التخاطر مع الغير عن طريق الأفكار ..!

[✿ Celiηα]

احيانا يمر عليك انك تبقى قاعد بتفكر فحد وتلاقيه بيتصل بيه
او جالك زيارة مثلا او انك تبقى فيه اغنية بتدور فدماغك
وانت من غير حتى ما تدندنها بصوت خافت خالص
تبص تلاقي اللي جنبك بيغنيها " صدمة "
او انك يبقى قدامك شخص عايز تقوله حاجة بس مش قادر
فمن كتر ما الحاجة دي بتتردد فدماغك وبتتخيل نفسك
انه خلاص قاعد قدامك ها هقوله اهو
تلاقيه هو بيقولك انت عايز تقول كذا كذا ... ؟

باختصار ده اسمه تخاطر عن طريق الافكار
يعتقد البعض انه مش بيتم الا بين اتنين قريبين من بعض اوي
انا واختي انا وامي انا وشخص بحبه لدرجة كبيرة
زي ما كان فيه قصة بنتين توأم مرتبطين ببعض جدا
وفمرة واحدة منهم عملت حادثة ففي الوقت ده اختها حست
بالم شديد في جسمها وحست ان اختها حصلها حاجة زي في الافلام
ولكن فالحقيقة هو ممكن يحصل بينك وبين اي شخص يخطر ببالك
وليه طرق كتير ومش اي حد بيعرف يعمله
الا لما تتدرب عليه مرة واتنين وبيتم باتفاق بينك وبين شخص
كنوع من التدريب بعدين بتجربه لكن مش اول مرة مش هتحصل
خلاص هتقول ده كلام اي هتش
والتخاطر ليه كذا نوع ومن ضمنها انتقال الافكار بين الحاضر والماضي والمستقبل
فيه قصة بتدل على كده بس عشان مطولش باختصار
فيه كهف يقع على حدود ليبيا والجزائر تقريبا
كان مهجور من زمان وتم اكتشافه القرن اللي فات
ووجدوا على جدرانه رسومات لمراكب فضائية وحاجات من واقعنا
واللي مكنتش موجودة زمان ولا كانو يعرفوا عنها اي حاجة


طبعا بس للتوضيح لما تحب تتواصل مع شخص عن طريق عقلك
مش هتقعدك تحكي وتتحاكى معاه بالخواطر
انما هي بتبقى رسالة واضحة وقصيرة ومحددة
لانك فالخطوات هتقعد تكررها كتير اوي زي ايه مثلا

" اتصل بي "
" تعالى لزيارتي "

وفيه نوع تاني انه تنقل الاحاسيس اسمه تخاطر العواطف
لما تكون عايز توصل رسالة لحد مثلا انا بحبك وحشتني هكذا

المهم محاور النقاش كالآتي :

هل تؤمن بوجود الفكرة ولا لا ؟
هل جربتها قبل كده ؟ ايه اللي حصل معاك ؟
ايه رايك فالموضوع ككل هل هي حاجة كويسة ولا لا ؟

عذراً للإطالة منتظرة نقاشكم ..

[رقـة الندى]

أولاً : أنا بحييكِ على الفكرة الموضوع دع في تفكيري من مُدة طويلة و حاولت أقرأ عنه بس موصصلتش لـ حاجة -_-

هو شخصياً : أنا مؤمنة بـ الفكرة جداً
و مؤمنة بـ اللي أبعد من كده ، بوجود وليف روحي لكُل شخص !

اللي حصل معايا اني كُنت مسافرة مرة
و انا راجعة من السفر كُنت بفكر في حد بطريقة كبيرة جداً شاغل جل تفكيري تقريباً !
و كُانت المنطقة مفيهاش شبكة
أول ما وصلت و الموبايل جه في شبكة لقيت مسج من الشخصية كانت تقريباً مبعوتة في نفس الوقت اللي أنا كنت بفكر فيه فيها

[Lost Pearl]

اه ده بيحصل فعلا انا مؤمنة بوجوده ،، بس ايه تفسيره و كدة مش عارفة هههههه

و حصل معايا كذا موقف من اللي بتقوليهم ،، تبقي عايزة تقولي حاجة لحد و ييجي هو يقولها

او تقولي انتي و اختك حاجة مع بعض فـ نفس الثانية

او حد يبقي واحشك و تلاقيه بيكلمك

موضوع جميل يا سيلينا تسلم ايدك ،،

[جبل عالي]

ده صحيح ياسيلو وبيحصل كتير

وساعات لما بنحس بحد ولا حاجة مقلقة هتحصل

يُقال ساعات عنده الحاسة السادسة

تسلمي ياجميلة للموضوع

[العاشق الذى لم يتب]

هذه حقيقة منذ ان خلق الله الكون
وهاك آيات وأحاديث تشيرلهذا المعنى
وكثيرا مايجدالمرء أنه يخطرعلى باله شيئ
وإذ يرى شخصا يقول له مايجول بخاطره
تسلمى سيلى
طرح عظيم
مودتى

[۩۩ elMagic ۩۩]

البت اختي الصغيره
في اوقات كتير انا اقول حاجه وهى كمان ف نفس الوقت
بأحسها بتتبسط اوي بالموضوع دا
مش عارف عايزه تطلع زي ليه .. بلا نيله
وعلطول بأعظم منها وأقلل مني انا
علشان تبقى احسن مني مش زي ,,
وكمان إنك تقولي كلام لحد وهو كان عايز يقولهولك بس متردد
فا دا مش اى حد ممكن يعمله
لازم بيكون شخص متعلق بيكي جدا وحاسس بيكي
لدرجه إنه يدخل جوا دماغك ويعرف انتي عايزه تقولي ايه
ويقولك عليه علشان يريحك من التردد دا ..
موضوع جميل منك سيلينا
تسلم ايدك بقآ ,,

[NGMA]

اه هي حاجه حقيقه وحصلت معايا كتير

لاكن بتبقي حاجه حلوه انك حد عاوزاه يقول حاجه ويسبقك بالفعل

[توحد ارواح]

فعلا الظاهره دى موجوده وساعات كتيره بتحصل
لانها بتكون تواصل بين الاذهان
والتواصل بيشمل الافكار والاحاسيس والمشاعر والتخيلات
ومتهيألى كدا التخاطر بيوصل مداه
اما يكون ف اتنين بينهم شفافيه ومرتبطين ببعض جدا
تسلمى ع الطرح الجميل الشيق سيلينا
تحيتى

[حلم عمري]

هي فعلا الظاهرة موجودة
بس زي ما ذكرتي محتاجة اتنين مقربين من بعض اووي
بحيث انه يكون عارف الشخص التاني بيفكر في ايه
وممكن تحصلي لما اقول انا واختي حاجة في نفس الوقت
او انك تكون بتفكر في شخص وفجاة تلاقيه قدامك
معنديش خبرة اووي في الموضوع دا بس استفدت شوية منك
موضوع رائع سيلو تسلمي يا قمر

[Lamees]

جميل موضوعك يا سيلو
اوقات كتير بكون بدندن في اغنية في بالي
وفجأة اسمع اللي جمبي بيغنيها بكون هتشل ساعتها
واوقات بقول حاجة في نفس الوقت مع شخص آخر
بقعد اضحك انا وهي وقتها كتير
وحاجات زي دي كتير
تسلمي للموضوع سيلو