لماذا رحل الببلاوى بحكومته !!!!

[big bốss]

السلام عليكم و رحمة الله و بركاته




اليوم أعلن رئيس الوزراء حازم الببلاوى أستقالت حكومته و عدم قدرتها على اكمال

المشوار ، لقد تسلمت تلك الحكومه مهامها فى ظروف صعبه من اقتصاد مهدم يحتاج

الى أعادة بناءه ، و جماعه اسلاميه تحارب من اجل استرداد كرسي الحكم ، و انعدام

أمن ، و تزمر شعب ، مجتمع دولى يحارب من اجل اسقاط مصر .

ماذا حققت حكومة الببلاوى ؟

- من الناحيه الامنيه فض اعتصام رابعه و النهضه و تطهير كرداسه ....الخ

و عدم السماح بقيام بؤر اجراميه او ارهابيه اخرى ( هناك من يعتبر ذالك ليس انجاز )
- حل ازمة البنزين و اختفاء الطوابير .

- حل ازمة انقطاع الكهرباء .

-ارتفاع الاحتياطى الاستراتيجى للبنك المركزى

- أقرار الحد الادنى و الاقصى للأجور

- أقرار الدستور و حل جماعة الاخوان المسلمين و اعتبرها جماعه ارهابيه.

- عودة العلاقات بين مصر و الدول العربيه و ظهورها على الساحه الدوليه

من جديد .

- الغاء المصروفات المدرسيه .

- الحديث عن البرنامج النووى المصرى و برنامج الفضاء المصرى و لكن دون

خطوات فعليه

- اخفاقات حكومة الببلاوى

- مشكلة المياه و سد النهضه مازالت موجوده و لم تحل

- اعتصامات كثيره فئويه لكثيرآ من العمال من اجل رفع الاجور و تحسين

مستوى المعيشه .

- ارتفاع الاسعار

- عدم قدرتها على اتخاذ قررات حاسمه و فعاله

- و اخيرآ

ما رايك فى اداء حكومة الببلاوى ؟ و ما رايك فى استقالتها ؟

من ترشح من الشخصيات المصريه يستحق ان يكون رئيس و وزراء من

وجهة نظرك ؟

هل ضغط الاخوان و الهجمات الارهابيه وراء فشل الحكومه فى انجاز

الكثير للمصريين ؟


شاركنا برايك ....

[smsma666]

مبدائيا السلام عليكم ورحمة الله وبركاته

ما رايك فى اداء حكومة الببلاوى ؟ و ما رايك فى استقالتها ؟

اداء حكومه مره واحده انا ماكنتش حاسه ان فيه حكومه اصلا كل القرارات عك ومتاخره
الناس كل يوم بتموت ودول لسه ف عصر الشجب والادانه !!!

استقالتها متاخره جدا طبعا

من ترشح من الشخصيات المصريه يستحق ان يكون رئيس و وزراء من وجهة نظرك ؟

الصراحه مش شايفه حد مناسب كل مانقول ع حد كويس نتصدم فيه انا نفسى الصراحه يبقى حد من الكفاءات الشبابيه مع ان شكله خلاص ابراهيم محلب

هل ضغط الاخوان و الهجمات الارهابيه وراء فشل الحكومه فى انجاز الكثير للمصريين ؟
لا دى شماعه مش اكتر الحكومه لو كانت اشتغلت كانت هتقدر تنجز حاجات كتير لكن دى كانت حكومه نايمه كل قرارتها متاخره وكل كلامها شجب ادانه

بس الشهاده لله الراجل اجلنا الدراسه كتر خيره :d:d

[العاشق الذى لم يتب]

ذكرت وعددت محاسن حضرته
وأنالاأرى له وكل من كان معه أى أنجاز كان
لاصغيرولاكبير
حتى التى ذكرتها وأهمها الحدالادنى
لم يطبق منه حرفا بل هو كذبا وضحك على الذقون
وأناأحدالموظفين ولم أدعى كذبا أننى لم أرى فى راتبى أى تطبيق للأدنى ولا الأقصى
وفض رابعة تراه أنت إنجاز
بينماهو أكبرمذبحة تاريخية شهدتها مصر
من العصورالأولى حتى الآن
ومنذ أن تولى كم مات وكم قتل وكم من الأسر تشرددت
وكم شعدت الأسواق من أرتفاع فى الاسعار
ولاحل مشكلة بنزين ولايحزنون
أمال طوابير السيارات والتى تراها كل يوم فى محطات البنزين دى تبقى ايه
وانقطاع الكهربة فى عز الشتاتبقى ايه
ولوعددت لك مصائب مصرعلى يديه
فلا أستطيع حصرها
بس كده كفاية
وششكرا لك
مودتى

