائلة ؟
اختي

ياترى سرك عند والدتك ؟
لا مش دايما

ولا عند والدك ؟ولا عند مين أخواتك ولا أصدقائك؟
والدي بردو لا خاااالص .. هي اختي

صداقة الطفولة بتكون حلوة هل ليكى أصدقاء من الطفولة لحد دلوقتى؟
اه كتيييير الحمدلله

Ḿǒǘłĭŋ

متسرعة ؟

هادية؟

عصبية ؟

أى الصفات أقرب ليكى ؟
هم كلهم فيا بس متسرعه اقرب

Ḿǒǘłĭŋ؟

ذكرى تحبى أن لا تنسيها ؟
كنت متخاصمه مع اخويا لفترة طويله جدا .. واليوم الـ اتصالحنا فيه كان قريب .. وبالنسبالي ذكرى محبش انساها ابدا

وذكرى تحبى أن تنسيها؟
يوم ماشوفت شكلي في البطاقه

موقف عالق فى ذاكرتك؟
بلاش احسن

حياتك الشخصية ؟

هل أنتى من النوع المغلق على نفسة ؟
اغلب الوقت بكون كدا

ولا من محبى الصداقات؟
بحب اصحابي القدام .. لكن قليل دلوقت لما اتعرف ع حد .. يعني ممكن تكون نسبه تعرُفي ع ناس جداد 7%

أية رئيك فى السياسة هل بتحبى الكلام فيها؟
كنت بحب اتكلم فيها

وأية رئيك فى الوضع الحالى ؟
وضع غلط واكتر الناس دلوقت بقوا بغبغنات مش اكتر و الـ يحاول يفهم ويتكلم ويقول رأيه .. يُطلق عليه احد المسميات الآتيه
اخواني . فلول . عميل . ارهابي . صهيوني . ماسوني . ومش بعيد زنديق

بخصوص المرشحين للرئاسة بعد ترشيح السيسى
جو المنافسة حيكون أية؟

مش هيكون في منافسه اصلا لان كل واحد هينزل يترشح هيكون عارف ان السيسي هو الـ هيكسب لان الناس للاسف دلوقت زي ماقلت قبل كدا اغلبهم بغبغنات وبيطبلوا وخلاص

وهل هناك منافسين للسيسى فى الترشيح؟
بكرا هنشوف .. الله اعلم بقى .. كله ع الله

ترشحى مين لرئاسة مصر القادم ؟
للاسف مفيش حد عدل

العنف من البنات فى المظاهرات ؟

ما رئيك فى تلك الظاهرة وبما تنصحيهم؟

ربنا يهديهم .. انا مش ضدد ان البنت تنزل مظاهرة خالص .. بس لازم تحافظ ع احترامها وتريبتها ومتنساش ابدا انها بنت

ما رئيك فى مشاركة البنات فى السياسة ؟
شئ كويس -لان ده من حقها- خاصه اذا كانوا بيتكلموا من تفكيرهم وبيقولوا رأيهم الخاص مش بغبغنات

يا ترى مش حنشوف سيدة ترشح نفسها للرئاسة ؟

ولا رئيسة وزراء
في بلدك دي مش عارفه والله جاوب انت

نخش على المنتدى


أنتى منتشرة فى المنتدى بسى كتاباتك مقتصدة على أقسام معينة ؟
أية السبب؟وهل ممكن نشوف كتاباتḾǒǘłĭŋ ؟

مش حكاية اقسام معينه المشكلة ان المذاكرة والدروس مش بتخليني احاول اشارك بفكرة او توبيك مفيد لان تفكيري في المذاكرة وواجب المدرسين ويوم ماتيجي في بالي فكرة انزلها في المنتدى مش بلاقي وقت انزلها .. الله يجازيها الـ كانت السبب
بس ان شاء الله احتمال يكون ليا كتابات قريب ^^

مين الكاتب المفضل عندك فى المنتدى ؟
اممم صراحه هم كتييير ومينفعش اقول حد معين عشان التاني ميتظلمش .. وربي كلكم مبدعين

ومين أقرب أصدقائك ؟
اخويا الـ اصغر مني بشهر (( بيبو M.B ))

