الحلقة الاولي من آذاعه حب مع ملك جبال الآحزان

[phalsteen]

مســــــــــاء الخير اهلا بكم فــــ اذاعة حب الـــــــــــــــــحب فلسفة احتياج قبل ان تكون فلسفة وجود فلسفة روح ترتاح لها الروح فلسفة ترياق شافي في وقت ما يكون هناك احتياج للاخر انها قدر محتوم لابد منه فهما تقاسما تلك التفاحه وهما تلامسى تلك الارض التي خلقت ليكونا بها خير خليفة هي قدر له ...وهو قدر لها هي بالعشق والعزف والنزف والتراتيل تسمو وتحيى في قلب يبقى بها قدر الاقدار وهو بها حلم ياخذها الى قدرا تبقى به متطلعة منذ طفولتها يسرقها الى عالمة الاسطوري الذي رسمته به فارسا نبيل مهما تباعدت الخطى ومهما تفارقت الايادي فهناك دروب ليست بتلك الاستقامة التي تنذر بعدم اللقاء يا رواد اليوميات الكرام يا نجوماً مضيئه في سماء القسم اسعد الله أوقاتكم وأهلا وسهلا بكم في برنامجٍ شيقٍ هادف يستمد أوصاله من جذوركم العميقه والراسخة كالجبال في أرض إبداعنا ... هذا البرنامج يحمل الابداع في ثناياه ليس لانه من إعدادي بل لانه حديث القلوب ولأصحاب القلوب فقط والآن مع القلب النابض والعقل النيِر والفؤاد الرقيق بالمشاعر ضيفكم اليوم هو.......... ملك جبال الاحزان حلوة ادخلة ديه عجبتنى ايه يا ابني اليوز نيم دا دا ميحويش بأي رومانسية ربنا يستر بالعكس ده اللى يعرف الحزن هو اكتر حد داق الحب وبس بقا علشان بتكثف أذاعــــــــــة حب مع سما اهلا وسهلا بالضيف الاول لاذاعة حب شوف الجزء الاول مع الحلقة ياتري ايه تعليقك علي كلماتي جاملني واقولي انفع اسامه منير بلاش اسامة منير والنبى لانى عمرى ما اقتننعت بيه اساسا مع انى بسمعه من وانا فى اولى اعدادى بتحب تتكلم عن الحب ؟ اه ده انا مقضيها ده انا عندى برنامج اسمه حوارنا عن الحب ينفع اعمله اعلان هنا تفتكر ايه العنصر اللي لازم يتوافر في الحب ؟ الثقه اهم حاجه لان لما الثقه بتروح بيطير معها الحب هو للحب معني ولا هو مجرد احساس ؟ هو الاكيد انه مش احساس لان الاحاسيس مع الوقت بتروح واوقات كتير احساس بيضيع احساس الحب مرحلة فى حياة كل واحد ناس كتير بتاخدها تجربة وبتعيش طول عمره بتطرد الحب من حياتها او مش بتلاقيه وناس تانى بتفضل واخده الحب قاعده فى حياتها وبتعيش بيه تفتكر احنا محتاجين للحب ولا ممكن نستغي ونعيش من غيره ؟ مينعش نعيش من غيره الحب لازم يبقا موجود دايما مجرد المعاملة مع الغريب لازم يكون فيها حب بالنسبالى لان عدم وجود الحب معناها عدم الراحة بين الناس متي يجف نهر الحب ؟ لما بيروح الاهتمام وبيتولد الكدب بيوصل لطريق مسدود فى الحب اللي بيحب ميكرهش الي اي مدي تتفق مع تلك العبارة ؟ اكتر جملة قابلتها فى حياتى انا ضدها بالعكس تماما اللى بيحب بجد اكتر حد بيكره بجد لان القلب ما بيتجرح بيكره اوى ايه هي المحاور الاساسية لبناء الحب والمحافظه عليه ؟ اتكلمت عنهم كتير فوق الاهتمام والثقه بالنسبالى عندى اهم الحجات اللى لازم الواحد يحافظ عليهم فى الحب لان من غيرهم يبقا مفيش حب ممكن نخاف من الحب ونهرب منه ؟ اه لما يكون الواح مر بتجربة فاشلة وخصوصى لما تكون التجربة هى الاولى وقتها الواحد بيبقا خايف من الحب لانه بيبقا واخد نظرة عنه انه مش موجود وكله خداع و...... الخ لحظات الفراق من افظع اللحظات واقسها تفتكر هل بعد مرارة الفراق حلاوة لقاء مهما اختلفت الاسباب ؟ لا الاسباب هيبقا ليها عامل كبير اوى لان لو اللفراق كان بسبب طرف من الاتنين لا يمكن هيكون اللقاء مميز او ليه فرحة لان القلب لما بيتساب فى وقت بيحب بجد بيتقفل من الشخص ده جامد اوى تفتكر ايه اكتر عيوب اشتهرت بيها حواء في الحب ؟ الغيرة الزيادة عن اللزوم اللى اوقات كتير اوى بتوصل للشك من اكتر الحجات اللى نفسى تختفى من حجه حواء كلمنا عن قلبك واحكلنا عن حبك وقولنا انت فين من الحب ؟ انا واحد اسمه ملك جبال الاحزان هيكون فين بزمتك قلبى بقا يسيب نفسه كدة مع الناس ويتعامل براحته مبقاش يقفش على كل حاجه حاليا مش عارف هو حب ولا اعجاب بس هو فرحان بكدة ويمكن أتاكد قريب جدااا ادينى كام ساعه كدة من خلال مقدمة البرنامج تفتكر الحب محتاج فلسفة ولا اللي بيحب بجد بيتحول لفليسوف من غير علم ودراسة ؟ والله من خلال مقدمة البرنامج وبعد كلمة فلسفة ترياق شافي ديه وانا قلقت من البرنامج بصى بردو كل واحد وشخصيته فى ناس عاقلة جدا بتحب الحب الرزين ده عرفاه سعات بيبقا كائيب اما انا بحب الجنان احلى حاجه لما ابقا مع حبيبتى مجانين كدة بنعمل كل حاجه براحتنا من غير ما نفكر ديه حياه تانية وفرحة تانية ميعرفهاش غير المجانين ليه في مجتمعنا بظلم الحب ونظرتنا ليه مريضة ؟ فى مجتمعنا حجات كتير اتظلمت مش الحب بس الحب نظرتنا ليه بتختلف اوقات كتير بيتحرم علينا حجات لانها مكانتش بتحصل زمان ولو اتعملت يبقا حرام تعملها حجات كتير لدرجة انها توصل ان اى شاب لو حب بنت مينفعش يشوفو بعض الا لما يبقا رسمى طيب مش لما اعرف شخصيتها الاول قبل ما نتخطب وكدة يرضيكى اخطب وافسخ ويبقا اسمى مفسوخ تفتكر في اسباب ممكن تؤدي لاختلاف النظرة بين حب الولد وحب البنت ؟ فى اختلاف بين نظرة الرجل ورجل تانى كمان كل واحد وليه شخصيته وشخصيته ديه اللى بتتحكم فى طريقته فى الحب بتختلف بين الناس كلها مفيش اتنين حبهم زى بعض امته يكون الحب محرم ؟ فى حدود لكل حاجه اوقات كتير اتنين لما بيحبو بعض بيتعدو حدودهم ووقتها بيبقا الحب ده حرام من وجهة نظرى التهمه اللي دايما بتتلتصق بحوا لو قالت بحب هتكون انها سيئه السمعه مش محترمه ؟ بالعكس انا بشوفها عادى هى مش هتروح تطلب ايديه ديه بتعترف بأحساس جواها اوقات كتير الشاب لما بيكون بيحب حد قريب ليه بيخاف اوى يعترف بحبه ده ليخسرها كصديقة كمان انا مش شايفها تهمة اساسا وممكن اديها برأة هتبصلها ازاي لو اختك اعترفتلك بحبها او في يوم ما بنتك ؟ هكدب عليكى لو ٌولت هعمل ايه حقيقى لانى محشتش احساس الابوة لسه فا مش عارف وقتها هبقا ماسك عليهم ولا هقتنع برايها يعنى مش عارف الصراحة ايه اللى بيختلف فى احساس الاب علشان احكم من دلوقتى تفتكر انه من الافضل نربي ولادنا علي مفاهيم الحب الصحيحة وحدودها بدل ما نزرع جواهم الخوف والرعب من فكرة الحب وانها دايما فكرة ممنوعه ؟ اتمنى والله وقتها التفكير هيبقا صح اكتر ان الواحد لما يبقا مغلق من كل النواحى لما بيجيلى اى مكان معرفة تانى لما بيصدق ووقتها مش يببقا عارف ده صح ولا غلط وبيمشى فيه وخلاص علشان بس عايز يحب ايه اسوأ ما في الحب ؟ الشك طب واحلي ما فيه ؟ الجنان ممكن تقولنا اهداء للآذاعة حب ؟ ماليش فى الرغى الحلو بس اتمنى يكمل البرنامج بحلقات كتير قبل ما مقدمته تعتزل التمثيل اقصد التقديم ان شالله بعد حلقتى اكون متابع كويس بقا لان الاسئله اللى زى ديه انا بحبها عاوزين منك مقطع بيعبر عن حالتك العاطفية هتشغله وبعد ما تشوفه وتسمعه توصفنا احساسك الصراحة ماليِش حاجه مفضلة فى الاغانى وكدة بس دايما بيجى عليا فترة بيبقا ليا حاجه معينة هى اللى بفضل اسمعها وببقا متعلق بيها كتير وفى الفترة ديه الاغنية ديه قد ايه اغنية راائعه بجد وحبت اجيبها بالترجمة علشان تعرفو معناها وكمان لانى انا ساسا مبعرفش اسمع الاغانى الا الحزينة وديه مش حزينة وبس ديه الحزن يقولها يا عمو وكمان كلمنا عن احساسك وانت في اذاعه حب احساس جميل احساس فظيع مقدرش اقول حاجه عنه اكيد مستمتع اسئله لذيذة واتمنى اكون ضيف خفيف باجوبتى الغريبة قدم نصيحة منك ونقد للاذاعه علشان نطور الفكرة ياريت نوطى الصوت شوية لان ودانى وجعتنى هقول ايه الاسئله كافيلة بنجاح البرنامج اكيد ومع الاستمرار اكيد هيزيد تميز والآن نشوف الآهداءات اللي جات للآذاعه بس الاول نحب نشكر ضيفنا المجنون ونقول للأعضاء شكرا لمساعدتكم في تفعيل الاآهداءات وان شاء الله مكملين وهنستقبل الاهداءات وننزلها كلها الاهــــــــــــــــــداء الاول مني انا لاحمد جوزي ومحدش يركز غمضوا عينكم تبقي وحدك سلطاني تاجي ومولاي سندي اذاما اثقلتني هموم الحياة احبك اقولها دون خوف وكأنني انطقها لمرتي الاولي علي يداك تعلمت فنون الكبرياء ولكن عذرا سيدي هنا سأنحني لك وتحت قدماك ليس ذلا وليس ضعفاً بل لغه يتقنها العشاق احبك الاهداء التـــــــــــاني من Silver Flower من ارض الرباط ها انا أبعت إليكم أشواقي وامنياتي أن تكون مصر حره أبيه باسلامها وأخلاقها النبويه الشريفة يا أعظم شعب في الدنيا يا احلى شعب عشت وكبرت معه كبرت مع فرحه وجراحه وكبرت مع قلبه الكبير الطيب وعفويته عشت وتعلمت منه الكثير والكثير هادا العشق الذي يكبر ويكبر مع مر السنين عشق لا يزيله اي حقد من الحاقدين نحن كنا ولا زلنا الطفل الصغير المعلق بحضن وحنان امه الكبير يا شعب مصر يا أعضاء منتدى مصر العظيمة نحن وبكل أمانه وصدق وضمير نحن نعشقكم وعشقكم نابع من الوريد الى الوريد ربما كلماتي تعجز عن تزين الكلمات ولكنها نابعه لعشقي ومحبتي لكم انتم أهلنا وأخوتنا ورجائنا في هاذا الزمن اللعين زمن ضاعت فيه النخوه والضمير وأخيرا وليس آخراً أبعت أشواقي ل شعب مصر والأعضاء كلهم الادارين القداما والجدد والمشرفين والمراقبين والأعضاء القداما والجدد ببعت لكل واحد اسمه هو مصري الاهـــــــــــــداء التالت ودا من prinses sahar لـــــــــ ملك جبال الاحزان أخي بقلبي كفراشة تقفز بين بستان ورد أصحو على انغام الحنان لدية واغفو على كلمة الاطمئنان من عينية نتهامس ونتناجى بالكثير الكثير نزرع الصدق ونجني السعادة نبث الفرح وننثر الضحكات نتسامر ليلا ونتناقش نطيل الحوار نختلف ونتنفق اخي نبراسُ من النور بركان من الحنان متدفق جمال وعقل روح طاهرة كبياض الثلج وقلباً ابيض كنقاء ماء زمزم اخي ............. حبيب روحي وانيس وحدتي وملجأ ذاتي أعرفتم من هو اخي انه روح الروح والدم الذي يسري بعروقي انه اخي الحبيب................الغالي الــــــــــــــي هنا تنتهي اذاعه الحب ونشوفكم علي خير في الجزء الاول من الحلقة التانية بمشيئة الرحمان متنسوش الاهدءات يا كتاكيت