[توحد ارواح]

ما رايك فى اداء حكومة الببلاوى ؟ و ما رايك فى استقالتها ؟
لها سلبيتها وايجابياتها
و الاستقاله ف الوقت ده كان لابد منه
بالرغم من كثرة المعترضين لهذه الحكومه الا انه كان مفاجأه

من ترشح من الشخصيات المصريه يستحق ان يكون رئيس و وزراء من

وجهة نظرك ؟
مفيش حد ع الساحه ممكن نقول ممكن يكون هو رئيس الحكومه ورجل المرحله
ولكن هو خلاص اترشح مهندس ابراهيم محلب


هل ضغط الاخوان و الهجمات الارهابيه وراء فشل الحكومه فى انجاز

الكثير للمصريين ؟

يااااه ف اسباب كتيره طبعا وطبيعى يكون ده سبب من الاسباب

شكرا ع الطرح القيم والمتابعة المستمره

تحيتى

[SiLver Spectra]

عشان السيسي يبقى رئيسي =))
اصل الراجل دا صاحب الجلاله و العظمة على راي الرجل المتواضع سابقا
ماينفعش يستقيل كدا لواحده ..شكلها مش هيليق على عظمته
لازم الحكومة اللي تستقيل كلها و بعدين مايطلعش في التشكيلة الجديده
و يفاجئنا بالرئاسة

[حَرفُُ هجآءّ]

بصراحة يانور مش عارفه انت بتجيب النجاحات دى منين
ما احنا اهو عايشين فى مصر وشايفين التدهور اللى مصر فيه
ولسه هتشوفوا مصر

الكهرباء واحنا فى الشتا بتقطع كذا مره فى اليوم
طيب فى الصيف بئا هنعيش على كشافات الصين

الحد الادنى هو فين بالله عليك مفيش موظف حكومى زاد مرتبه
والمصيبه ان الحكومة من اول شهر يناير بتخصم حاجه اسمها ضريبة عمالة من الموظفين فى الدولة
يعنى بدل ما تطبق الحد الادنى بتاخد منهم
الكهرباء بئت اغلى
النت نفس النظام
الاسعار فى العالى كلها
ياخى ده الخضار بئا اغلى من الفاكهه
وكفاية الناس اللى ماتت وبتموت كل يوم فى الشوراع
انت من وجهه نظرك شايف ان الحل فى رجوع الامن فى قوة القبضة الامنيه وللاسف بسببها خربت مصر
الشعب اتفرق بئا كارهه لبعضه
وفض اعتصام رابعة والنهضة
من الحاجات المخزيه فعلا فى تاريخ مصر


وقال بعد كل ده
مصر ام الدنيا وهتبئا اد الدنيا

تقريبا كده مصر انتحرت انتحار عشوائى

[شموع الروح]

بص انا بس هرد علي الاعضاء الكرام للي شيفين ان فض اعتصام رابعه والنهضه ماساه
هما مشفوش الاتحادية ولا المنصه انا لو قلت من هنا لبكرة مش هقدر احصي للي الارهابين
دول عملوه كفايه انهم هما السبب الرئيسي لكل للي بيحصل دا كفايه مجزره كرداسه
كفايه اننا بنصحي كل يوم علي تفجيرات
احنا بنتعامل مع تنظيم ارهابي مش عايز اي حاجه غير مصلحته الشخصيه
لو هكلم بقي على الحكومه
فبالنسبالي هنا انا شيفه ازمه البنزين بقت افضل ككتير من الاول
وازمه الكهربه عندنا الحمدالله معدومه
اما قصه الحد الادنى والاقصي
فانا مش هكلم عنها لانى عاطله هههههه ومعرفش بحصوصها شئ غير للى بسمعه

انا طولت عليكم معلش يا نور
بس انا ولا مع ولا ضد الحكومه بس مادام هى شيفه انها مش هتقدر تقدملنا اكتر من للى هى شايفه انها قدمته
يبقي من الافضل انها تنسحب وتسيب غيرها يحاول يقدم شئ لمصر

وكلنا لا نتمنى غير الخير لمصر

تحياتى

[ᗩ ᕼ ᗰ ᕮ ᗪ]

