ضيف فى بيتـة مع شاعر الحب الحزين

[ساحر الأحزان]

بسم الله الرحمن الرحيم

اليوم بتعتبر رابع حلقة من برنامج

ضيف فى بيتـة

ومعى تالت ضيوف البرنامج

عضو مميز وصاحب قلم جميل فى المنتدى


وهو




شاعر الحب الحزين

عضو فوق الوصف

أهلا بيك شاعر الحب الحزين فى البرنامج

أهلا وسهلا بشخصك الكريم امجد واكيد ليا الشرف

اني اكون الضيف التالت في برنامجك الجميل

ونخش بقى على الأسئلة

ممكن نتعرف على بطاقة شاعر الحب الحزين الشخصية ؟

إنسان عادي جدا

اسمي خالد عمري 24 سنة مقيم في الاردن

ترتيبك فى عائلتك؟

الوسطاني 3 اكبر مني و3 اصغر مني

مين أقرب الأشخاص ليك فى العائلة ؟

أكيد كلهم قريبين مني وفاهمني

ياترى سرك عند والدتك ؟

لا بصراحة مش بقول اسراري لحد من العيلة

ولا عند والدك ؟ولا عند مين أخواتك ولا أصدقائك؟

هو صديق واحد ليا مصاحبه من 15 سنة هو اللي بحكيله

اكتر اسراري واحيانا بقولها هنا في المنتدى عن طريق الشعر والكتابة


صداقة الطفولة بتكون حلوة هل ليكى أصدقاء من الطفولة لحد دلوقتى؟

أكيد هو صديقي الوحيد من 15 سنة

شاعر الحب الحزين

متسرع ؟

لا بحب احكم عقلي قبل ما اعمل اي حاجة

هادي؟

جدا جدا

عصبي ؟

بتعصب لحاجات معينة واكترها الظلم والجهل بالدين

أى الصفات أقرب ليك ؟

مش بحب اتكلم عن نفسي بس انا طيب لأبعد حدود

شاعر الحب الحزين؟

ذكرى تحب أن لا تنساها؟

أكيد الذكريات الجميلة محدش يقدر ينساها

وذكرى تحب أن تنساها؟

الظلم اللي في كل مكان والقتل للأبرياء

موقف عالق فى ذاكرتك؟

كل ذكرياتي المؤلمة لازالت عالقة في ذهني وذاكرتي

حياتك الشخصية ؟

الحمدلله على كل حال حياة زي باقي الناس

مش احسن من أي حد وراضي بنصيبي اكيد

هل أنت من النوع المغلق على نفسة ؟

نعم جدا واحب الجلوس وحيدا دائما

ولا من محبى الصداقات؟

يكفيني إخوتي واصدقائي هنا وصديق عمري طبعا

أية رئيك فى السياسة هل بتحب الكلام فيها؟

في الزمن ده الرأي بقى بيجرح وهي مش سياسة

انا شايف ان الظلم في كل مكان مش بس في مصر

لو هتكلم في السياسة يمكن تختلف نظرة ناس كتير عني

لكن بقول ربنا يصلح الحال إن شاء الله

وأية رئيك فى الوضع الحالى ؟

الوضع الحالي بصراحة وضع طبيعي جدا

ومصر مفيش فيها إرهاب انا قرايبي في مصر

بيقولولي إن مصر حلوة ومفهاش حاجة

بس لو اعلامنا المحترم يبطل الفتنة اللي عاملها دي

بخصوص المرشحين للرئاسة بعد ترشيح السيسى

جو المنافسة حيكون أية؟

مفيش منافسة ولا حاجة واللي هيحكمها هو السيسي

هي باينة من أولها

وهل هناك منافسين للسيسى فى الترشيح؟

أتمنى يكون في منافسين محترمين يخافوا على مصلحة البلد

ترشح مين لرئاسة مصر القادم ؟

ولا مرسي ولا السيسي

لأن مرسي حليم جدا ودي متنفعش في الزمن ده

والسيسي لو حكم هيظلم ناس كتير مش موافقين عليه

عايزين رئيس يرضي جميع الأطراف والشعب بكل فئاته

العنف من البنات فى المظاهرات ؟

العنف من البنات ولا العنف ضد البنات

