كرسى الرئيس (مسابقة شاعر المنتدى 5)

[a7med -3del]

كرسى الرئيس .. مش حسبة امسك ياسيسى .. ماهى عزبة بتاعتك .. وبتاعت ابوك انت مش محتاج تفويض علشان الدم يزيد حتى اسال اللى جابوك مش دولة دانت واخدها وراثة وحق ليك مشروع نص الشعب .. بيموت فيك والنص التانى مات من الجوع والدنيا بجد دوارة وفى يوم هتبقى انت المخلوع وتسلم ايدك ياللى حافظت على الوطن كتمت صوت الحق والحر ... مات واتسجن اقسم بالله مالينا اى اطماع انا اشتريت والشعب باع تلاتة يونيو ثورة فنانين ويناير ثورة جياع وتسلم الايادى الطاهرة النضيفة والذل عادى لو نبوس حتى الشريفة من يوم ماقولت مصر هتبقى الدنيا وبقينا نكتة ومش لاقيين حتى التعريفة بتكلمنى عن انجازاتك عن اهرامتك ما كفاية بقى وحياتك مسلسل ام الدنيا دانا لما صدفة بشوف خطاباتك اسمع حوراتك بحس انك بتوصف بلد تانية صوتى مالوش اى دور على ايه اتعب اقف فى طابور وانا صوتى مالوش تاثير زى اتنين ماسكين فى بعض وبكل اسوة بيعايرو بعض واحد اعمى والتانى ضرير علشان حمير ويفيد بايه انزل واختار اتعب واحتار وانا مش فى ايدى قرار وانزل ليه دول ناس نايمين وهاختار مين وانا تحت حصار لاء تساوى ضرب نار نعم تكون خيرة الاخيار مش فارقة بقى عايشين فى ايه ماهى الكوسة شبه الخيار حد يندهلى المخابرات تانى a7med adel

[رنيم.]

امر من صفحاتك وأقف أمامكـ .. صامتة.
من جمال ما أراه
حسن أبداعكـ وصياغتكـ المتقنة ...
فأنا لست ألا نقطة من بحور أبداعاتـكـ
وبوووح قلمكـ نثر ما قد يجول في الأنفس دون استشعااار
هزالوجدان وتزلزلت البقايا الراكده منذ العصور .....
لكـ مني كل التقدير على جمالية طرحكـ

كانت هنــــــــــــ رنــيــم ـــــــــــــــأ

[جبل عالي]

وهي دايرة مقفولة

ندور ونرجع لنفس نقطة البداية

لاعارفين على إيه إبتدينا

ولا إيه هي النهاية

بقينا زي المخبوط على راسه

مقتول ومش عارف يوصف احساسه



تحيتي لك ولطرحك فقد وصفت حالة نعيشها

ماعدنا عارفين الصح من الغلط

بالتوفيق ان شاء الله

[العاشق الذى لم يتب]

مصركتخبطة
مصرفى ازمة
مصر بتصرخ وبتستغيث
مصرضايعه وتايه
مصركان الله فى عونها
ولكن لتعلم اخى
ان هناك اقدارأرادها الله سبحانه
هو يرى ويعلم
الفاسدين
ويعلم مافى القلوب
وأبدا ماكن يضيع أجرمن قتل ظلما
وتعذب وحرم من متاع الحياة
والظالم حتماسيتجرع سبف العذاب
شكرا لك
وفقك الله فى المسابقة
دمت بخير

[شاعر الحب الحزين]

عندك حق يا نجم بكلماتك

قول رأيك وما يهمكش حاجة

سعيد جدا بوجود نجم بيننا

موهوب وبيعرف يعبر عن شعب كامل

بكلمات

احترامي وتقديري لك يا رائع

[a7med -3del]

اقتباس المشاركة الأصلية كتبت بواسطة رنيم. امر من صفحاتك وأقف أمامكـ .. صامتة. من جمال ما أراه حسن أبداعكـ وصياغتكـ المتقنة ... فأنا لست ألا نقطة من بحور أبداعاتـكـ وبوووح قلمكـ نثر ما قد يجول في الأنفس دون استشعااار هزالوجدان وتزلزلت البقايا الراكده منذ العصور ..... لكـ مني كل التقدير على جمالية طرحكـ كانت هنــــــــــــ رنــيــم ـــــــــــــــأ

تسلم الايادى

ههههههههههههههههههههه

تحياتى

[big bốss]

كلمات جميله ايها الشاعر

عبرت عن رايك بأتقان

بالتوفيق فى المسابقه

[حَرفُُ هجآءّ]

الامر فى النهاية سيبقى لمالك الكون
سيقتص من الظالم للمظلوم
ومن القاتل للمقتول

رائع ما كتبت هنا
موفق