شــــــــارع بيتنــــــــا القديــــــــــم

[شاعر الحب الحزين]

فــــــــي شــــــــارع بيتنــــــــــا القـــــديــــــــــــم

رجعـــــت أفتكــــــر أيـــــــــام زمـــــــــــــان

في القهـوة سمعــت صـــــوت عبــــد الحليــــــم

غنـوة تتسمـع فيهـا أجمـــل ألحــــــــــــان



أيــــــــــام طفولتـــــــــي قضيتهــــــــــا هنــــــــــا

كـــانت أيـام جميلـة مليانــــة حــــــب وهنــــــــــا

فــــــــــات ع الكــــــــــلام ده كـــــــــام سنــــــــة

والنهــارده جيـــت استرجــــع ذكرياتــــــــي


قـــدام بيتنــــا القديـــــم وقفـــــت وافتكــــــــــرت

وأقول لنفسي والله يا بيتنـــا آديـك اتغيـــــــــــــرت

كنت صغير وأنا فيـك ودلوقتــي خــلاص كبــــــــرت

وعـــــدى وفات كتيــر مــــن حياتــــــــــــي



جيـــــــت عليــــــك يــــــــا شارعنــــــــا

هربـــــــــان مــــــــــن الحاضـــــــــر

الحاضــر اللي ملانـا بهمومنا ومواجعنـــا

ولقيتـك مـع الحاضــــر متحاضـــــــر



مـــــــال النـــــــاس متغيريـــــن ومـــــش زي زمـــــــــان

يـــــاه ده أنـــــا شكلــــي غبــت عنـك كتيــــــــــر

خمـــــرة ورقـــــــص وحشيـــــش وسجايـر ودخـــــــــان

أطفال متشردين ومش رايح فيها غير الغلبان الفقير

هنا كان في جامع بيتعلـم فيـه النـاس الذكـر والقـــــرآن

ودلوقتي ديسكو وكباريهات ودي خطة حكامنا للتغيير

جيتلك شارد من همومي لقيتهــا عنـدك هنـــا كمــــــان

إبليس شغال في كل حتة نشيط يا إبليس وشريــــــر

هرجع لمكاني وخلي ذكرياتي جوايا ومش بالضرورة المكان

عشان يا شارعنا شايفـك متغيـر وبقيـت واطي وحقيـر



شــــــــــــارع بيتنـــــــــــا القديــــــــــــــــم

( بيـــــــن الماضـــــــي والحاضــــــــر )



شـــــــــــــــــــــــــــــــــــــــــــــ . حـــــــــــــــــــــــــــــــــــــــــــــــــ ـــ

[a7med -3del]

حلوة

بتفكرنى بساعات بشتاق لفؤاد

المعنى هنا غلب الكلمات

والزكريات بتعيش ساعات وساعات تغيب

بس مش بتسيب حياتنا وبتيجى وقت الفكرة

تفكرنا بحاجات عيشناها حبيناها وكرهناها

ومهما نحاول ننسى مبنعرفش ننساها

زكريات اوقات وحكايات

جايز تفوت ولا يوم تموت

بتيجى بس فى الوقت المناسب

لو مشيت فى مكان جمعك بناس حبيتها

لو بالصدفة شوفت بيت شبها بيتها

الجيران وناس زمان طعم الامان

وايام الجنان وشباب التوهان

والضحك اللى كان من القلب

والطفل الغلبان

وعم فلان

...

فكرتنى بايام حلوة جدا وحالة كان نفسى اكتب فيها

اعذرنى مقدرتش نكتبش حاجة هنا

وانت السبب

تحياتى ياجميل
ز

[Lamees]

ذكريات نبحث عنها لنرى فيها ايام انقضت
لنرى فيها انفسنا وحياة قديمة انتهت
نبحث ونبحث فيرهقنا البحث
وأخيراً ذكريات غير موجودة
واماكن متغيرة وغير محبوبة
كل شيء منتهي
وتظل ذكرياتنا داخلنا فقط

رائع وصفك شاعر
دمت بود ..~

[حلاتر]

اسمح لي ابدي اعجابي مشكوووووور والله يعطيك الف عافيه

[شاعر الحب الحزين]