ما رئيك فى بنات مصر ؟

من حيث السلبيات ومن حيث الأيجابيات ؟

ايجابيات اممم مثلا في تقدير للمواهب والمنتدى صراحه ملياااان مواهب بجد .. و مُتابعه الاداريين ونشاطهم .. والمسابقات الـ مش بتخلص لتحفيز الاعضاء .. والحملات التنشيطيه وتشجيع الاعضاء لتقديم احسن ماعندهم .. واحلى مافي المنتدى ان الكل اصاحب واخوات من غير مايكونوا يعرفوا بعض معرفه كبيرة

السلبيات بقى :

شريط الاهداءات .. صراحه انا مش بشوفها اهداءات .. دي ولمؤاخذه حكاوي ع المصطبه

انا اعرف ان الاهداءات زي مبروك للعضو كذا ع الاشراف مبروك ع التكريم او دعاء لعضو بالصحه وتمام العافيه

مش ادخلووو ياجماعه التوبيك عشان التصويت
ولا حد يحط مثلا لينك لتوبيك في شريط الاهداءات او اتنين بيسلموا ع بعض في الاهداءات .. مش كدا ياجماعه ماكل واحد عنده خاصيه رسائل الزوار ؟!

ما أحب الأقسام عندك ؟
قسم الهوايات .. وابداعات الاعضاء .. وقسم التنميه البشريه .. وقسم الديكور والتبخ

من هم الكتاب فى المنتدى المتابعة لمواضيعهم ؟
اممم مش بتابع حد معين لان بأختصار اول مابدخل المنتدى بشوف اخر ابداعات الاعضاء وبعد كدا مشاركات اليوم وزي ماقلت كل اعضاء المنتدى مبدعين

تحبى تقولى أية للأعضاء فى المنتدى
خليكوا ايد واحده ومتعاونين دايما حتى لو كل واحد فيكوا له رأي مختلف عن التاني لان الوحده اساس القوة ومفيش حاجه تستاهل عشانها تضحى بأصحابك واخواتك

بشكرك Ḿǒǘłĭŋلقبول الدعوة

وانا بشكرك ع الاستضافه

وأنتظرونى فى اللقاء القادم

[ملك جبال الاحزان]

الله بقا عجبنى اوى البرنامج ده بجد استاذنا
الاسئله جميلة والاجابات جميلة وعضوة لذيذه
وهبقا راشق بعد كدة دايما بقا
بس وقفت هنا بقا واتجننت


ومين أقرب أصدقائك ؟
اخويا الـ اصغر مني بشهر (( بيبو m.b ))


ديه ازاى ديه بقا ؟؟؟

[M.B]

اقتباس ومين أقرب أصدقائك ؟ اخويا الـ اصغر مني بشهر (( بيبو m.b ))

ايه ده انا اهو
وام الشهر ال معقدك يا ستي نص شهر كمان مش شهر بطلوا نصب بقي

حلقه تحفه طبعا مع وحده اختي ال اكبر مني بكام يوم وبتحور عليا وعليها وعليكم

وتسلم يا امجد

[أمواج الرحيل]

استضافه جميله ساحر وعضوه ميزه وردودها رائعه كروعتها دام تألقكم

[✿ Celiηα]

حلقة جميلة مع عضوة مميزة ومبدعة
وربنا يخليلك اختك واخوكي واهلك كلهم
تسلم استاذ ساحر الاحزان عالاستضافة

[حنان الجزائرية]

حبيت كتير فكرة البرنامج والضيفة كانت في القمة من خلال اسلوبها بالحكي وكمان حسيتها صريحة كتير

[عيون مصرية]

فكرة البرنامج جميلة جدا
و الضيفة طيوبة و محترمة كتير
و كانت حلقة ممتعة اوى
تسلم يا ساحر على البرنامج

ودى

[۩۩ elMagic ۩۩]

حوار جميل جداا
مع شخصيه اثبتت وجودها فى وقت مش كبير
نورتي مولين اكييد
وحلو حوار البطاقه دااا
طبيعي كله بيبقى حد تاني غير نفسه في صورة البطاقه دي
دا حتى كارنيه الجامعه مسخره والله
ربنا يوفقك بقآ
تسلم عم امجد لمجهودك

[العاشق الذى لم يتب]

برنامج جميل واسئلة جميلة
والضيفة ماكنتش فاضية من المذاكرة
علشان نص الاسئلة من غيراجابة
ومنورة وعظيمة فى الاجابات
ربنايوفقك وتكونى من الناجحين
وشكرا امجد
ومنتظرين الضيف القادم
مودتى

[دمعه حائره]

حلقه جميله مع عضوة عسوله
نورتى ياقمرايه
تسلم ونورت ياامجد ويارب آخر الغيبات