انا شايف ان البنات مظلومين جدا

وهما بيعبروا عن رأيهم مش اكتر

ما رئيك فى تلك الظاهرة وبما تنصحيهم؟

انا نفسي والله ان محدش يتظاهر خالص

لأن اللي بيعملوه كله ع الفاضي ومحدش حاسس بيهم

غير ربنا بس هما مش بيتظاهروا تضييع للوقت

هما بيتظاهروا عشان في ناس منهم ماتوا وبيطلبوا حقوقهم



ما رئيك فى مشاركة البنات فى السياسة ؟

انا بصراحة ضد مشاركة البنات في السياسة

عشان البنت بقت تنضرب في الجامعات دلوقتي

وتتسجن عادي لا وبتتضرب بالنار كمان عشان بتعبر عن رأيها



العنف فى المظاهرات ألى بيصل للتخريب والتدمير للمتلكات العامة ؟

ارفض تماما التخريب والتدمير للمتلكات العامة

أيا كان من يقوم بهذا الفعل المشين

ما رئيك فية وبما تنصح من يقوم بالتظاهر ؟

هو حل واحد للحكاية دي كلها يتم الإفراج عن كافة المعتقلين

ومحاسبة كل شخص قتل ومحاكمته محاكمة عادلة

وهنا ستنتهي هذه المظاهرات ولن تنتهي بعنف ابدا او عنصرية


سؤال فنى

ما رئيك فى قناة فلول فيما تقدم

هل تؤيدها أم تعارض مع ذكر السبب؟

قناة فاشلة واعارضها جدا لأنها ليست محايدة

ولا قناة في اعلامنا المصري كانت محايدة

انا مع كافة فئات الشعب ولا انتمي لفصيل معين او حزب معين

ولكنني لا احب الظلم اتمنى ان نكون كما كنا بعد 25 يناير

اخوة جميعا على الحب دائما مجتمعين وان اقول رأيي بكل حرية

وتقول رأيك بكل حرية وان اختلفنا في الرأي نبقى مسلمين

لا نحلل دمائنا ابدا ولا نسفكها لإرضاء الغرب وشيعته ومن هم على شاكلته



يا ترى مش حنشوف سيدة ترشح نفسها للرئاسة ؟

احتمال سما المصري

ولا رئيسة وزراء

اه ليلى علوي او الهام شاهين

نخش على المنتدى


أنت منتشر فى المنتدى كتاباتك مقتصدة على أقسام


معينة فى الشعر والأبداعات ؟



أية السبب؟وهل ممكن نشوف كتابات شاعر الحب الحزين


فى أقسام أخرى ؟

بصراحة اقسام الشعر هي الأقرب ليا في المنتدى

وبصراحة السمك لو طلعته من الميه يموت وانا كده مع الأقسام دي

أحكى لنا عن حكايتك مع الكتابة هل الكتابة عندك موهبة أم دراسة ومين ألى شجعك على الكتابة ومن هو

كاتبك المفضل فى الحياة ولماذا؟

انا بصراحة من صغري وانا عندي 6 او 7 سنين كده كنت بمسك القلم

وافضل اكتب واخربش حاجات كده ومع الأيام بقيت اكبر وتكبر جوايا الموهبة

وانا مش درست غير 10 سنين والفضل في كتاباتي وكلماتي اكيد لرب العالمين

سبحانه وتعالى واكيد انا بتعلم الكتابة كل يوم من كل كلمة شكر ورضا ورد من اخواتي

هنا في المنتدى على كلماتي بالنسبة ليا معنديش شاعر مفضل ابدا

ولا عمري قرأت غير للأعضاء الغاليين اللي في المنتدى وماشاء الله عليهم فنانين

مين الكاتب المفضل عندك فى المنتدى ؟

اخاف اقول حد وانسى حد كلهم ماشاء الله عليهم

شاعرة الرومانسية ورفعت وابو عصام وفتحي عيسى وجبل عالي وايمان طلعت وابتسامة

وقيثارة الصمت وبقايا صمت والقيصر ونفرتيتي وامواج الرحيل وآية حكاية وكتير كتير المميزين

