دمعه حزن (ابيض واسود)

[أمواج الرحيل]

يارب بدعيلك وأنا مكسور وبموت

من همى بشكيلك وبقول بعلو الصوت

ايديا فى السما وعمرىشريط ويفوت

دمعه قريبه من عيونى نزله بتدعى ليك

بتقول يارب مهما الكرب الفرج برضو قريب

مابين جمع من الناس سامع يارب كلامى

مش طلبه غير رحمتك فى الدنيا ولما الموت

يجى بصحبه الملايكه يدق ياربى بابى

اعلنت ليك يارب ندمى وعصيانى وبتوب

من كل ذنب يارب وانت العالم بالقلوب



مخنوق ياقلبى وسط صوت مش مسموع

ماشى فى طريق لاضى فيه ولا شموع

الهم راسم جبهتك والنبض فيك مخدوع

تعالى نمشى بعيد ياقلبى انا وانت لاكن

مهما مشينا الذكرى مش ممكن تموت

ولوفضلنا نبكى عليها وفى الآخر ياقلبى

عرفين لايمكن ايامنا الحلوه تانى تعود


وأفضل وحيده فى ضل الزمن وأنا

مش عرفه اميز بين الضلمه وبين النور

يمكن خلاص تاهت حياتى وسط خوفى

وبقيت ياقلبى طير شريد جناحه مكسور

عايز يطير يبعد بعيد ويلمس السما لاكن

مكتوب لحلمه أنو يعيش بين الالم محبوس



سهله عليك انك تسكت يوم جراحك

وتطفى نار الحرف فيك بسوط سوكاتك

وايدك تمحى دمعتك وتكتم كلامك

بس صعب انك تقول للقلب انسى جراحك

وتحاول انك تلمسه وتمنع هموم اوجاعك

بالعكس لما تكممو نيرانو تزيد ونيرانك

صعبه اوى هموم القلب تتخفف للحظه

ولو حتى كان هتعيد جراحه ذكرياتك




عادى بقى اهو كاس وكلنا شربينو

نيران الحياه ومرار الجرح ديقينو

وكل ما تصب اكتر الكاس بمر يفيض اكتر

تحس النار طلعه منو ويامنجى من لهيبه

نتحرق بنيران دموعنا ونشرب ويزيد وجعنا

خلاص دا العادى تبعنا كآس المر عرفينو

اشرب من سكات ياقلبى هنفضل نجيب ونودى

ونشرب اكتر واكتر واكتر دا طعم المر مش حسينه

فاشرب من سكات ياقلبى هنفضل نجيب ونودى

فرح صغير عمره قصير ولون الضحك مش عرفينو

وهيفضل لهيب الكآس فى عطشنا هو الا رواينا

دا ملايين الملايين من الناس زينا برضو شربينو


بقلم
أمواج الرحيل

[جبل عالي]

مش بقولك ؟؟

تحفة ياامواج بجد

تسلم ايدك ياقمر وبالتوفيق يارب

[توحد ارواح]

مش هنخلى اليأس يعشش جوانا
والامل والتفاؤل هيملانا
وهيجى يوم نحب ايامنا
طالما بدأتى وقولتى يارب
اكيد هتتبدل الاحوال
بوح جميل رغم النزف
احسنتى امواج وبانتظار جديدكِ

[العاشق الذى لم يتب]

الله عليك أمواج
بوح جميل
ومناجاة لرب العالمين
وأمنيات وذكريات وهموم تزاحم الوجدان
تسلم الايادى
وربنايوفقك
دمت بخير
ودام النبض
تحياتى

[أمواج الرحيل]

اقتباس المشاركة الأصلية كتبت بواسطة جبل عالى مش بقولك ؟؟ تحفة ياامواج بجد تسلم ايدك ياقمر وبالتوفيق يارب

الراقيه جبل عالى اسعدنى تواجدك الراقى دومتى لنا

[دمعه حائره]

كلمات رائعه ومعبره عن الصور
تسلمى وموفقه يارب

[أمواج الرحيل]

اقتباس المشاركة الأصلية كتبت بواسطة توحد ارواح مش هنخلى اليأس يعشش جوانا والامل والتفاؤل هيملانا وهيجى يوم نحب ايامنا طالما بدأتى وقولتى يارب اكيد هتتبدل الاحوال بوح جميل رغم النزف احسنتى امواج وبانتظار جديدكِ

الرائعه توحد ارواح اشكر مروركم

[شاعر الحب الحزين]

إيه الإبداع والإحساس ده كله

قدرتي تجمعي احساسك في 5 صور

وبأحاسيس مختلفة وجميلة جدا ومعبرة

بجد جميل احساسك يا امواج

احييكي على مجهودك الكبير

كل الشكر والتحية لكي

[أمواج الرحيل]

اقتباس المشاركة الأصلية كتبت بواسطة العاشق الذى لم يتب الله عليك أمواج بوح جميل ومناجاة لرب العالمين وأمنيات وذكريات وهموم تزاحم الوجدان تسلم الايادى وربنايوفقك دمت بخير ودام النبض تحياتى

تسلم للمرور ياعاشق

[أمواج الرحيل]

اقتباس المشاركة الأصلية كتبت بواسطة دمعه حائره كلمات رائعه ومعبره عن الصور تسلمى وموفقه يارب

تسلمى للمرور دمعه