اقتباس المشاركة الأصلية كتبت بواسطة show me the meaning of lonely حلوة بتفكرنى بساعات بشتاق لفؤاد المعنى هنا غلب الكلمات والزكريات بتعيش ساعات وساعات تغيب بس مش بتسيب حياتنا وبتيجى وقت الفكرة تفكرنا بحاجات عيشناها حبيناها وكرهناها ومهما نحاول ننسى مبنعرفش ننساها زكريات اوقات وحكايات جايز تفوت ولا يوم تموت بتيجى بس فى الوقت المناسب لو مشيت فى مكان جمعك بناس حبيتها لو بالصدفة شوفت بيت شبها بيتها الجيران وناس زمان طعم الامان وايام الجنان وشباب التوهان والضحك اللى كان من القلب والطفل الغلبان وعم فلان ... فكرتنى بايام حلوة جدا وحالة كان نفسى اكتب فيها اعذرنى مقدرتش نكتبش حاجة هنا وانت السبب تحياتى ياجميل ز

ياه كل ده إحساس جواك

اكيد كل واحد فينا له ذكريات جميلة

بيهرب ليها لما الدنيا تسجنه بوحدته

بس صعب جدا لما تروح مكان كان بالنسبالك زمان

ماضي جميل وقضيت فيه أجمل أيام عمرك وتلاقيه

مش زي في بالك تلاقي ناس غير الناس وزمن غير الزمن

تضطر تخلي الذكريات دي جواك وتبعد عن المكان كله

انا اتشرفت جدا بوجودك الجميل في صفحتي الصغيرة

وكتابة إحساسك الجميل وتفاعلك مع كلماتي القليلة

اسعدني جدا حضورك الجميل

احترامي وتقديري لك وكل الشكر والتحية لك

[شاعر الحب الحزين]

اقتباس المشاركة الأصلية كتبت بواسطة ro♥ony ذكريات نبحث عنها لنرى فيها ايام انقضت لنرى فيها انفسنا وحياة قديمة انتهت نبحث ونبحث فيرهقنا البحث وأخيراً ذكريات غير موجودة واماكن متغيرة وغير محبوبة كل شيء منتهي وتظل ذكرياتنا داخلنا فقط رائع وصفك شاعر دمت بود ..~

فعلا كلامك ده هو اللي كنت عايز اوصله بالزبط

من خلال موضوعي عبرتي واختصرتي معنى الكلمات

بكلماتك الجميلة الصادقة اللي بتدل على إحساسك العالي

ونظرتك الهادفة للكلمات

الغالية روني شرفني جدا حضورك الراقي بين سطوري القليلة

واسعدني تعقيبك الجميل على كلماتي البسيطة بأسلوبك الرائع دوما

احترامي وتقديري لشخصك الكريم وكل الشكر والتحية

[شاعر الحب الحزين]

اقتباس المشاركة الأصلية كتبت بواسطة حلاتر اسمح لي ابدي اعجابي مشكوووووور والله يعطيك الف عافيه

الله يعافيكي أختي الفاضلة

اسعدني حضورك الرائع وتعقيبك

على كلماتي القليلة احترامي وتقديري

وكل الشكر والتحية لكي

[phalsteen]

مـــــــال النـــــــاس متغيريـــــن ومـــــش زي زمـــــــــان

وقول للزمان ارجع يا زمان
عجبتني اوي الكلمات
حسيت بيها لدرجة كبيرة
الحنين للماضي علي قد ما بيوجع
علي قد ما بيفكرنا بأيام بنتمني نرجع لها ولو للحظات
كل التوفيق اخي
ودي واحترامي

[شاعر الحب الحزين]

اقتباس المشاركة الأصلية كتبت بواسطة nefertiti مـــــــال النـــــــاس متغيريـــــن ومـــــش زي زمـــــــــان وقول للزمان ارجع يا زمان عجبتني اوي الكلمات حسيت بيها لدرجة كبيرة الحنين للماضي علي قد ما بيوجع علي قد ما بيفكرنا بأيام بنتمني نرجع لها ولو للحظات كل التوفيق اخي ودي واحترامي

ذكرياتنا الجميلة لا يمكن تتنسي

بس لازم تفضل جوانا ومش بالضرورة

نروح مكان عشنا فيه في الماضي

عشان نتعايش مع الذكريات دي

لأن كل حاجة بتتغير مع الأيام

وجودك الجميل اسعدني جدا

واتشرفت بتعقيبك على كلماتي

وإحساسك الرائع في تعقيبك الجميل

احترامي وتقديري وكل الشكر والتحية لكي

[جبل عالي]

بصراحة قرأت كلماتك

ولم تسعفني الكلمات ثم توالت الردود

وكأنك لمست أوجاعنا جميعا

من الحنين الى اوقات غالية وزمن جميل

كان يجمعنا بروح من اجمل مايمكن



احييك لخاطرة خرجت بإحساس راقي