فعاليات تحدى محافظات مصر - من الاقوى !!

[big bốss]

اقتباس المشاركة الأصلية كتبت بواسطة silver spectra فكرة حلوة يا واد بس دي عايزه عطلة صيفية الناس تتفرغ للتصوير و المنافسة فيها

ما احنا فى عطله يا طارق

شايف الدراسه مقطعه بعضها

ما مره الحكومه تاجل الدراسه و مره الامطار و سؤ الاحوال

انه القدر يا طارق

[۩۩ elMagic ۩۩]

حلوه الفكره
عايز تتنظم وتتظبط علشان تتعمل صح
دا غير إن الفتره دي هنخش ع الترم التاني ي عم
هتلاقي كروته كتير وتقصير
لو هتعملها يبقى بالتوفيق بقآ ي معلم

[big bốss]

يعنى معايا يا ماجيك و لا لا

[۩۩ elMagic ۩۩]

اقتباس المشاركة الأصلية كتبت بواسطة big bốss يعنى معايا يا ماجيك و لا لا

مش عارف والله
بس يبقى رسينا ع الدور كله وساعتها نشوف ..

[SiLver Spectra]

عموما لو هتعملها يبقى تبقى مفتوحة على طول
يعني مش لمدة اسبوع و لا اسبوعين ..
و ممكن ابقى اضيفلك افكار لتنظيمها
مهم انها تبقى بسيطه في التنظيم عشان مش تبقى معقدة و العضو يلاقي صعوبة في انضمامه ليها
و عايز التركيز يكون في اجمل صور ..و نبقى صور طبيعة عشان دمياط تغلبكم ههههههه
انا كان عندي فكرة قديمه من ضيف 2011 بس مش نفذتها
كنت عايز كل عضو من كل محافظة يصورلنا الوان عربيات التاكسي عنده و نعمله وثائقي =))

[big bốss]

اقتباس المشاركة الأصلية كتبت بواسطة silver spectra عموما لو هتعملها يبقى تبقى مفتوحة على طول يعني مش لمدة اسبوع و لا اسبوعين .. و ممكن ابقى اضيفلك افكار لتنظيمها مهم انها تبقى بسيطه في التنظيم عشان مش تبقى معقدة و العضو يلاقي صعوبة في انضمامه ليها و عايز التركيز يكون في اجمل صور ..و نبقى صور طبيعة عشان دمياط تغلبكم ههههههه انا كان عندي فكرة قديمه من ضيف 2011 بس مش نفذتها كنت عايز كل عضو من كل محافظة يصورلنا الوان عربيات التاكسي عنده و نعمله وثائقي =))

ماشي نعملها مفتوحه علشان ظروف دراسة الاعضاء

- شروط تشكيل اى مجموعه هتكون سهله اهم شرط ان يكون محافظتهم واحده

بس

- و ابعتلى افكارك يا طارق و ننظمها سواء

- فكره حلوه تصوير التاكسيات و الوانها ، لانها مختلفه من محافظه لمحافظه

[ابتسامة الزهر]

فكرة حلوة
بس انا لا ليه فى التصميم ولا الفلاشات
هل تقبلنى ؟

[العاشق الذى لم يتب]

ياابو التفانين انت
ياحلاوة الفكرة وجمالها
وكمان هتعمل جوتنافسى وتنشيط
والناس النايمة دى تصحى شوية
يلا وانا زعيم مجموعة اسيوط
ولااحنا مش اد المقام ولاايه
ياقوم ياأسيوطية
هلموا إلينا هلموا وتعالوا
نغزوا المنتدى ونكون ان شاءالله نحن الفائزون
فى انتظار باقى التعليمات والارشادات
والتوفيق للجميع
تحياتى

[big bốss]

اقتباس المشاركة الأصلية كتبت بواسطة ابتسامة الزهر فكرة حلوة بس انا لا ليه فى التصميم ولا الفلاشات هل تقبلنى ؟

اقبلك طبعآ حتى لو مش ليكى فى اى حاجه خالص

[Words Whisper]

حلوة الفكرة
لو انتفذت فالمسابقة اللي كنت اقترحتها مش هنفذها بئا
وكويس ان مش كله يشتغل في كله
بحيث مش يكون ضغط
اللي فهمته من الردود ان كل قسم واحد بس من المجموعة هيشترك فيه
ممكن أشارك لو مش هتكون مراحل
يعني أعمل الحاجة مرة واحدة وخلاص
وهي لو مش مراحل أفضل
هتخلص أسرع وهيبئا الانضمام ليها أسهل ..


ومن حيث المحافظات فأنا الدقهلية - المنصورة ..


الله يعطي حضرتك العافية ..
تسلم ..