[big bốss]

دى اغنيه بزمتك تتحب

العيب مش عليك - العيب على البنت الى بتحبك سيباك كدا زى العبيط

حلقه جميله عن الحب - مع صديقى الجميل ميدو

اتمناله التوفيق فى حياته

حلقه جميله سما

اعجبتنى ،،،،،،،

[ملك جبال الاحزان]

ايه ده ايه ده ايه ده ايه ده

اولا انا زى العسل والله باجاباتى صح

تسلميلى سما على الاسضافه فى البرنامج لجميل
ويارب اكون خفيف وكونش ضيف تقيل

نيجى بقا للاهداء ده

تسلميلى يا رب يا احلى بنوته ربنا يخليكى يارب
يعنى اقول ايه ماليش اى فى الرومانسية ديه
تسلميلى يا احلى اخت وربنا يخليكى يارب
وبجد تسلميلى مش عارف اقول ايه

[الآمير العآشق]

وااااااااااااو
حلقهـ روووعهـ
وملك جبال الاحزان / اقول برنس ولا اقول باااشا
ردوودك كلها ماشاء الله / هتخليني اشد شعري
لا من جد ردودك واسلوب كتير حلووو
وصوووح انك برنس في اسلوبك

اقتباس انا واحد اسمه ملك جبال الاحزان هيكون فين بزمتك قلبى بقا يسيب نفسه كدة مع الناس ويتعامل براحته مبقاش يقفش على كل حاجه حاليا مش عارف هو حب ولا اعجاب بس هو فرحان بكدة ويمكن أتاكد قريب جدااا ادينى كام ساعه كدة

الكام ساعهـ فاتت ياعم الحاج
عاوزين نعرف !
طلع حب ولا لسه اعجاب

والاعلاميهـ نفرتت كالعاآدهـ راآئعهـ
في اداره كل برامجها

[حالمة باميرى]

اية دة اخوية فى البرنامج خدت الاذن منى يا واد تطلع كدة من غير ما اعرف ههههههههههه
لا بجد برنامج عسل وخفيف وميدو اجاباتة حلوة وصريح
ربنا يكرمة يارب ويسعدة فعلا ميدو اخوية الصغير
وسما حلقة جامدة واحنا هنحسدة حد يبقا معاة سما
ويسيبها ويروح الشغل هنغرمة متخفيش
ربنا يخليكم لبعض ويسعدكم ببقولظ ههه

[حلم عمري]

حلقة جميلة كفاية ان محمود فيها ( بهزر طبعا
اجاباته مجنونة كالعادة ^^
بس عجبتني نظرته عن الحب
البرنامج جميل سما متابعين معاكي بقا

نيجي للاهداءات

غمضت عيني اهو علي بتاعك
بس ايه الكلام الجامد دا ربنا يخليكو لبعض ومحمد يوصل بالسلامة ان شاء الله ^^

سيلفر كلماتك جميلة اوي لمست قلبي واكيد كل مصري بيبادلك نفس الشعور الرائع دا

سحر يا بختك يا عم ميدو بالكلام الجميل دا ربنا يديك بينكم المحبة ياارب

[كوين ميرو]

حلقه جميييله ياسما

مع ضيف جميل وروحه مرحه

رغم اسمه العجيب اللى مش لايق عليه ابدا ده

والاغنيه فعلا جميله جدا ياميدو

استمتعت باالاسئله والاجابات

مجهود رااائع ياقمرى

تسلم ايديكى

وفى انتظار جديدك بقى

[phalsteen]

اقتباس المشاركة الأصلية كتبت بواسطة حلم عمري حلقة جميلة كفاية ان محمود فيها ( بهزر طبعا اجاباته مجنونة كالعادة ^^ بس عجبتني نظرته عن الحب البرنامج جميل سما متابعين معاكي بقا نيجي للاهداءات غمضت عيني اهو علي بتاعك بس ايه الكلام الجامد دا ربنا يخليكو لبعض ومحمد يوصل بالسلامة ان شاء الله ^^ سيلفر كلماتك جميلة اوي لمست قلبي واكيد كل مصري بيبادلك نفس الشعور الرائع دا سحر يا بختك يا عم ميدو بالكلام الجميل دا ربنا يديك بينكم المحبة ياارب

انتي الاجمل حببتي
ربنا يسمع منك يارب
ويخليكي لينا بئه

[phalsteen]

اقتباس المشاركة الأصلية كتبت بواسطة كوين ميرو حلقه جميييله ياسما مع ضيف جميل وروحه مرحه رغم اسمه العجيب اللى مش لايق عليه ابدا ده والاغنيه فعلا جميله جدا ياميدو استمتعت باالاسئله والاجابات مجهود رااائع ياقمرى تسلم ايديكى وفى انتظار جديدك بقى

انتي اجمل حببتي
منتحرمش وجودك
تابعينا بئه

[phalsteen]

اقتباس المشاركة الأصلية كتبت بواسطة من غير ميعاد وااااااااااااو حلقهـ روووعهـ وملك جبال الاحزان / اقول برنس ولا اقول باااشا ردوودك كلها ماشاء الله / هتخليني اشد شعري لا من جد ردودك واسلوب كتير حلووو وصوووح انك برنس في اسلوبك الكام ساعهـ فاتت ياعم الحاج عاوزين نعرف ! طلع حب ولا لسه اعجاب والاعلاميهـ نفرتت كالعاآدهـ راآئعهـ في اداره كل برامجها

اشكرك اخي
ربنا يخليك
منتحرمش من وجودك