زوجه تتفق مع عشيقها لقتل زوجها

[morshooo]

بسم الله الرحمن الرحيم

مزاج الخير

دائما الواحد لما بيقرا اخبار الحوادث لازم يلاقى الخبر دا

( زوجه تتفق مع عشيقها لقتل زوجها )

وتشوف التفاصيل تلاقيها كلها واحده

اصل الزوجه على علاقه مع عشيقها من ( 3 سنين )

واتفقت مع عشيقها عشان يموتو زوجها

ويجبولك بقى التفاصيل طلع قبل جوزها مايرجع من الشغل

والعشيق طلع عليه وموته وقطعو الزوج ورموه فى الزباله

او ممكن سيناريو تانى اصل الزوجه حطت سم لزوجها

وعشيقها اشتراه .......... الخ

انا ميهمنيش كل الكلام دا بس الى يهمنى حاجا واحدة

ليه تفكير الزوجه بيروح ( لقتل الزوج )

ليه مثلا ماتطلبش الطلاق .

سؤالى :

ياترى ايه سبب تفكير الزوجه لقتل زوجها مع عشيقها ؟
وياترى بتفكر فى التصرف دا لاننا فى مجتمع شرقى فمتقدرش
تسيب بيت زوجها
وتروح لاهلها وتقول انى بحب حد تانى ؟

[أمواج الرحيل]

والله يا أخ مرشو انا هقول كل دا تمزق أخلاقى وانعدام الايمان بالله وحتى لو بتحب حتى غير جوزها دا مينفعش اساسا طب كانت ممكن تقولو وتعرفو وبعدين عادى بقى فى الزمن دا

الام تقتل ابنها الاب يغتصب بنتو والزوج كمان يقتل حماته ومراته وعجبى

[شاعر الحب الحزين]

سوق الحياة مليان من الحاجات دي دلوقت

وبأرخص اسعار

بس السؤال اللي سألته جميل يا مورشو

طبعا جوابه ميقدرش يجاوب عنه غير وحدة

عملت العملة دي بس احنا ممكن نحط أجوبة برده

بص البنت المتجوزة حتى لو بتكره جوزها وبتحب غيره

مش هتقبل إن وحدة تانية تعيش معاه غيرها

ف ممكن ده سبب إنها بتقتله بمساعدة عشيقها

من ناحية تانية عشيقها ده مستحيل يتجوزها

وهي عارفة الكلام ده كويس

فاسمحلي اللبنت اللي تعمل كده اكيد متجوزة غصب عنها

أو هي مش بتاعت جواز ومش أهل للحياة الزوجية

اكتر القصص اللي زي دي بعد ما يتم قتل الزوج

تلاقي العشيق ده بقى بيتكبر عليها ومش بيهمه حاجة

وبيبعد عنها ف بتنتهي الحكاية إما بإنتحار البنت دي

أو إما تلاقيها بتموت ولادها ودي نهاية كل غلط


احترامي وتقديري لك على هذا الموضوع الشيق

والواقعي للأسف

كل الشكر والتحية لك مورشو

[رآقيہ بأخلاقـى]

بص هو الموضوع من الاول غلط مينفعش ان واحدة تعرف واحد وتحبه وهى متجوزة
لكن هنبعد عن كلمة مينفعش دى لان الكارثة دى بتحصل كتير وواقع عيشنوا
جايز تكون مش بتحب جوزها ومكانتش موافقة عليه من الاول ومش عايزاه
وبتتجوزا غصب عنها وبعد كدة بتلاقى الحب اللى كانت بتحلم بيه مع حد تانى
خلاص عادى يا سيتى اطلبى الطلاق مفهاش حاجة ومش لازم تروح تقول لاهلها انها
بتحب واحد تانى لا خلاص تقول مش قادرة اعيش معاه مش متفقين اى سبب
ربنا حلل الطلاق هو اه ابغضوه بس حلال نروح اقل درجات الحلال ولا نروح للكبائر ؟
والله انا بقرأ الحوادث اللى بالشكل ده بستغرب ليه بيلجئ الزوجة لقتل زوجها ومتطلبش منه
الطلاق وتريح نفسها بس زى ما انت قولت فى اهالى بتكون هى السبب فى كدة
يعنى مثلا يقولوا لا عيب معندناش حد فى عيلتنا اطلق وتجبيش السيرة دى على لسانك تانى
فـ الزوجة بتبقى مضطرة تلجئ لقتل زوجها وبيكون كدة الكل مشارك فى الجريمة دى
وربنا يصلح حال الجميع ..