وعليكم السلام ورحمة الله وبركاته

اقتباس المشاركة الأصلية كتبت بواسطة big bốss ماذا حققت حكومة الببلاوى ؟ - من الناحيه الامنيه فض اعتصام رابعه و النهضه و تطهير كرداسه ....الخ و عدم السماح بقيام بؤر اجراميه او ارهابيه اخرى ( هناك من يعتبر ذالك ليس انجاز ) على كده بقى لو كان دكتور هشام قنديل فض اعتصامات التحرير والاتحادية بالقوة وقتله 2000 او 3000 شخص كان هيبقى انجاز ؟؟ سبحان الله استقاله الحكومة لن يُعفها من مسؤليتها ولن يغفرلها المجازر التى حدثت فى عهدها والحساب قادم .. لو مش فى محكمة دنيويه هيكون فى المحكمة الإلهيه - حل ازمة البنزين و اختفاء الطوابير . بعد اما جابوا البنزين اللى كانوا بيرموه فى الصحرا وحطوه فى المحطات قدروا يحلوا ازمة البنزين بس لسه بقى بنزين الخليج مش قادر يحل ازمه الكهربا !! - حل ازمة انقطاع الكهرباء . انت عايش فين يا باشمهندس ؟؟ -ارتفاع الاحتياطى الاستراتيجى للبنك المركزى وده بقى قبل ولا بعد طبع 22 مليار جنية وانت اكيد طبعا عارف نتيجة طبع العملات دى ايه من ارتفاع معدلات التضخم والاسعار والفقر والبطاله وانخفاض قيمة العملة وقوتها الشرائية وكل دى حاجات انت ذكرتها فى اخفاقات الحكومة يعنى الحكومة بتعمل كل حاجة وعكسها فى نفس الوقت فما بالك بقى اذا كان الطبع ده اصلا بدون غطاء حقيقى او غطاء وهمى متمثل فى اموال الخليج الله يرحم اقتصادنا يا نور - أقرار الحد الادنى و الاقصى للأجور بس مشوفناهوش اتطبق مش عارف ليه ممكن يكون الاقرار غير التطبيق والله اعلم - أقرار الدستور و حل جماعة الاخوان المسلمين و اعتبرها جماعه ارهابيه. ارهابى وافتخر مصر فيها 5 ونص مليون ارهابى ما شاء الله وبعدين دستور ايه بس اللى اقر ياباشمهندس نور وحد الله يا راجل بلاش الكلام ده - عودة العلاقات بين مصر و الدول العربيه و ظهورها على الساحه الدوليه من جديد . تقصد عودة العلاقات بين مصر والسعودية والامارات واسرائيل وامريكا وروسيا وقطع العلاقات مع معظم دول العالم الحر فين بقى الظهور ع الساحة الدولية من جديد؟ - الغاء المصروفات المدرسيه . معنديش فكره عن الموضوع ده بصراحة ولا حتى شوفته عملياً بس بفرض انه صحيح فهيكون من اموال الجمعيات الخيريه بتاعت الفقراء اللى استولوا عليها - الحديث عن البرنامج النووى المصرى و برنامج الفضاء المصرى و لكن دون خطوات فعليه بالظبط كده .. كل اللى انت قولته ده مجرد احاديث وحواديت

ما رايك فى اداء حكومة الببلاوى ؟ و ما رايك فى استقالتها ؟

رأيى بقى فى حكومة الببلاوى انها حكومة انقلابية فاشلة بكل ما تحملة كلمة فشل من معنى
فشلت فى توفير الامن ورغيف العيش وفشلت فى السياحة و الاقتصاد
وفشلت حتى التسوق للانقلاب خارجياً بالرغم من كم الاموال اللى صرفت عليه

رأيي فى استقالتها هى مجرد محاولة من السيسى لابعاد كل الوجوه المتورطة فى اراقة دماء المصريين
والمجازر التى ارتكبت فى حق الشعب المصرى وتدهور مستوى معيشة المواطن عن الساحة
ومن ثم يأتى بحكومة اخرى كأنها حكومة الانقاذ او الخلاص تعمل جاهدة لمحاولة انقاذ ما يمكن انقاذه
حتى تساعده فى الحشد لانتخابات الرئاسة وعلى أمل ان يتناسي الشعب ما حدث فى السابق


