من فضلك .... إحلم !!

[Mahmoud Mohie]

ازيكوا .. يارب تكونوا بخير ..
من ست سنين تقريبا سجلت ف المنتدى .. كان لسه عندى 14 سنة تقريبا .. ف الأول طبعا كان اهتمامى باقسام بعينها زى الألعاب والنكت وطبعا ده كان ناتج عن السن والميول .. إلخ ده غير ان المنتدى وقتها مكنش فيه اعضاء كتير ويمكن كانوا ال بيدخلوا معدودين جدا متذكر كل الأعضاء غالبا بس مش هذكر حد لأن الفكرة مش ذكر الأسماء زى ماهى شكر للناس ...
المهم عملت مشاكل كتير وخرجت ورجعت وخرجت ورجعت ... شايفك ياللى عايز تقول انى اتطردت :-D ...
المهم لما رجعت وسيد فتح قسم قلم الأعضاء كنت حبيت انى اكتب فيه جدا بس لسبب انه يتقال عليا انى بعرف اكتب .. كنت بنقل موضوعات وتتحذف وهكذا .. لأنه كنت لسه برده 16 او 17 سنة ومعنديش خلفية عن الكتابة .. حاولت مرة واتنين وتلاتة وخمسين .. مرة اكتب حاجة زى الزفت ومرة تقبى مقبولة ال حد ما . مناورات .. مناواشات .. نقلبات .. ردود .. مواضيع .. ناس فهمونى حاجات كتير وناس اتعلمت منهم حاجات اكتر .. واكيد الناس دى عارفة نفسها صراحة مش عايز انسى حد ..
طلبت فتح قسم قصص بقلم الأعضاء وقتها حنون وافقت وفتحته بعد تصميم منى وقليل من الغلاسة والرخامة :-D والحمد لله القسم كان شغال كويس جدا وقتها وكنت فرحان جدا لأن ده ف حد ذاته كان انجاز بالنسبالى .. بعيدا عن ان حد ف المنتدى هنا قالى مش هتعرف تفتح بيت غير بشهادتك مش بقسم قلم الأعضاء :-D الله يمسيه بالخير بقى .
المهم جه وقت كان ف مسابقة قصة قصيرة عندنا ف الكلية وكتبت قصة وساعدنى فيها عضوتين هنا وبرده هما عارفين نفسهم واخدت المركز التانى وقتها من بين عشرات القصص وده كان حاجة اكتر من رائعة .. نقلة كبيرة ف حياتى بصراحة وكله كان بفضل ربنا واعضاء المنتدى هنا ...
اتعلمت من هنا حاجات اكتر م ال اتعلمتها ف الحياة العملية وده ف حد ذاته شىء مميز ورائع ..
كلمت طارق ف يوم م الأيام قلتله ايه رأيك نعمل مجلة للمنتدى تكون ورقية .. أحبطنى وقتها وقالى هو ف حد لسه بيشترى المجلات دى ياعم كبر مخك .. المهم الفكرة فضلت ف دماغى كتير وطبعا هى عارفة نفسها ال فضلت اقولها عليها وشجعتنى كتيير جدا ولحد دلوقت هى بتشجعنى .. قررت انقل الفكرة للحياة العملية طالما هى منفعتش او ملاقيتش قبول وكده .. المهم مع كذا حد من صحابى وقررنا وفعلا فتحنا شركة انتاج فنى صغيرة كدا ومن خلالها هنعمل المجلة ..
طلبت منهم انى هكون مسئول عن الكتابات ال هتتنشر فيها ..
وجيت هنا برده وعرضت الفكرة على كذا حد لو عايز ينشر حاجة ليه ف المجلة برده عشان الناس دى كان ليها فضل كبير عليا وحقيقى كنت عايز ارد بعضه .. وطبعا ف ناس عرفت انها مبتدخلش فمبعتش لهم ..
المهم الكل كان مشغول وقتها ويمكن الوحيد ال فضى نفسه وكتب قصيدة كان أ.احمد طبيب الهوى .. هو نشرها هنا اعتقد بس بعتهالى ونشرتها ف المجلة
ودى صورة الصفحة ال فيها قصيدته ........


مش واضحة عشان التصوير بس لكن جودة الورق اعلى حاجة :-D
.........
الفكرة انى حلمت .. وبفضل ربنا واعضاء المنتدى والناس ال معايا حققت الحلم ده ...
من فضلك ... إحلم .
.....
أنا مستمر معاكوا ان شاء الله .. من بداية الدراسة .
حقيقى
شكرا

معلش كاتب ع الموب مش عارف انسق الموضوع
وعذرا ع الإطالة

[Lost Pearl]

هههههه حساك عايز تقول كلام كتير اوي بس مش نافع عشان موبايل

حلو اوي الاصرار ع الحاجة ده

انا للأسف معنديش مواهب كتابية عشان اشارك ،، بس اكيد عايزة اشوفها لما تخلص

منور القسم و مستنيينك فـ المنتدي تاني

[الأميرة رودي]

جميله اوي فكره المجله
والاجمل انك تحول حلم أو طموح يكون حقيقه على أرض الواقع
رحله نجاح طبعا ومشهود لك بالتميز

حمدالله على السلامه يامحمود
نورت المنتدى من تاني وارجع ادخل باستمرار بقى زي زمان
وأنا عارفه مين اللى كان بيشجعك ده
ربنا يوفقك ف كل حياتك يارب وتحقق كل أحلآمك

[حلم عمري]

جميلة اوي فكرة المجلة و
واحلي حاجة انك تحلم وتصر علي حلمك دا لحد ما يكون واقع
مبرووك وان شاء الله من نجاح لنجاح دايما وتحقق كل اللي نفسك فيه

[العاشق الذى لم يتب]

حمدالله على السلامة محمود
وان شاءالله تكون آخرالغيبات
وحشتنا والله
تحياتى

[♥SaRa]

جـامدة اوي فكرة المجلة
وصراحة عجبني فيك اوي طموحك واصرارك
بجد ربنا يوفقك فت حياتك

[Silver Flower]

الحمد الله على السلامه
وعم نستنا كتاباتك

[Reem♡A|❀]

..
آآد آآيهه مبسووؤطهه والله بجد
بففرح جدآآ لما حد يكون نفسه حاجه
وباصرآره وفضل ربنا يحققها
حاجةة جميلةة بجد حتى لو صغيره
زى ما اتحققت زى ما هتكَبر
ربنا يوفقك اكتر واكتر ياارب