[phalsteen]

كنت تابعت في برنامج صبايا الخير تقريبا حالة زي دي
وبرضو قولت ليه القتل ولية من الاساس نخليها لما توصل للانحطاط دا
بس لكل حكاية اسرار وخيوط
متتبررش بس ع الاقل هتوضح
ويمكن ليها ضحايا
وليها ذنوب

[توحد ارواح]

سؤالى :

ياترى ايه سبب تفكير الزوجه لقتل زوجها مع عشيقها ؟
وياترى بتفكر فى التصرف دا لاننا فى مجتمع شرقى فمتقدرش
تسيب بيت زوجها
وتروح لاهلها وتقول انى بحب حد تانى ؟

عموما اى تفكير بالغلط نتيجة قلة الوازع الدينى وضعف الايمان
لان اى انسان اما يكون الايمان مالى قلبه عمره ما يفكر يعمل حاجه غلط
وبالنسبه للحاله دى طبعا الزوجه بعيده خالص عن ربنا والشيطان ضاحك عليها
فيبرر لها كل ما تفعله ويزين لها سوء عملها حتى تتمادى فيه لدرجة انها تقتل نفس بريئه من عند الله و ف مقدرتها تطلب الطلاق طالما لا يطيب لها العيش معه ولكن زى ما قلت المجتمع والعادات والتقاليد
ربنا يهدينا جميعا ويثبتا ويبعد عنا الشيطان
شكرا على طرحك الحيوى
تحيتى وتقديرى

[رنيم.]

سؤالى :

ياترى ايه سبب تفكير الزوجه لقتل زوجها مع عشيقها ؟
وياترى بتفكر فى التصرف دا لاننا فى مجتمع شرقى فمتقدرش
تسيب بيت زوجها
وتروح لاهلها وتقول انى بحب حد تانى ؟


هو من الاساس موضوع ان الست تحب على جوزها غلط زي ما الكل اجمع
بس للاسف حبت وحصل اللي حصل
نيجي بقى لاجابة سؤالك ليه بتوصل للقتل
ممكن لاسباب كتيرة منها
الزوجة مريضة نفسيا وكمان ممكن زوجها كان معزبها جداا وحبت تنتقم منه فبتقتله
وفي شي كمان ممكن عشيقها يكون طمعان بالشقة او الفلوس وحبوا انهم يورثو
لو فكرنا هنلاقي اسباب كتير
بس اهم سبب قلة الايمان والبعد عن ربنا وتحكم الشيطان فينا

يسلموو ع التوبييك الرائع

[العاشق الذى لم يتب]

كتيرة القصص دى ياعم مرشو
والتاريخ المعاصرالحديث
وكمان القديم فيه مايشيرلمثل هكذا حكايات
ولكن كثرت هذه الايام
مع كثرة انعدام الضمير
وقلة الدين
اللهم اصلح احوال عبادك
شكرا لك احمد
لطرح هكذا موضوع
دمت بخير
تحياتى

[.Lamar]

رغم ان اللى حكيته موجود و بسمع عنه

لكن حين قرات موضوعك حسيت بحيرة

يمكن ما قدرت اتخيله حقيقة بتحصل

ان فيه انسان ممكن يعمل كدة

ان مكنش بدافع الحب يبقى على القليل بدافع العشرة

وانسان كل ذنبه انه ااتمنها على نفسه و اسمه و عرضه

تابعت الردود بس مقدرتش احدد ليه ممكن واحدة توصل للدرجة دى من الانحطاط

شكرا ليك

[فتحى عيسى]

ما بين الخيانة والشرف شعرة
اللي بتتعداها خلاص ضاعت
وكل شيئ في عرفها
جايز ومقدور عليه
وياما في الجراب يا حاوي
خلف الأبواب مصايب وبلاوي
ربنا يستر علي الجميع
ويرحمنا برحمتة
أحييك أخي الكريم علي طرحك الرائع
سلمت والنبض
مودتي وإحترامي