واكيد الأخت الفاضلة بعد المغيب ماشاء الله عليها صاحبة كلمة حق وشمس المنتدى



ومين أقرب أصدقائك ؟

كلهم اصدقائي والحمدلله وكلهم رائعين واتشرف بصداقتهم

ما رئيك فى بنات مصر ؟

احسن منتدى عربي ومن دون مجاملة

بصراحة فيه مميزات مش موجودة في أي منتدى تاني

العضو الجديد فيه بياخد حقه زي القديم والكل فيه بيتمتع بالروح العالية

والأخلاق الجميلة وفيه اوسمة ومسابقات والمشرفين متعاونين جدا مع الاعضاء

بصراحة مفيش احسن من كده منتدى يارب دايما للأحسن ان شاء الله

من حيث السلبيات ومن حيث الأيجابيات ؟

لا مفيش سلبيات ابدا الحقيقة

وكل شيء في المنتدى ايجابي من اقسام ومشرفين واعضاء

كلهم روح وحدة وقلب واحد وعيلة واحدة وبيت واحد

ما أحب الأقسام عندك ؟

أقسام الشعر

من هم الكتاب فى المنتدى المتابع لمواضيعهم ؟

العاشق رفعت وإيمان واخي ابو عصام والكاتب فتحي عيسى

وليس بالضرورة ان اتابع لكاتب معين بل الكلمات نفسها هي التي تتابع

بغض النظر عن كاتبها

تحب تقول أية للأعضاء فى المنتدى

بقولهم إنـــي بحبهــم جميعــا من أولهم لآخرهم

ومحدش يزعل مني من كلامي اللي في السياسة فوق

انا ما قولتش غير الحق وعبرت عن رأيي بس

واكيد لو اختلفنا في الرأي مش هتختلف قلوبنا ابدا

احنا خلافنا مش مع بعض انا نفسي ترجع بلادنا احسن بلد في الدنيا

وانتا نفسك كده برده وده سبب اختلاف ارائنا

احترامي وتقديري للجميع هنا الله يسعدكم ويوفقكم جميعا

بشكرك شاعر الحب الحزين لقبول الدعوة

ده اقل واجب واكيد سعيد جدا إني شاركت

في البرنامج الجميل ده واتشرفت اني كنت ضيفك هنا

كل الشكر والتحية لك يا أبو المجد

وأنتظرونى فى اللقاء القادم

[big bốss]

خالد شخصيه مميزه فعلآ و انا ملاحظ كدا انه شاعر و مرهف الحس

اتمنالك التوفيق و التألق

و حمد الله على السلامه يا امجد

[شموع الروح]

منور يا امجد
اهلا بيك يا خالد نورت الحلقه
تسلم يا امجد علي الحلقة وعلي الاستضافه المميزه
تحياتي

[شاعر الحب الحزين]

اقتباس المشاركة الأصلية كتبت بواسطة big bốss خالد شخصيه مميزه فعلآ و انا ملاحظ كدا انه شاعر و مرهف الحس اتمنالك التوفيق و التألق و حمد الله على السلامه يا امجد

انتا اللي شخصيتك جميلة جدا يا بيج بوس

وخفة دمك منتشرة في المنتدى كله

بكل حاجة بتكتبها ضحكتك الجميلة بتبقى مع كلامك

اكيد سعيد جدا بشهادتك وكلامك

نورتني جدا

احترامي وتقديري لك

[شاعر الحب الحزين]

اقتباس المشاركة الأصلية كتبت بواسطة شموع الروح منور يا امجد اهلا بيك يا خالد نورت الحلقه تسلم يا امجد علي الحلقة وعلي الاستضافه المميزه تحياتي

شموع الروح اهلا وسهلا بشخصك الكريم

النور نورك اكيد بوجودك الجميل هنا

نورتيني جدا

احترامي وتقديري

[أمواج الرحيل]

الراقى خالد اجابات مميزه جداً منك أخى حقا قبل ان تكون قلماً مبدع فى انت انسان راقى فى حرفك واحساسك وانا من المتابعين بلا فخر لك

استضافه رائعه ساااحر

[Silver Flower]

ماشاء الله
امبين خالد من أشعاره وكتابته. اديش هو إنسان نبيل وردوده هلق أثبتت الي انه فكرتي عنه ما اتغيرت
احترامي وتقديري لشخصه

[رنيم.]

مقابلة كانت كتير جميلة مع شخصية جميلة بالمنتدى
واجوبته كتير كانت ذكية وراقيه

يسلموو امجد عالبرنامج الجميل واللقاء الرائع مع خالد
تحياتي لسموكم

[العاشق الذى لم يتب]

بجدانافرحان بالبرنامج ده ياأمجد
علشان تعرفت أكترعلى شاعرنا العظيم
وأول مرة أعرف اسمه
ربنايبارك فيك ياغالى
فعلا ومن غيرنفاق ويشهدربى عليا
أنى أحترمك جدا واعزك جدا
ومعجب جدا بكلماتك وتلاقائيتك الجميلة
فى اشعارك المتنوعة
قلم راقى وواعى
كما أنى سعدت بردودك هنا وهى تدل على
اصلك وخلقك الرفيع
بالاضافة إلى فكرك المستنيروملم بماهو حولك
ربنايوفقك دوما
وشاكرلك اخى أنك ذكرتنى بالحسنى
بارك الله فيك
وشكرا امجدعلى الحوار الرائع
تحياتى

[شاعر الحب الحزين]

اقتباس المشاركة الأصلية كتبت بواسطة أمواج الرحيل الراقى خالد اجابات مميزه جداً منك أخى حقا قبل ان تكون قلماً مبدع فى انت انسان راقى فى حرفك واحساسك وانا من المتابعين بلا فخر لك استضافه رائعه ساااحر

والله اخجل امام حضورك دائما فهو اكبر من

أن اصفه بكلام تكتبين بقلبك وليس بقلمك فقط

أنا لي الشرف بهذا الحضور الراقي والتواجد الكبير

وسعيد جدا بمعرفة انسانة بحجمك وخلقك الرفيع

احترامي وتقديري الكبير لكي امواج الرحيل