من ترشح من الشخصيات المصريه يستحق ان يكون رئيس و وزراء من وجهة نظرك ؟

الرجال فى المعتقلات

هل ضغط الاخوان و الهجمات الارهابيه وراء فشل الحكومه فى انجاز الكثير للمصريين ؟

لا بالتأكيد مش مبرر
حكومة دكتور هشام قنديل كانت تعمل تحت نفس الضغط وبالرغم من ذلك نجحت
وبعض الاخفاقات تحملتها الحكومة ولم تُحمل للاعتصامات وتخريب الغير

تحيــاتـــي

[NGMA]

ما رايك فى اداء حكومة الببلاوى ؟ و ما رايك فى استقالتها ؟

****************

هما يستحقوا الاقاله مش الاستقاله وكل ما بني علي باطل فهو باطل ده اختصار كلامي

فض رابعه ال بتكلم عليه لو حصل مع متظاهرين ميدان التحرير مكنش هيتسمي فض كان هيتسمي مجزره لاكن عشان الناس دي مخالفه لراينا حللنا دمهم وسمناها بطوله عظيمه للقاتل

*************************************


من ترشح من الشخصيات المصريه يستحق ان يكون رئيس و وزراء من

وجهة نظرك ؟

اي حد هيتقي الله في ابناء مصر وناسها
****************************************


هل ضغط الاخوان و الهجمات الارهابيه وراء فشل الحكومه فى انجاز

الكثير للمصريين ؟
****************************************

دي حجج فارغه الاخوان قائدتهم في السجن ولو حللت كل عمليه دبرت هتعرف مين القاتل الحقيقي ولو اي جماعه او اي كان ارهابي ضغوطه كانت بتوثر في مصر كان زمانها ضاعت من زمان
بس كل ال بيحصل مدبر طالما فيه ال هيلبس القضيه..زي ما حصل ايام عبد الناصر عشان يبين ان مصر في حاله فوضي قرر انه يعمل بعض العمليات الارهابيه عشان يفهم الناس انه الصالح الوحيد وان مصر محتاجاه وان الطرف الاخر ارهابي ولازم يعدم وده مش كلام وخلاص خير دليل ناس شهدت بده كانت اقرب ناس له.....فعبد الناصر التاني لازم يضحي بدم مصريين عشان يطلع بطل والطرف الاخر ارهابي

ثانيا
حتي لو كان ال بيدعو ان الاخوان عملت حاجه وفعلا ده صحيح... ده مش مبرر لقتل مصري زيك لمجرد انه بيمارس حقه وبيعتصم

ثالثا
رغم كل ال حصل والتهم ال دبس فيها الاخوان بفعل الناس يوجد ادله علي العمليات و مين مدبرها واتكتم عليها للاسف ..... واخرها تقرير الطبيب الشرعي ال قال ان جثث فض رابعه حديثه القتل وكشف الكذب ال كانوا بيدعو انها جثث قتلها الاخوان


وغيرها من الدلائل علي وقائع حصلت لاكن هنقول لمين؟

حسب الله ونعم الوكيل

[big bốss]

اقتباس المشاركة الأصلية كتبت بواسطة smsma666 مبدائيا السلام عليكم ورحمة الله وبركاته ما رايك فى اداء حكومة الببلاوى ؟ و ما رايك فى استقالتها ؟ اداء حكومه مره واحده انا ماكنتش حاسه ان فيه حكومه اصلا كل القرارات عك ومتاخره الناس كل يوم بتموت ودول لسه ف عصر الشجب والادانه !!! استقالتها متاخره جدا طبعا من ترشح من الشخصيات المصريه يستحق ان يكون رئيس و وزراء من وجهة نظرك ؟ الصراحه مش شايفه حد مناسب كل مانقول ع حد كويس نتصدم فيه انا نفسى الصراحه يبقى حد من الكفاءات الشبابيه مع ان شكله خلاص ابراهيم محلب هل ضغط الاخوان و الهجمات الارهابيه وراء فشل الحكومه فى انجاز الكثير للمصريين ؟ لا دى شماعه مش اكتر الحكومه لو كانت اشتغلت كانت هتقدر تنجز حاجات كتير لكن دى كانت حكومه نايمه كل قرارتها متاخره وكل كلامها شجب ادانه بس الشهاده لله الراجل اجلنا الدراسه كتر خيره :d:d

ليه يا سمسمه

معنى كلامك دا من بعد مبارك مفيش حاجه اتغيرت خالص

يعنى حكم المجلس العسكرى مكنش فيه تغير

حكم مرسي مفيش تغير

حكم منصور مفيش تغير

يبقى احنا واقفين فى نقطة الصفر متغيرناش ليه ؟؟؟؟؟؟؟