مشروع اضحك ..

[نور ونار]

كتير بنتكلم وبنكشف عن قضآيآ وسلبيآت
وبنطلب دعم لقضآيآ مهمه , مهمه يعنى تهمنآ وتهم نآس كتير مآلهآش
صوت ,, لدرجه خلاص لو عملت احصآئيه تلاقى كل حاجه عتمه
وغمآمه فوق عنيك ,, وتنسى وسط الزحمه انك تضحك !!
مشروعى بسيط وممكن يكون هايف لنآس كتير
بس بكل بساطه اضحك .. اضحك وبس
الاغنيه دى بحبهآ جدآ وسط امور كتير بفتكرهآ حتى وسط زحمه
الامور المنيله بتلآقينى بضحك ..
اصلهآ هتعيشهآ مره واحده ,, اه اعترض واحتج وقول رايك
وتالم وثور واعمل كل حاجه بس مش تنسى انك تضحك ..
وحاجه متجربه وعن تجربه شخصيه لمآ بكون معكوكه اوى فى امور شخصيه
وبقول استحاله هعدى منهآ بقول لنفسى بصوت مسموع
انآ مبسوطه بتاع عشره مرات كدآ هى مش بتعمل حاجه بس بتخلينى
استقبل اى حاجه اى كآنت ,, وطبعآ اللى بيقرآ فى علم النفس
والبرمجه العصبيه عارف مفعول الكلمه دى ..
عارف ان المخ بيخزن الكلمه دى وبيخليهآ فعلآ مودك
والللى قرآ كتآب ذآ سيكرت او شاف البرنآمج الوثآئقى مع المرفقآت
الشرعيه مع الفيديو هيلاقى الموضوع سهل
ويقولك كل حاجه فى ايدك حتى ممكن تعدل الظروف كلهآآ لصآلحك
مجرد بس تضحك ..
الضحكه مش بس هتاثر عليك وتنعكس على حالك ومودك
لا ،، هتنعكس على اللى يشوفك بتضحك يا اخى ممكن حد يشوفك بتضحك
يتفاءل بيك او يشوف الضحكه منوره وشك هو كمآن ينبسط او يحس انك بتضحكله
ويكون فى الفه ..
اضحك ..
نفض للزعل والزهق شويه
بس لمآ تضحك اعملهآ ذاكره زى الزعل بالظبط
اضحك وسجلهآ على فونك لمآ تبوز منك اوى وتضلم شغلهآآ
واسمعهآآ،، خليك فى قاعده ومهيس وسجلهآآ
ولمآ تروح نزلهآ نغمه واعرف ان اللحظآت الجميله كمآن بتكون عندك لهآ ذآكره مش
بس الالم والزعل اللى دآيمآ بنفتكره مش لازم نفتكر الفراق والالم افتكر كمآن الضحك
والهزآر والتهييس ..
لو فعلآ بايظه منك مش هقولك بص على النص الكبايه المليآن
لا روح انت هات من المطبخ واملاهآآ ، كدآ وكل بسآطه ..
اتفرج على فيلم يهلك ضحك وعلي صوت الضحكه ..
خلى عيونك تدمع ونفسك ينقطع وكح واعطس فى نفس الوقت
وقول خير اللهم اجعله خير ..
ابعتى رساله لصاحبتك فيهآ سمآيل كدآ بكل بساطه
روح لولدك وامسك ايده وبوسهآ كدآ من غير مقدمآت
ولا اسباب ,, هيقولك يا ابن الاهبل اسكت و اضحك بس ..
مشروع اضحك انضم للمشروع وسجل انضمآمك بضحكه ..
او موقف تسجله يعدى اى حد عليه يضحك ..
او تمر الايام وترجع تشوفه تقول ياااااه كآنت ايام
بس اضحك ..

[دمعه حائره]

مشروع جميل
والضحكه ليها مفعول السحر على نزع اى شعور سلبى
والاصدقاء مهمتهم يساندوا بعض فى الحزن والفرح
ياريت نقدر ده ونساعد بعض على السعاده
تسلمى نور

[نور ونار]

اكيد طبعآآ بس النهآرده مش هنبتسم بس
احنآ هنعلى الضحكه ..
نورتينى منون بس فين بقآ الضحكه سوآء صوره
او موقف آوبجيكشن بقآآآآآ
نطآلب بالضحكه :-?

[الأميرة رودي]

أنا معاكي ف الضحكه اللى هنا دي
سمعتها من أخر الدنيا وقررت أجي أضحك معاكي
أأكيد هشارك بضحكتي
بس لما أصحى من النوم لآني خلآص فصلت ههههه
مش تنسي انى ضحكت أهو

توبيك كله تفاؤل
ربنا يسعد أيامك

[جبل عالي]

صح والله كلامك ياقمراية

وكتير بعملها مع نفسي وفــ عز زهقي وخنقتي

تلاقيني باقول اي حاجة تضحك بس بشرط .........

