سنه واحده كفايه

[صياد القمر]

اللي ساجن نفسه جوه نفسه شخص واحد واللي عاش طول عمره يعبد رب واحد
واللي ضحي بكل متعه ورب العباد عليه شاهد واللي قضي عمره كله لارضه ولعرضه بيصون وبيجاهد
واللي مش فارق معاه غير بلاده وشعبه والصف يبقي واحد
واللي من تلاتين سنه يحزرنا بعددنا اللي بيتزايد
.............
واللي قال يا شعب ليه عايز تاكل وانت قاعد
قوم اشتغل ابني وعمر صلي وكبر وثوابك زي المجاهد
طلع الدود من تحت الارض وقال عليه فاسد
..........
والكل ردد وراهم امشي يا جاحد
والثورة تمت والجيش في ضهرها بيساند
الشعب واثق فيهم اصلهم ماليين المساجد
.......
دقونهم غزيرة واعدادهم كبيرة والخير علي ايديهم وارد
والشعب وراهم في الانتخابات شعب وشوري ورئاسه
وحكموكي يا مصر يا محتاااسه
مشروع نهضه اصل دا كله علم وفن ودراسه
عملوه عباقره علماء ومفكرين ادباء وفنييين
الخير كله جاي وهبقي شعب م الساسه
........
......
هتموت ازماتنا
وهتعود حضارتنا
واسلامنا هيعم الدنيا بسلاسه
.......
...
.
الشريعه هتحكمنا والاخلاق بينا طراحه
......
هنحب بعضنا وشعارنا حب وسماحه
....
وكبر الدود وبقي تعابين في الارض والجو سراحه

مجلس الشعب ضيعوا هيبته وبقيت قوانينه رداحه
والشوري كمان تعابينها ملت الساحه
فاتت سنه والشرعيه في كل خطاباته نباحه
.....
...
فين الشريعه؟!!!!
فينالديانه؟!!!!!!!!

فين النهضه؟!!!!!!!
فين الامانه؟!!!!!!!!
دا حتي دم الشهيد ضيعوه الناس الجبانه شاغلين نفسهم بتنظيمهم وسايبنك يا مصر غرقانه
لا مش كفايه تعيشي يا مصر تعبانه
دانتي كلك بمؤساستك فسدانه
وكاْنهم رسل وبعتهم لينا مولانا
ملايكه مبيغلطوش وحناجرهم في السما رنانه
....
...
مرشد يخطط وشاطر يظبط
وريئسنا للجهاد في سوريا دعانا
يبعتنا نحارب اخواتنا وجايب الارهايبيين يعيشوا ويانا
لا مش كفايه تعيشي يا مصر ندمانه
دا كلك يا شعب بكره تعيش في زنزانه
جدارها جنود وكبيرها مولانا
يا عم فوق الناس من عيشتها زهقانه
عايزين نعيش وتعيش بلدنا جوانا
اعداءنا كتير ومن كل ناحيه محوطانا
وانت عايش لاهلك وناسك ومش فارقه مصر بناسها التعبانه
بس علي مين
دا احنا المصريين كلنا همه وشهامه ومتانه ومصر جوه عنينا وعايشه جوانا
وانت حكمت علي نفسك وتنظيمك
قولتها وبصوت عالي سنه واحده كفايه
واحنا مش عايزينك
روح من طريقنا ولم تعابينك
وارجع يا دود للارض هندوس عليك بالطول وابالعرض
واحنا اللي هنحمي الشرف واحنا اللي هنصون العرض
وجيشنا مش عسكر دول افضل جنود الارض
......................................
..................................
..................
منتصر

[العاشق الذى لم يتب]

خاطرة سياسية
ومضمون رائع
ولازم تعرف
أن ربك ليه حكمة
ومع العسريسرا
والظالم ليه يوم
شكرا لك
بارك الله فيك
وحيا الله المنيا ورجالها
دمت بخير

[ابتسامة الزهر]

أن شاء الله القادم احسن
وربنا يحفظ مصر من مفسديها
ينقل للعاميه

[جبل عالي]

محاكاة لواقع أزهق فينا روح الأمل

ربنا يصلح حالنا جميعا ويبدل مانحن فيه

كل الشكر والتقدير لجميل ماطرحت

[صياد القمر]

اقتباس المشاركة الأصلية كتبت بواسطة العاشق الذى لم يتب خاطرة سياسية ومضمون رائع ولازم تعرف أن ربك ليه حكمة ومع العسريسرا والظالم ليه يوم شكرا لك بارك الله فيك وحيا الله المنيا ورجالها دمت بخير

شكرا اخي وبارك الله فيك

[صياد القمر]

اقتباس المشاركة الأصلية كتبت بواسطة ابتسامة الزهر أن شاء الله القادم احسن وربنا يحفظ مصر من مفسديها ينقل للعاميه

يا رب يكون احسن
شكرا علي النقل