باقولها عــ نفسي مش باتريق على حد تاني !!!

ولا باسخرمن كلام حد تاني !!!

ولا باروح استفز غيري عشان أضحك انا!!!


بجد دعوة حلوة بس نحاول نتشارك مع غيرنا

منضحكهاش لوحدنا بقاااااااااا ههههههههههههه


موضوعك جميل وراقي حبيبة قلبي

وسامحيني لو تعليقي عك ولا لخبطة


تحيتي لكم جميعا من القلب

[phalsteen]

الله ينور عليكي انور بئه

بصي يا ستي انا نويت انضم وبأعلي واحلي ضحكة

بما اني بقالي فترة مش عارفه انام
فقررت انزعج كل اللي حواليا
من باب المساواه
مهما لازم يحسوا بيا يا اخوانا
هو انا فعلا حامل لوحدي
بس هما لازم يكون لهم دور

فقررت اصحي كل النايمين برخامه
حاولت مع جوزي
فقالي لو منامتيش هقتلك واكمل نوم
فتغاظت انا بئه
وسبته ينام وفضلت اتفرج علي التلفزيون
لحد الساعه 3.5 الفجر
ودخلت هنا ملاقتش حاجة مهمه

فعملت نفسي بألآولد بئه

يا لهوووووووووووووووتي
يا خرررررررررررررابي
الحقني يا احمد
اه يا نا يا ماماتي

نط من علي السرير يجري

اه يا قلبي
اهدي بس
وبيزعق ينادي علي الناس اللي تحت

وبعد ما الدنيا اتقلبت
موت من الضحك
وبكل برود قولت هو انتوا لازم تتخضوا عليا علشان تقوموا تقعدوا معايا

وفضلت مصاحيهم للساعه سبعه الصبح
قدرت فيهم افرض سيطرتي
واقنع احمد بتقديم طلب الاجازة للشغل
عشان ابطل دوشة

7.5 بئه كملت رخامه واتصلت علي ريهان
بس للأسف كانت صاحية
ومعرفتش اخضها عليا
بس حكاتلها انا عملت ايه في احمد
وفضلت تضحك
هعمل فيها مقلب زي الفل بس لما تيجي من الجامعه

هههههههههههه

[حَرفُُ هجآءّ]

انا سمعت صوت ضحكتك يانور وانا معديه
من ادام الاقلام
قولت خير اشوف فى ايه
وانا معاكى انا كمان هنضم معاكى
طبعا الضحك بينزل التفاءل فى الحياة مهما كانت صعوباتها

[morshooo]

منورة انور والله
^_^

[نور ونار]

اقتباس المشاركة الأصلية كتبت بواسطة الأميرة رودي أنا معاكي ف الضحكه اللى هنا دي سمعتها من أخر الدنيا وقررت أجي أضحك معاكي أأكيد هشارك بضحكتي بس لما أصحى من النوم لآني خلآص فصلت ههههه مش تنسي انى ضحكت أهو توبيك كله تفاؤل ربنا يسعد أيامك

منوره التوبك يا رودى
وطبعآ ضحكتك منوره الدنيآآآآآآ
ومستنيه مشاركتك ..
ويارب يجعل ايامك انتى كمآن فرح وضحك
بالضحكه احلى ..
نورتينى ..

[نور ونار]

اقتباس المشاركة الأصلية كتبت بواسطة جبل عالى صح والله كلامك ياقمراية وكتير بعملها مع نفسي وفــ عز زهقي وخنقتي تلاقيني باقول اي حاجة تضحك بس بشرط ......... باقولها عــ نفسي مش باتريق على حد تاني !!! ولا باسخرمن كلام حد تاني !!! ولا باروح استفز غيري عشان أضحك انا!!! بجد دعوة حلوة بس نحاول نتشارك مع غيرنا منضحكهاش لوحدنا بقاااااااااا ههههههههههههه موضوعك جميل وراقي حبيبة قلبي وسامحيني لو تعليقي عك ولا لخبطة تحيتي لكم جميعا من القلب

منوره جبل
وزيدى الضحكه رزانه بتعليقك
وعملت ميزان وضوابط حتى فى الضحكه
وان نكون حريصين اننآ واحنآ بنضحك
نسعد اللى حوآلينآآ ونراعى مشاعرهم
ونضحك بس من غير مآ نآذى
تسلمى ودوم الضحكه لكل ايآمك ..